ரயிலில் இரவு பயணம் செய்ய ரூல்ஸ்.. ரயில்வே வெளியிட்ட விதிமுறைகள் தெரியுமா?

பொதுவாக நீண்ட நேர பயணங்களுக்கு தா ரயில்களை தேர்ந்தெடுப்போம். குறைந்த கட்டணத்தில் படுத்துக்கொண்டே பயணம் செய்ய சோர்வு இல்லாமல் இருக்க ஏற்ற பயண வழியாக இது பார்க்கப்படுகிறது. ஆனால் சில நேரங்களில் இரவு பயணத்தின்போது தூங்க முடியாத சிக்கல்களும் ஏற்படுகிறது.

தூக்கம் தொடர்பான பிரச்சனைகள் பெரும்பாலும் இரவு நேரத்தில்தான் ஏற்படுகின்றன, மேலும் பல பயணிகள் தூக்கம் தேவைப்படும் மற்ற நபர்களின் இருப்பை புரிந்துகொள்ள மறந்து விடுகின்றனர். அதனால்தான் ஐஆர்சிடிசி இரவுக்கான விதிகளை வகுத்துள்ளது.

குழுவாக பயணிக்கும் நபர்கள் பேசுவது, சத்தமாக பாட்டு போடுவது, சீட் பிரச்சனை என்று எல்லாம் வந்து ஒரு அழகான இரவு நேர பயண தூக்கத்தை கெடுத்துவிடும். ஆனால் இதை கட்டுப்படுத்த IRCTC சில விதிமுறைகளை பயணிகளுக்கு விடுத்துள்ளது. இதை தெரிந்து கொள்ளுங்கள். வேறு பயணிகள் தொந்தரவு செய்தல் அந்த விதிமுறைகள் பயன்படும்.

இரவு 10 மணிக்குப் பிறகு, TTE (பயண டிக்கெட் பரிசோதகர்) பயணிகளின் டிக்கெட்டை ஆய்வு செய்ய முடியாது. ஸ்டேஷனில் பயணிகள் ஏறும்போது மட்டும் அவர்களது சீட்டுகளை சரிபார்க்கலாம். அதுவும் மற்ற பயணிகளை தொந்தரவு செய்யாத வண்ணம் இருக்கும். மேலும், கேட்டரிங் ஊழியர்கள் மற்றும் இதர ரயில்வே பணியாளர்களும் இந்த விதி பொருந்தும்.

பயணிகள் இயர்போன் இல்லாமல் சத்தமாக இசையைக் கேட்கவும் அனுமதிக்கப்படவில்லை. குழுவாகப் பயணம் செய்பவர்கள் இரவு 10 மணிக்குப் பிறகு  சத்தமாக பேசாமல் இருப்பதை உறுதி செய்ய வேண்டும் என்று IRCTC விதிகள் கூறுகின்றன.

இரவு மெல்லிய வெளிச்ச நைட் லைட்டுகள் தவிர மற்ற அனைத்து விளக்குகளும் இரவு 10 மணிக்கு மேல் அணைக்கப்படும். கூடுதலாக, நடுத்தர பெர்த் பயணிகள் நேரம் கழித்து தங்கள் பெர்த்துகளை விரித்தால் , கீழ்-பெர்த் பயணிகள் புகார் செய்ய முடியாது.

IRCTC விதிகளின்படி இரவு 10 மணிக்கு மேல் ரயில்வே சார்பில் உணவு வழங்கக்கூடாது. இருப்பினும், இரயிலில் இரவு நேரத்திலும் இ-கேட்டரிங் சேவைகள் மூலம் உணவு அல்லது காலை உணவை முன்கூட்டியே ஆர்டர் செய்யலாம்.

இந்த விதிகளை மீறி யாராவது உங்களை தூங்க விடாமல் தொந்தரவு செய்தால் கம்பார்ட்மெண்ட்டில் உள்ள ரயில்வே ஊழியரிடம் தெரிவிக்கலாம். அல்லது அதிகாரபூர்வ வலைதளத்தில் புகார் அளிக்கலாம்.