கடலுக்குள் வாக்கிங்.. உப்பு நீர் ஏரி.. ஆச்சரியங்கள் நிறைந்த எகிப்து..!

மனித இனம் தொடங்கிய இடமாக கருதப்படும் ஆப்பிரிக்க கண்டத்தின் அடையாளமாக நைல் நதிக்கரையில் வாழ்ந்த மக்களின் எச்சங்கள் எகிப்து நாட்டின் பல பகுதிகளிலும் விருந்து கிடக்கிறது. உலக அதிசயங்களில் ஒன்றான பிரமிடுகள் முதல் பண்டைய நகரங்கள் வரை எகிப்தில் உள்ள சிறந்த இடங்கள் மற்றும் செய்ய வேண்டிய விஷயங்களை பட்டியலிடுகிறோம். எகிப்து செல்லும்போது இதை கவனத்தில் கொள்ளுங்கள்

அல் கிசா பாலைவனத்தில் உள்ள கிசாவின் பெரிய பிரமிட்(great pyramid of giza) மிகப்பெரிய எகிப்திய பிரமிடு மற்றும் நான்காவது வம்சத்தின் பாரோ குஃபுவின் கல்லறை ஆகும். கிமு 26 ஆம் நூற்றாண்டின் முற்பகுதியில் சுமார் 27 வருடங்கள் கட்டப்பட்ட இந்த பிரமிடு, பண்டைய உலகின் ஏழு அதிசயங்களில் மிகப் பழமையானது, மேலும் இது பெரிய அளவில் மாற்றங்கள் ஏற்படாமல் அப்படியே உள்ளது. இந்த பிரமாடுகளுக்குள் என்ன இருக்கிறது என்பதை இன்று வரை ஆராய்ந்து வருகின்றனர்.

எகிப்தியர்கள் ஆயிரக்கணக்கான ஆண்டுகளாக நைல் நதியில் பயணம் செய்து வருகின்றனர், எனவே நைல் நதி கப்பல் இந்த நாட்டின் சில முக்கிய இடங்களைப் பார்க்க சிறந்த வழிகளில் ஒன்றாகும். குறிப்பாக அவர்களது பாரம்பரிய ஃபெலூக்கா(felucca) படகில் பயணிக்க மறவாதீர்கள்.

எகிப்து நாகரிகத்தின் மற்றொரு அடையாளம் தான் லக்சர(luxar) நகரம். லக்சரில் படங்களில் பார்க்கும் பிரமாண்ட சிலைகள் கொண்ட தூண்கள், 3400 ஆண்டுகள் பழமையான லக்சர் கோயில், கர்னாக் கோயில் வளாகம், மன்னர்களின் பள்ளத்தாக்கு மற்றும் ராணிகளின் மாளிகை போன்ற பல முக்கியமான எகிப்திய நினைவுச் சின்னங்கள் உள்ளன.

ஷர்ம் எல் ஷேக்(sharm el sheikh) செங்கடலில் உள்ள மிகவும் பிரமிக்கவைக்கும் சுற்றுலா விடுதிகளில் ஒன்றாகும். அழகான கடற்கரைகள் மற்றும் தெளிந்த நீர் டைவிங் மற்றும் கடலுக்கு அடியில் நடைபயணம் செய்ய, பவளப்பாறைகள் பார்க்க ஏற்ற இடமாக இருக்கும்.

அலெக்ஸாண்டிரியாவின் பண்டைய நகரம் வரலாற்றில் முக்கியத்துவம் வாய்ந்த பகுதியாகும். அலெக்ஸாண்ட்ரியாவின் பண்டைய நகரத்தில் முக்கியமாக பிப்லியோதேகா அலெக்ஸாண்ட்ரினா(Bibliotheca Alexandrina) என்று அழைக்கப்படும் பண்டைக்கால பெரிய நூலகத்தை பார்வையிடவும். வரலாற்று சான்றுகள் பல இங்கிருந்து எடுக்கப்பட்டதாக நம்பப்படுகிறது.

எகிப்து கரை ஓரம் அமைந்துள்ள ராஸ் முகமது தேசிய பூங்கா உலகின் மிகவும் துடிப்பான டைவிங் தளங்களில் ஒன்றாகும். கடலுக்கு அடியில் இருக்கும் உயிரினங்களை பார்த்து ரசிக்க விரும்பும் மக்களுக்கு இது ஒரு சொர்க்கமாக இருக்கும்.

கான் அல் கலிலி (khan al khalili)சந்தை எகிப்து தலைநகர் கெய்ரோவில் உள்ள எகிப்தின் பழமையான சந்தையாகும். இது நினைவு பரிசு சேகரிப்பாளர்களுக்கான புகலிடமாகும்.பழங்காலத்திய பொருட்கள் முதல் இக்காலத்திய அலங்கார பொருட்கள் வரை அனைத்தும் இங்கு கிடைக்கும்

சிவா(siwa) ஒயாசிஸ் அல்லது சிவா பாலைவனச்சோலையில் உள்ள உப்பு நீர் ஏரிகள் சாக்கடலுக்கு அடுத்தபடியாக அதிக உப்பு தன்மை கொண்டது. இங்கு இருக்கும் உப்பால் நீங்கள் நீச்சல் அடிக்காமல் மிதக்கலாம்

பழங்கால நகரமான கெய்ரோ(cairo) தான் பெரிய பிரமிடுகள் மற்றும் கிசாவின் பிற நினைவுச்சின்னங்கள். பழைய நகர நினைவு சின்னங்கள்,அருங்காட்சியகங்கள் பலவற்றின் தாயகமாக உள்ளது. எகித் மக்களின் பாரம்பரிய மம்மிக்களை காண இந்த இடம் சரியான தேர்வாக இருக்கும்.

மத்திய ஆசிய நாடுகளான துருக்கி, அரபு நாடுகளின் கபாப் முதல் எகிப்தியர்களின் பாரம்பரிய பலாடி பிரட், ஃபோய் கிராஸ்(Foie gras), ஈஷ் ஃபினோ (Eesh fino) வரை எல்லாமே தலைநகர் கெய்ரோ வீதிகளில் கிடைக்கும். அதோடு ஐரோப்பிய உணவை எகிப்திய சுவையோடு கலந்த பல புதிய உணவுகளை சுவைக்கும் வாய்ப்பு கிடைக்கும்.