டிராவல் செய்ய திட்டமிடும் முன் ஸ்மார்டாக பேக்கிங் செய்து பழகுவது அவசியம் : எப்படி தெரியுமா..?

யோ, வெயிலோ, பனியோ - இப்படி எந்தவொரு காலத்திலும் நாம் தவிர்க்க விரும்பாத ஒரு செயல்பாடு உண்டெனில் - அது டிராவல் செய்வது தான். அண்டை மாநிலத்தை அல்லது தூர தேசத்தை சுற்றிப்பார்க்க சென்றால் மட்டுமல்ல, அருகாமையில் இருக்கும் ஒரு ஊரை சுற்றிப்பார்க்க சென்றாலும் கூட அது - பயணம் தான்.

நீங்கள் எவ்வளவு 'ஸ்மார்ட்' ஆக உங்கள் ஆடைகள் மற்றும் தேவையான பொருட்களை 'பேக்' செய்கிறீர்களோ, அதே அளவிற்கு உங்கள் பயணமும் உற்சாகமாய், நிம்மதியாய் அமையும். ஒருவேளை உங்கள் பேக்கிங் சற்றுஇ குழப்பமாக இருந்தால் கண்டிப்பாக உங்கள் டிராவலும் கொஞ்சம் சிக்கலாகவே இருக்கும்.

நீங்கள் ஒரு வாரத்திற்கு முன்பே பேக்கிங் செய்ய தொடங்கும் நபராக இருந்தாலும் சரி, அல்லது கடைசி நிமிடம் வரை காத்திருக்கும் நபராக இருந்தாலும், கீழ்வரும் சில பேக்கிங் டிப்ஸ்களை அறிந்து கொள்வதன் வழியாக உங்கள் டிராவல் அனுபவத்தை மேலும் மேம்படுத்தலாம்.

1. துணிகளை மடிப்பதற்கு பதிலாக உருட்டி பேக் செய்யவும் : இது துணியில் ஏற்படும் மடிப்புகளைத் தடுப்பதற்கும், பெட்டியில் அல்லது பேக்கில் உள்ள இடத்தை சிறந்த முறையில் பயன்படுத்துவதற்கும் ஒரு சிறந்த வழி ஆகும்.

2. ஒவ்வொரு நாளுக்குமான ஆடைகளை பிரித்து, வரிசைப்படுத்தி அடுக்கவும் : நீங்கள் எத்தனை நாட்கள் டிராவல் செய்ய போகிறீர்கள்? எங்கெல்லாம் சுற்றி பார்க்க போகிறீர்கள் எப்போது என்ன ஆடையை அணிய போகிறீர்கள் என்பதை முன்னரே பிளான் செய்து விடுங்கள். அதற்கு ஏற்றாற்போல முதல் நாள் ஆடை, இரண்டாம் நாளுக்கானது என்று பிரித்து அடுக்கவும். முதல் நாளுக்கான ஆடையை பெட்டியின் கடைசியில் வைப்பது அவ்வளவு புத்திசாலித்தனம் அல்ல.

3. கனமான பொருட்களை எப்போதும் அடியில் வைக்கவும் : காலணிகள் மற்றும் புத்தகங்கள் போன்ற ஒப்பீட்டளவில் எடையுள்ள பொருட்களை உங்கள் சூட்கேஸின் சக்கர முனையில் வைக்கவும்.

4. துணிகளுக்கு இடையில் பிளாஸ்டிக் ட்ரை க்ளீனிங் பேக்-களை அடுக்கி வைக்கவும் : இவைகளை உங்கள் துணிகளுக்கு இடையில் அடுக்கி வைப்பதன் மூலம், தற்செயலாக ஏற்படும் சிதைவுகளில் இருந்து மென்மையான பொருட்களை பாதுகாக்கலாம்.

5. பேக்கிங் க்யூப்ஸை பயன்படுத்தவும் : இது உங்கள் சூட்கேஸை ஒழுங்கமைத்து துணிகளை மற்றும் இதர பொருட்களை எளிதாக அடுக்க உதவும். நீங்கள் எவ்வளவு கவனமாக அடுக்கி வைத்தாலும் பேக்கிங் க்யூப்ஸை கொண்டு அடுக்குவது போல் வராது.

6. வாங்கப் போகும் "நினைவுப்பொருட்களுக்கு" முன்னரே இடம் ஒதுக்குங்கள் : டிராவல் செய்யும் போது, கண்டிப்பாக ஒரு சில பொருட்களையாவது நீங்கள் வாங்குவீர்கள். எனவே அதற்கான இடத்தை முன்னரே ஒதுக்கிவிட்டால், எக்ஸ்ட்ரா பேக் அல்லது பெட்டியை தூக்கிக்கொண்டு வர வேண்டிய அவசியம் இருக்காது.

7. மிகவும் முக்கியமான மருந்துகளை பர்ஸ் அல்லது ஹேண்ட்பேக்கில் வைத்து கொள்ளவும் : மருந்துகளை பெட்டியின் அடியில் அல்லது பேக்கின் ஏதோவொரு பகுதியில் வைத்து விட்டு, மிகவும் அவசரமான அல்லது மிகவும் தேவையான நேரத்தில் அதை தேடுவது மருத்துவ சிக்கல்களில் சென்று முடியலாம். எனவே மருந்துகளை எப்போதும் 'டக்கென்று' எடுக்கும் இடத்தில் வைக்கவும்.