இந்த கிராமத்தில் குடியேறும் குடும்பத்திற்கு வீடு, கார் , 15 லட்சம் பேங்க் பேலன்ஸ் முற்றிலும் இலவசம்.. எங்கு தெரியுமா..?

ஒரு கிராமத்தில் இருக்கும் எல்லோரும் தனிப்பட்ட ஒரு வில்லா, ஒரு கார், குறைந்தது 15 லட்சம் பேங்க் பேலன்ஸ் வைத்திருக்கிறார்கள். அங்கு செல்லும் மக்களுக்கும் இது இலவசமாக வழங்கப்படும் என்றால் யார் தான் போக யோசிப்பார்கள்? அப்படியான கிராமம் எங்கே இருக்கிறது என்று தானே கேட்கிறீர்கள். அதை பற்றிதான் இந்த தொகுப்பில் சொல்ல இருக்கிறோம்.

சீனாவில் ஜியாங்சு மாகாணத்தில் உள்ள ஜியாங்யின் கவுண்டியில் உள்ள ஹுவாக்ஸி Huaxi கிராமம் சீனாவின் பணக்கார கிராமமாக கருதப்படுகிறது. இந்த சூப்பர் கிராமத்தில்  2009 ஆம் ஆண்டு வரை, ஒவ்வொரு குடும்பமும் ஒரு வீடு மற்றும் குறைந்தபட்சம் ஒரு கார், $150,000 மதிப்பில் பணம் என  இந்த கிராம சமூகத்தால் வழங்கப்பட்ட சொத்துக்களை கொண்டிருந்தனர் .

இந்த கிராமம் முழுவதும் தேவையான பழங்களை தரும் மரங்களால் சூழப்பட்டுள்ளன. அதன் இடையே ஒரே மாதிரியான சிவப்பு-கூரை வில்லாக்கள், அழகுபடுத்தப்பட்ட புல்வெளிகள் மற்றும் இரண்டு கார் கேரேஜ்கள் கொண்டு கண்ணை பறிக்கிறது.

உள்ளூர் அதிகாரிகளின் கூற்றுப்படி, Huaxi ஒரு "முன்மாதிரி சோசலிச கிராமம்" ஆகும். இது 1961 ஆம் ஆண்டில் உள்ளூர் கம்யூனிஸ்ட் கட்சியின் செயலாளர் Wu Renbao என்பவரால் நிறுவப்பட்டது. அவரது தொலைநோக்கு பார்வையானது ஒரு ஏழை விவசாய சமூகத்தை ஒரு பெரும் பணக்கார சமூகமாக மாற்றுவதாகும்.

அதன் அடிப்படையில், விவசாயம், வணிகம், தொழில்துறை அனைத்தும் இங்கு உருவாக்கப்பட்டுள்ளன. முக்கியமாக நீல நிற தகர  கூரை தொழிற்சாலைகள், அவை விடும் புகை மூட்டங்கள், கிராமத்தின் ஒரு தொழிற்துறைப் பகுதியை காட்டுகிறது. குறிப்பாக, இங்கிருந்து சீன நாட்டின் பொருளாதாரத்திற்கு  பெரும் பங்கு லாபம் ஈட்டி தரப்படுகிறது.

சுற்றியுள்ள பகுதிகளுடன் ஒப்பிடும்போது அதன் ஆடம்பரத்திற்காக மட்டுமல்லாமல் அதன் சீரான தன்மைக்காகவும் செழிப்பிற்காகவும் புகழ் பெற்றுள்ளது. 400 குடும்பங்கள் வாழும் இந்த கிராமத்திற்கு புதிதாக குடியேறும் மக்களுக்கு ஐரோப்பிய பாணி வில்லா, , கார், வேலை எல்லாமே இலவசம். அதுமட்டும் இல்லாமல் வளர்ந்த நாடுகளில் இருப்பது போல கல்வி, மருத்துவ வசதி, சுகாதார வசதிகள், போக்குவரத்தும்  இலவசம்.

ஆனால் இந்த வசதிகள் எல்லாம் இங்கு இருக்கும் வரை மட்டுமே அனுபவிக்க முடியும். இந்த கிராமத்தை விட்டு வெளியேறும் பட்சத்தில் எல்லாவற்றையும் இந்த கிராம நிர்வாகத்திடம் கொடுத்துவிட்டு தான் போக வேண்டும்.

இந்த கிராமத்தில் தீம் பார்க், நட்சத்திர விடுதிகள் ஹெலிகாப்டர் டாக்சிகள், என்று எல்லா ஆடம்பர வசதிகளும் உள்ளன. அது மட்டும் இல்லாமல் தங்க பந்து போன்ற அமைப்பை தாங்கும் 74 தள கட்டிடம், சிட்னி ஓபரா ஹவுஸ், நாஞ்சாங்கில் பெரிய சுவவர், அமெரிக்காவின் சுதந்திர தேவி போன்ற உலக புகழ்பெற்ற கட்டிட அமைப்புகளின் பிரதிகளையும் கொண்டுள்ளது.