ஜெய்சல்மரின் தனித்துவமான ஹவேலிக்கல் பற்றிய சுவாரஸ்யங்களை தெரிந்து கொள்வோமா..?

பொன்னிற  மணல் கொண்ட தார் பாலைவனம்  ஒருபுறம் மணல் கற்களால் ஆன ஆடம்பர மாலிகாளைகள் ஒரு புறம் என்று ராஜஸ்தான் மாநிலத்தின் ஜைசாய்மர் நகரம் எப்போதும் மினுங்கிக்கொண்டே இருக்கும். அப்படியான மாளிகைகளில் இடம் பெற்றுள்ள ஹவேலி எனப்படும் மாடங்களை பற்றி தான் இந்தத் தொகுப்பில் தெரிந்துகொள்ள இருக்கிறோம்.

18 மற்றும் 19 ஆம் நூற்றாண்டுகளில் ஜெய்சால்மரில் வாழ்ந்த,  பணக்கார வணிகர்களால் இந்த ஹாவேலிக்கள் கட்டப்பட்டன. தங்கள் தொழிலில் கிடைத்த லாபத்தை எல்லாம் வைத்து அலங்காரமான  குடியிருப்புகளை  உருவாக்கி அதன்மூலம் தங்கள் பெயர்களை வரலாற்றில் பதிக்க முடிவு செய்துள்ளனர்.

இந்த ஹவேலிகள் மஞ்சள் நிற ஜெய்சால்மர் மணற்கற்களால் ஆனவை . அதிலும் குறிப்பாக  'ஜாலி' என்பது பெண்களுக்கான   திரைகள் போடப்படும் மாடங்கள் மற்றும் செதுக்கப்பட்ட பால்கனிகள் உள்ளிட்டவை கொண்டு கட்டிடங்களின்  முகப்புகளை  அலங்கரிக்கின்றனர். இதற்காக மிகவும் திறமையான கல் வேலைகள் செய்பவர்களை பயன்படுத்தியுள்ளனர்.

பட்வோன்-கி-ஹவேலி : 19 ஆம் நூற்றாண்டின் முதல் பாதியில் ஐந்து ஜெயின் சகோதரர்களால் கட்டப்பட்ட பட்வோன்-கி-ஹவேலி, ஒன்றோடொன்று ஒட்டிய ஐந்து வீடுகளின் தொகுப்பாகும். வெளிப்புற மாதங்களில் மிகவும் நுணுக்கமான வேலைப்பாடுகள் உள்ளன. மைய முற்றத்தைச் சுற்றி அமைக்கப்பட்ட அறைகளின் சில சுவர்களில் நேர்த்தியான ஓவியங்களின் எச்சங்கள் உள்ளன.

பல சுவர்களில் அழகான 'ஜரோகாக்கள்' (கல் ஜன்னல்கள்) , முற்றம் இருக்கின்றன. இதன் வழியாக மாடியில் இருந்து கோட்டையின் அற்புதமான காட்சிகளை காணும் வாய்ப்புகள் உள்ளன. தற்போது இந்த கட்டிடத்தில் ராஜஸ்தானின் பாரம்பரிய  ப்ரோகேட்ஸ் மற்றும் எம்ப்ராய்டரி செய்யப்பட்ட ஜவுளிகளை சுற்றுலாப் பயணிகளுக்கு விற்கும் கடைகள் உள்ளன.

சலீம் சிங்-கி-ஹவேலி  :அதே 19 ஆம் நூற்றாண்டில் ஜெய்சல்மேரின் பிரதம மந்திரியின் பெயரால்   சிமெண்ட் அல்லது மோட்டார் பயன்படுத்தாமல் கல்லால் மட்டுமே கட்டப்பட்ட ஒன்று தான் சலீம் சிங்-கி-ஹவேலி. கல்லில் செதுக்கப்பட்ட யானைகள் உங்களை ஹவேலிக்குள் வரவேற்கின்றன. இந்த ஹவேலி முதலில் மஹாராஜாவின் அரண்மனையின் உயரத்துடன் பொருந்தக்கூடிய இரண்டு கூடுதல் மர மாடிகள் இருந்தன என்று புராணக்கதை கூறுகிறது. ஆனால் பிற்காலத்தில் அவை இடிக்கப்பட்டு கல்கட்டிடம் மட்டும் உள்ளது.

நாத்மல்-கி-ஹவேலி: 19 ஆம் நூற்றாண்டின் பிற்பகுதியில் இரு சகோதரர்களால் கட்டப்பட்ட இந்த ஹவேலியில் இன்னும் ஓரளவு மக்கள் வசிக்கின்றனர். வெளிப்புறம் அழகாக மினியேச்சர் பாணி ஓவியங்கள் ,  மஞ்சள் மணற்கற்களால் செதுக்கப்பட்ட வலிமைமிக்க யானைகள் அலங்காரத்திற்கு பயன்படுத்தப்படுகின்றன.நகரத்தை இருபுறம் இருந்து கண்காணிக்க கட்டப்பட்டதால் இந்த ஹவேலி இருபுறமும் பார்ப்பதற்கு ஒரே மாதிரி இருக்கும்.