தென்னிந்தியாவில் நீங்கள் சுற்றிப்பார்க்க தவறவிடக்கூடாத ரம்மியமான இடங்கள்...

தென்னிந்தியாவில் பல பகுதிகள் இயற்கை எழில் கொஞ்சும் அழகுடன் காட்சியளிக்கின்றன. மிகப் பெரிய மலைகள், பள்ளத்தாக்குகள், மாநகரங்கள், கடற்கரைகள் உள்ளிட்டவை இங்கு இருக்கின்றன. உங்கள் சுற்றுலா திட்டத்திற்கு ஏற்ற இடங்களாக இவை இருக்கும். தமிழகத்தின் ஊட்டி முதல் கர்நாடகத்தின் ஹம்பி, கூர்க் வரை ஏராளமான அழகிய இடங்களைக் கொண்டதாக தென்னிந்தியா இருக்கிறது. இப்போது இந்த இடங்களை சுற்றிப் பார்க்கலாம் வாங்க.

வயநாடு, கேரளா: கேரளாவில் நீங்கள் தவற விடக் கூடாத மிக அழகான இடம். அழகான இயற்கை காட்சிகள் மற்றும் பசுமை போர்த்திய மலைகளுடன் வயநாடு உங்களை வரவேற்கும். இயற்கையுடன் நீங்கள் அதிக நேரத்தை செலவிட விரும்பினால் இது உங்களுக்கு வசதியான இடமாக இருக்கும். மலையேற்றம், வனவிலங்குகளை பார்வையிடுவது, அணைப்பகுதியில் படகு சவாரி என ஆனந்தமாக இருப்பதற்கான அத்தனை இடங்களும் இங்கே இருக்கின்றன.

விசாகப்பட்டினம், ஆந்திரா: ஆந்திர மாநிலத்தில் உள்ள மிக அழகிய கடற்கரை நகரம் இதுவாகும். இந்தியாவில் உள்ள மிகப் பழமையான கப்பல் துறைமுகங்களில் இதுவும் ஒன்றாகும். இங்குள்ள கடற்கரைகள் அழகானதாகவும், சுத்தமானதாகவும் இருக்கும்.

புதுச்சேரி: புதுச்சேரி குறித்து உங்களுக்கு புது அறிமுகம் தேவையில்லை. பிரெஞ்சு கலாச்சாரத்தை நீங்கள் இந்தியாவில் இருந்தபடி தெரிந்து கொள்ள விரும்பினால் இது சரியான இடமாக இருக்கும். கடற்கரை ஓரமாக உள்ள ஆசிரமங்கள், யோகா மையங்கள், பிரெஞ்சு மாடல் கடைகள், வீடுகள் உள்ளிட்டவை உங்களை ஈர்க்கும்.

மூணார், கேரளா: கேரளாவில் மேற்கு தொடர்ச்சி மலைப்பகுதியில் அமைந்துள்ள மிக அழகிய இடம் இதுவாகும். உங்கள் கனவில் வரும் ரம்மியமான பகுதிகளை இங்கு காணலாம். சுமார் 60 ஆயிரம் அடி உயரத்தில் இந்த மலை அமைந்துள்ளது. கோடைகால புத்துணர்ச்சி முகாமாக பிரிட்டீஷ் ஆட்சியாளர்கள் இதை பயன்படுத்திக் கொண்டனர்.

கொடைக்கானல், தமிழ்நாடு: தென்னிந்தியாவில் உள்ள பெரும்பாலான மக்கள் தங்களுடைய தேனிலவு காலத்திற்கு தேர்வு செய்யும் இடங்களில் இதுவும் ஒன்று. மனதை கொள்ளை கொள்ளும் இயற்கை அழகுக் காட்சிகள் இங்கு அதிகம். வாழ்வில் மறக்கமுடியாத நினைவுகளை கொடைக்கானல் உங்களுக்கு வழங்கும்.

ஹைதராபாத், தெலங்கானா : இந்தியாவின் முத்து நகரம் என்று அழைக்கப்படுகிறது. உலகெங்கிலும் இருந்து இந்தியா வரக் கூடிய சுற்றுலாப் பயணிகளின் முதன்மையான தேர்வாக இது இருக்கிறது. இந்த மாநகரின் பெயரிலேயே கிடைக்கும் பிரியாணி உலக பிரபலம் கொண்டது. பல்வேறு வரலாற்று நினைவுச் சின்னங்களை கொண்டது.

ஹம்பி, கர்நாடகா : மிகவும் பழமையான நகரம் இது. சுற்றுலாப் பயணிகளின் சொர்க்கபுரி என்று கூட சொல்லலாம். விஜயநகர பேரரசின் தலைமையிடமாக இது விளங்கியது. யுனெஸ்கோ அமைப்பால் அங்கீகரிக்கப்பட்ட பாரம்பரிய நகரம் இதுவாகும்.

தந்தேளி, கர்நாடகா: தென்னிந்தியாவில் சாகச பயணம் செய்வதற்கான இடமாக இது இருக்கிறது. கர்நாடகாவில் மேற்கு தொடர்ச்சி மலைப்பகுதியில் அமைந்துள்ளது.

கூர்க், கர்நாடகா: கர்நாடகாவில் உள்ள மிக அழகான நகரங்களில் இதுவும் ஒன்று. இங்குள்ள காஃபி மிகவும் சுவை கொண்டது. அதன் மனமே உங்களை கவர்ந்திழுக்கும். இந்தியாவின் ஸ்காட்லாந்து என்று அழைக்கப்படுகிறது.

குன்னூர், தமிழ்நாடு : நீலகிரி மாவட்டத்தில் அமைந்துள்ளது. தென்னிந்தியாவின் பிரபலமான மலைப்பகுதிகளில் இதுவும் ஒன்று. மலையேற்றத்திற்கு மிகச் சரியான இடமாகும்.