கண்கொள்ளா காட்சிகள்.. உலகத்தின் கவனத்தை ஈர்த்த ஒடிஷாவின் மயூர்பஞ்ச்.. பார்க்க வேண்டிய இடங்கள்!

பசுமையான இயற்கை காட்சிகள், பழங்கால கோவில்கள், நீர்வீழ்ச்சிகள் மற்றும் வளமான கலாச்சார பாரம்பரியத்திற்கு பெயர் பெற்ற ஒடிசாவின் மயூர்பஞ்ச் டைம் இதழின் 2023 ஆம் ஆண்டிற்கான உலகின் சிறந்த இடங்களின் பட்டியலில் இடம்பிடித்துள்ள 2 இடங்களில் ஒன்றாகும் . அதனால் உலக சுற்றுலா பயணிகள் இடையே பெரும் வரவேற்பையும் ஆர்வத்தையும் தூண்டியுள்ளது.

வங்காளப் புலியைக் காணக்கூடிய சிமில்பால் தேசியப் பூங்காவில் இருந்து, மயக்கும் பீம்குந்த் நீர்வீழ்ச்சி, அம்பிகா கோயில், லுலுங் வரை, மயூர்பஞ்சில் பார்க்கக்கூடிய அனைத்து இடங்களையும் இந்த செய்தி தொகுப்பில் உங்களுக்காக சொல்கிறோம்.

சிமிபால் தேசிய பூங்கா
இயற்கையின் அற்புதமான பல்வேறு வகையான தாவரங்கள் மற்றும் விலங்கினங்களின் தாயகமான இது நீர்வீழ்ச்சிகள், புல்வெளிகள் மற்றும் அடர்ந்த காடுகளை உள்ளடக்கிய ஆன்மாவுக்கு திருப்தி அளிக்கும் அழகிய காட்சிகளில் உங்களை திளைக்கச்செய்யும் .  ஜீப் சஃபாரி,  இயற்கை முகாம் என்று பல சுவாரசிய விஷயங்களும்  உள்ளது

அதேபோல மயூர்பஞ்ச் அருகே உள்ள லுலுங் அற்புதமான ஒரு பிக்னிக் ஸ்பாட் ஆகும். அங்கு ஓடும் நீரோடைகள் மற்றும் பழமையான இயற்கை பாதைகளை உள்ளடக்கிய அழகிய நிலப்பரப்பை நீங்கள் காணலாம். இந்த இடம் சிம்லிபால் தேசிய பூங்காவிற்கு நுழைவாயிலாகவும் செயல்படுகிறது.

சிமில்பால் தேசிய பூங்காவில் இருக்கும் பரேஹிபானி மற்றும் ஜரோண்டா நீர்வீழ்ச்சி ஆகிய இரண்டு அருவிகள் நிச்சயம் இந்த கோடை காலத்திற்கு உங்களை குளிர்விக்கும் இடங்களாகும். அதில் ஜரோண்டா நீர்வீழ்ச்சி இந்தியாவின் மிக உயரமான நீர்வீழ்ச்சிகளில் ஒன்றாகும்.

தேவ்குண்ட் மற்றும் அம்பிகா கோவில்
தேவ்குண்ட் மயூர்பஞ்சில் பார்க்க வேண்டிய மற்றொரு மத சுற்றுலாத் தலமாகும். இது பசுமையான மலைகளுக்கு மத்தியில் அமைந்துள்ளது  ஒரு   நீர்வீழ்ச்சி ஆகும். நீர்வீழ்ச்சி தொடங்கும் மலையின் உச்சியில் உள்ள பழமையான அம்பிகை கோயிலுக்கும் செல்லலாம்.

ஜகன்னாதர் கோவில்
மயூர்பஞ்சில் உள்ள ஹரிபல்தேவ் கோவில் என்று அழைக்கப்படும் இந்த கோவில், ஒடிசாவில் பூரி மற்றும் கோராபுட்டில் உள்ள ஸ்ரீக்ஷேத்ராவிற்கு அடுத்தபடியாக மூன்றாவது மிகவும் பிரபலமான ஜகன்னாதா கோவில் என்று கூறப்படுகிறது. பெரும்பாலும் ஜூலை இரண்டாவது வாரத்தில் நடைபெறும் வருடாந்திர ரத யாத்திரை ஒரு முக்கிய நிகழ்வாகும்.