அந்த ஊருக்கே தண்ணீர் தொட்டிகள்தான் அடையாளம்... ரசனை நயத்துடன் காட்சியளிக்கும் வீடுகள்..!

நம் வீடுகளில் எல்லாம் தண்ணீர் தொட்டி என்றால் வீடு கட்டும்போதே செங்கல் சிமிண்ட் வைத்து சதுரமாகவோ செவ்வகமாகவே, உருளையாகவோ தண்ணீர் தொட்டியை கட்டிவிடுவோம். அல்லது கடைகளில் விற்கும் தொட்டியை வாங்கி கட்டிடத்தின் மீது ஏற்றிவிடுவோம். தண்ணீர் இருந்தால் போதும். தண்ணீர் எவ்வளவு பிடிக்கும் என்று தான் கணக்கு போடுவோம் .

ஆனால் பஞ்சாப் ஜலந்தர் மாவட்டத்தில் உள்ள உப்லான் என்ற கிராமத்தில் சாதாரண தொட்டிகள் இல்லாமல் ரகரகமாக தண்ணீர் தொட்டிகள் வைத்துள்ளனர். அந்த தொட்டிகளை தங்கள் அடையாளமாக மாற்றியுள்ளனர்.

உப்லான் கிராமத்தைச் சேர்ந்த தர்செம் சிங் என்பவர் 70 ஆண்டுகளுக்கு முன்பு ஹாங்காங் சென்றார். அப்போது அவர் ஒரு கப்பலில் பயணம் செய்தார். ஒருமுறை தனது மகன்களுடன் தனது கடந்த காலத்தைப் பற்றி விவாதித்தபோது, ​​​​அவர்களின் வீட்டின் கூரையில் ஒரு கப்பலை உருவாக்க முடிவு செய்தார்.

1995 இல் தொட்டியை கப்பல் விடுவதில் உருவாக்கினார். அதன் பின்னர் அந்த கப்பல் தொட்டி வீட்டிற்கும் குடும்பத்திற்கும் அடையாளமாக மாறியது.  அதை தொடர்ந்து அந்த ஊர் மக்கள் அனைவரும் தங்களுக்கு பிடித்த அல்லது தங்களுக்கு தொடர்புடைய வடிவத்தில் தண்ணீர் தொட்டிகளை அமைக்க தொடங்கினர்.

அதன் பின்னர் இங்குள்ள அனைத்து வீடுகளும் அவர்கள் வைத்திருக்கும் வித்தியாசமான தண்ணீர் தொட்டிகளை வைத்து அடையாளம் காணப்பட ஆரம்பித்தது. மொத்த கிராமமும் வித்தியாசமான தண்ணீர் தொட்டிகளை கொண்டே இருக்கிறது.

இந்த தண்ணீர் தொட்டிகள் வீட்டின் உரிமையாளரின் மனநிலையையும் அவரது ரசனையையும் பிரதிபலிக்கின்றன. சில வீடுகளில் மக்கள் வாழ்க்கையில் சாதிக்க முடியாத விஷயங்களை தண்ணீர் தொட்டிகளையும் நிறுவியுள்ளனர்.

காலம் எவ்வளவு மாறினாலும் எவ்வளவு புதிய நாகரிக வளர்ச்சி அடைந்தாலும் இங்கு வசிக்கும் பஞ்சாபி நண்பர்கள் தனித்துவமாக செய்யப்பட்ட இந்த தண்ணீர்தொட்டிகளையே நிறுவ விரும்புகின்றனர். இதை தங்களுக்கான தனித்துவ அடையாளமாகக் கருதுகின்றனர்.

கப்பல், விமானம், குதிரை, ராணுவ வீரன், மயில், சிங்கம், புலி, கழுகு, விவசாயி, கால்பந்து, குக்கர், மாருதி 800, சுதந்திர தேவி சிலை  என்று அனைத்துவிதமான தண்ணீர் தொட்டிகளை இந்த கிராமத்தில் பார்க்கலாம். எல்லாமே இந்த கிராம மக்களின்  நினைவுகளும் கனவுகளையும் பிரதிபலிக்கின்றன.