நீங்கள் உணவுப் பிரியர் எனில் அதற்காக மட்டுமே இந்த இடங்களுக்கெல்லாம் பயணிக்கலாம்.. என்ன ரெடியா..?

பயணங்கள் எப்போதும் இடங்கள் சார்ந்ததாகவே இருந்துவிடாது. இடங்களைத்  தாண்டி புதிய கலாச்சாரம், புதிய மக்கள் , புதிய உணவு கலாச்சாரத்தை நமக்கு சொல்லித்தருவதாக பயணங்கள் அமையும். போகும் இடங்களில் எல்லாம் புதிய உணவுகளை ருசிப்பது சுவாரசியமானது. அதே போல சில இடங்கள் உணவுக்காகவே பயணிக்க வொர்த்தானது. அப்படி உனக்காக பயணிக்கக்கூடிய இடங்களை உங்களுக்கு சொல்கிறோம்.

இந்தியாவின் இமாசலப் பிரதேசத்தின் காங்ரா மாவட்டத்தில் உள்ள தர்மசாலாவின் ஒரு புறநகர்ப் பகுதி மேக்லியாட் கஞ்ச். இது பாரம்பரிய திபெத்திய உணவுகளான துக்பா மற்றும் மோமோஸ் முதல் மர அடுப்புகளில் செய்யப்படும் பீட்ஸாக்கள் வரை அனைத்தையும் ருசிக்கலாம். சுவையான உணவுடன் தௌலாதர் மலைத்தொடரின் அழகையும் ரசிக்கலாம்.

அடுத்த இடமும் இமயமலையின் பனி மூடிய இடமாகும். லடாக்கில்  நீங்கள் பாஸ்தா மற்றும் பீட்ஸா போன்ற மேற்கத்திய உணவுகளை எதிர்பார்க்க முடியாது. ஆனால்   டிங்மோ, துகபா, சுட்டாகி  போன்ற உள்ளூர் சுவையான உணவுகளை நிச்சயம் சுவைத்து பார்க்க வேண்டும்.

ஹிமாச்சல பிரதேசத்தில் உள்ள கின்னூரில் வைக்கப்படும் ராஜ்மா மற்றும் பச்சை பட்டாணி ஆகியவை சேர்த்து செய்த  கின்னவுர் கிரேவி அலாதியானது. இந்த இடத்திற்கு மக்கள் பயணிப்பதற்கான காரணங்களில் இதுவும் ஒன்றாகும். கின்னூரில் இருக்கும் போது சூடான ராஜ்மா உணவுகளுடன் குளிர்ந்த காலநிலையை அனுபவிக்க வேண்டும்.

ராஜஸ்தான் என்றதும் ராஜாக்களின் பெரிய பெரிய கொட்டைகள் தான் நினைவுக்கு வரும். கோட்டைகளின் நகரத்தில் ராஜ போக உணவு இல்லாமல் இருக்குமா? அதில் மணி மகுடமாக இருப்பது ஜெய்சல்மரின் கேட்டே கி சப்ஜி. அதை பஜ்ரே கி ரொட்டி மற்றும் சூர்மாவைச் சேர்த்து சாப்பிட்டால் அடடே.. அப்படி இருக்கும்.

வடகிழக்கு இந்திய பகுதி என்பது திபெத்திய-சீன-இந்திய உணவுகளின் கலவையை உங்களுக்கு தரும். அதில் குறிப்பாக  கோஹிமாவின், புளித்த மூங்கில் தளிர்களால் சமைக்கப்பட்ட பன்றி இறைச்சி உங்களுக்கு இது வரை இல்லாத புது உணவு அனுபவத்தை ஏற்படுத்தும் என்பது உறுதி.

தென்னிந்தியாவின் அனைத்து உணவு வகைகளையும் ஒரே இடத்தில் சாப்பிட விரும்பினால், உடுப்பி தான் சரியான இடம். அரிசி, பருப்பு என்று வகை வகையான மாவுகளில் சுடப்படும் நூற்றுக்கணக்கான கொங்கனி வகை தோசைகளை இங்கு மிஸ் செய்துவிடக்கூடாது. மேலும் இந்த சிறப்பு உணவு பிரியர்களுக்கு இது ஒரு தவிர்க்க முடியாத இடமாக இருக்கிறது.

அதேபோல கேரளா உணவுகள் என்பது தவிர்க்க முடியாத ஒன்று. அப்பம், புட்டு- கடலக்கறி, இடியாப்பம் இங்கு மிகவும் பிரபலமானவை.  இங்குள்ள அசைவ உணவுகள் கரிமீன் பொலிச்சது, மீன் மாங்கா கறி, கோஜி பொரிச்சது எல்லாம் நிச்சயம் ட்ரை பண்ண வேண்டியது. இது தவிர பத்திரி, எரிச்சேரி, ஓலன், உள்ளி தேய்த்தல், வெள்ளரிக்காய் கிச்சடி போன்ற சைவ உணவுகளும்  பலா பாயசம், சட்டி பத்திரி, அடப்ரதமன் போன்ற சில சுவையான இனிப்பு வகைகளை சுவைப்பதற்காகவே  கண்டிப்பாக கேரளாவுக்குச் செல்லலாம்.