ஆசியாவில் உள்ள அற்புதமான மற்றும் வித்தியாசமான மசூதிகளை இங்கே பாருங்கள்!

இஸ்லாமிய சகோதரர்கள் எல்லாம் தங்கள் இறைவனை வேண்டி ரமலான் நோன்பு இருக்க ஆரம்பித்து விட்டனர். இந்த நேரத்தில் இஸ்லாமியர்களின் வழிபாட்டு தலங்களில் அற்புதமான அதே நேரம் கலை அழகுடன் சிறந்து விளங்கும் மசூதிகளை பற்றி இந்த தொகுப்பில் பார்க்கலாம்.

மெக்கா ; சவூதி அரேபியாவின் மக்கா மாகாணத்தில் வரலாற்றுப் பழமை வாய்ந்த ஹிஜாஸ் பகுதியில் அமைந்துள்ள இசுலாமியர்களது புனித நகரமாகும். முக்கியமாக காபாவைச் சூழ்ந்துள்ள மஸ்ஜித் அல்-ஹராம், உலகின் மிகப்பெரிய மசூதி மற்றும் இஸ்லாம் மதத்தவர்கள் வாழ்க்கையில் ஒரு முறையாவது போக என்னும் புனித தலமாகும்.

அதற்கு அடுத்தபடியாக இருப்பது இரண்டாவது முக்கிய புனித தலமான மஸ்ஜித் அல்-நபாவி. சவுதி அரேபியாவின் மதீனா பகுதியில் அமைந்துள்ள இந்த மசூதி நபி மசூதி என்றும் அழைக்கப்படுகிறது. இது முஹம்மது நபியின் இறுதி இளைப்பாறல் இடமாகும்.

ஐக்கிய அரபு நாடுகளின் முக்கிய நகரமான அபுதாபியில் உள்ள ஷேக் சயீத் (sheik zayed )கிராண்ட் மசூதி 40,000 க்கும் மேற்பட்ட வழிபாட்டாளர்களுக்கு இடமளிக்கும் மற்றும் சிக்கலான இஸ்லாமிய கட்டிடக்கலை மற்றும் வடிவமைப்பைக் கொண்டுள்ளது.

தில்லியின் ஜமா மஸ்ஜித் என்று பொதுவாக அறியப்படும் மஸ்ஜித்-இ-ஜெஹான்-நுமா ('உலகைப் பிரதிபலிக்கும் மசூதி'), இந்தியாவின் மிகப்பெரிய மசூதிகளில் ஒன்றாகும். இது 1650 மற்றும் 1656 க்கு இடையில் முகலாய பேரரசர் ஷாஜஹானால் கட்டப்பட்டது. மேலும் அதன் முதல் இமாம் சையத் அப்துல் கஃபூர் ஷா புகாரியால் திறந்து வைக்கப்பட்டது. முகலாய தலைநகர் ஷாஜஹானாபாத்தில் அமைந்துள்ளது.

இந்தியாவின் வடக்கு பகுதியை ஆண்டு இந்திய நிலப்பரப்பில் அதிகப்படியான அரசு கட்டிடங்களையும் நினைவு சின்னங்களையும் கட்டி வைத்த முகலாய பேரரசின் மசூதி ஒன்று பாகிஸ்தானில் உள்ளது. ஔரங்கசீப் பாகிஸ்தானின் லாகூர் பகுதியில் பாத்ஷாஹி (Badshahi )மசூதியைக் கட்டினார்.

நீல நிற மணல் கற்களால் கட்டப்பட்ட இஸ்லாமிய கட்டிடக் கலைகளின் சிறப்பான குவிமாடங்கள், மினாரட்டுகளை கொண்ட ப்ளூ மாஸ்க் எனப்படும் நீல மசூதி, துருக்கியின் இஸ்தான்புல் பகுதியில் அமைந்துள்ளது. சுல்தான் அகமது மசூதி என்றும் அழைக்கப்படும் இந்த மசூதி 17 ஆம் நூற்றாண்டின் முற்பகுதியில் கட்டப்பட்டது. வித்தியாசமான நிறத் தோற்றம் கொண்ட மசூதிகளில் இதுவும் ஒன்று.

பழமையான குவிமாடங்கள் இல்லாமல் நவீன, குறைந்தபட்ச வடிவமைப்பைக் கொண்டுள்ள பைசல்(faisal) மசூதி பாகிஸ்தான் நாட்டின் இஸ்லாமாபாத் நகரில் அமைந்துள்ளது. உலகின் மிகப்பெரிய மசூதிகளில் ஒன்றான இது 1986 இல் கட்டி முடிக்கப்பட்டது.

இந்தோனேசியாவின் ஜகார்த்தாவில் உள்ள இஸ்திக்லால்(istiqlal) மசூதி தென்கிழக்கு ஆசியாவிலேயே மிகப்பெரிய மசூதியாகும். இது 1978 இல் கட்டப்பட்டது. இந்த மசூதியில்  1,20,000 க்கும் மேற்பட்ட மக்கள் ஒரே நேரத்தில் தொழுகை செய்ய முடியும்.

சீனாவின் சியான் மாகாணத்தில் உள்ள கிரேட் மாஸ்க் ஆப் சியான்(great mosque xian), எந்த விதத்திலும் சாதாரண மசூதியை போல எந்த விதத்திலும் தெரியாது. முழுக்க முழுக்க சீன கட்டிடகலை அமைப்பையே கொண்டிருக்கும். மசூதியின் ஆரம்பகால கட்டுமானம் கி.பி 742 ஆம் ஆண்டிற்கு முந்தைய டாங் வம்சத்தை சேர்ந்தது. இன்று நாம் காணும் மசூதி, மிங் வம்சத்தின் போது பல கூடுதல் வேலைகளின் விளைவாகும்.

துருக்கியின் இஸ்தான்புலில் உள்ள ஹாகியா சோபியா(Hagia Sophia) மசூதி, வித்தியாசமான கதையை தன்னோடு கொண்டது. . இன்றைய மசூதி முதலில் தேவாலயமாக கட்டப்பட்டது தெரியுமா? பின்னர் அது மசூதியாக மாற்றப்பட்டு இன்றைக்கு அது ஒரு முக்கிய கலாச்சார மற்றும் வரலாற்று தளமாக உள்ளது.

மலேசியா கோலா கங்சாரில் உள்ள உபுடியா(ubudiah) மசூதி, அளவில் சிறியதாக இருந்தாலும், உலகின் மிக அழகான மசூதிகளில் ஒன்றாக கருதப்படுகிறது

மொராக்கோ நாட்டில் உள்ள மராகேஷ் கௌடோபியா (koutoubia) மசூதியின் கட்டிடக்கலை என்பது முற்றிலும் மாறுபட்டது. இந்த மசூதியை நிர்மாணிப்பதில் ஈடுபடுத்தப்பட்ட நிபுணர் கைவினைத்திறன் மற்றும் திறமை இந்த மசூதியின் ஈர்க்கக்கூடிய வடிவமைப்பு மற்றும் அமைப்பில் தெளிவாகத் தெரிகிறது. டவர் போன்ற அமைப்பில் தான் இந்த மசூதி காணப்படும்.