இந்தியாவில் உள்ள சுவாரசியமான அம்சங்கள் கொண்ட கோவில்களின் பட்டியல்..!

கோயில் இல்லாத ஊரில் குடியிருக்க வேண்டாம் என்று நம் முன்னோர்கள் சொல்லி வைத்தனர். ஆனால் கோவில்கள் இல்லாத ஊரே இல்லை. எல்லா ஊர்களிலும் குறைந்தது 1 கோவிலாவது இருக்கிறது. ஆனால் இதில் ஒரு சில கோவில்கள் தனித்துவமான கதைகளோடு விளங்குகிறது. அப்படி சுவாரசிய தகவல்கள் கொண்ட கோவில்களை பார்ப்போம்.

இந்தியாவில் லட்சக்கணக்கான கோவில்கள் சிவன் மற்றும் விஷ்ணுவிற்கு அமைக்கப்பட்டுள்ளது. ஆனால் பிரம்மனுக்காக 5 கோவில்கள் தான் உள்ளது. அதில் பிரசித்தி பெற்ற கோவில் என்றால் ராஜஸ்தான் புஷ்காரில் உள்ள பிரம்மா கோவிலை சொல்லலாம். அவுரங்கசீப் காலத்தில் மற்ற இந்து கோயில்கள் எல்லாம் அடித்து தரைமட்டம் ஆக்கப்பட்டது. இந்த கோவில் மட்டுமே தப்பியதாக சொல்கின்றனர்

அஸ்ஸாமில் உள்ள காமாக்யா கோவில், இந்திய துணைக் கண்டத்தில் உள்ள சக்தி பீடங்களில் மிகவும் பழமையான ஒன்றாகும். ஒவ்வொரு ஆண்டும் பருவமழையின் போது, ​​இந்த கோவிலில் உள்ள அம்மனுக்கு மாதவிடாய் ஏற்படுவதாக நம்பப்படுகிறது. இந்த நேரத்தில் தான் கோவில் மூன்று நாட்கள் மூடப்பட்டிருக்கும்.

குஜராத்தில் உள்ள ஸ்தம்பேஸ்வர் மகாதேவ் கோவிலின் சுவாரசியமான விஷயம் என்னவென்றால், இது கடல்பகுதிக்கு உள்ளே கட்டப்பட்டுள்ளது. கடலில் குறைந்த அலைகள் உள்ள நேரங்களில் மட்டுமே இதை தரிசிக்க முடியும். அதிக அலைகளின் போது, ​​கோவில் கிட்டத்தட்ட கடலுக்குள் மறைந்துவிடும். தண்ணீர் இறங்கும் போது மட்டுமே மீண்டும் தோன்றும்.

ஆந்திரப்பிரதேசத்தில் உள்ள வீரபத்ரா கோவில் அல்லது லெபக்ஷி கோயில் என்றும் அழைக்கப்படும் இது 70 பெரிய தூண்களைக் கொண்டுள்ளது. சுவாரஸ்யமான விஷயம் என்னவென்றால், கூரையிலிருந்து தொங்கும் ஒரு தூண் தரையைத் தொடாது. தொங்கும் இந்த தூண் தான் அதிக மக்களை இந்த கோவிலை நோக்கி ஈர்க்கிறது.

மதுரை மீனாட்சி அம்மன் கோவில் நன்கு திட்டமிட்டு கட்டமைக்கப்பட்ட கோவில். நடுவில் கோவிலை வைத்து அதை சுற்றி தமிழ் மாதங்களின் பெயர்களை வைத்து வீதிகளை அமைத்துள்ளனர். இந்த கோவிலை சுற்றி சுமார் 4000 தூண்கள் உள்ளன. அவை ஒவ்வொன்றும் தனித்தனி ஒற்றை பாறையால் ஆனது.

இந்தியாவின் இரண்டாவது பணக்கார கோவில் என்றால் கேரளா பத்மநாபசுவாமி கோவிலைத் தான் சொல்ல வேண்டும். அதன் வரலாறு கிபி 8 ஆம் நூற்றாண்டைச் சேர்ந்தது. மேலும் கோவிலுக்குள் நவீன ஆடைக் கட்டுப்பாடு எதுவும் அனுமதிப்பது இல்லை. கோவிலுக்குள் ஆண்கள் சட்டை போட தடை உள்ளது.

ஒடிசாவில் உள்ள லிங்கராஜ் கோவிலின் கட்டுமானப் பணிகள் ஏறக்குறைய நிறைவடைந்தபோது, சிவபெருமான் மற்றும் விஷ்ணு அந்த கோவிலுக்கு நேராக வந்ததாகவும் அவர்களது இருப்பு உணரப்பட்டதாகவும் சொல்கிறார்கள். கர்ப்பகிரகத்தின் உள்ளே, லிங்கம் சுயமாக தோன்றியதாகவும் கூறப்படுகிறது.

மகாராஷ்டிராவில் உள்ள  , 16 ஆம் நூற்றாண்டின் எல்லோரா குகைகளில் பாறைகளால் வெட்டப்பட்ட மிகப்பெரிய குடைவரை கோவில் ஆகும். முழு மலையையும் குடைந்து எடுத்து இந்த கோயில் உருவாக்கப்பட்டுள்ளது.