காதலர் தினத்திற்கு வெளியே போகும் பிளான் இருக்கா..? கூட்டம் இல்லாத இந்த 8 இடங்களுக்கு செல்லுங்கள்..!

காதலர் தினத்திற்கு இன்னும் 4 நாட்கள் தான் இருக்கிறது. இந்த வருட காதலர் தினத்தை எப்படி எங்கே ஸ்பெஷலாக கொண்டாடலாம் என்று இன்னும் யோசித்துக்கொண்டு இருக்கிறீர்களா? போனாலும் கூட்டமாக இருக்கும். கூட்டம் குறைவான இடத்தில் காதலரோடு பயணிக்க விரும்புகிறீர்களா? அப்போ இந்த பதிவு உங்களுக்கானது தான்

எல்லாரும் செல்லும் பார்க், பீச் என்று இல்லாமல் வித்தியாசமான இடங்களை உங்களுக்கு அடையாளம் காட்டுகிறோம். முதலில் மத்தியப்பிரதேசத்தில் உள்ள ஓர்ச்சா. 16 மற்றும் 17 ஆம் நூற்றாண்டைச் சேர்ந்த அரண்மனைகள் மற்றும் கோயில்கள் கொண்ட இங்கு உள்ள பீட்வா நதியில் ராஃபிட்டிங் செய்துகொண்டே சாகசமாக கொண்டாடலாம்

உங்கள் காதலியிடம் அன்பை வெளிப்படுத்துவதற்கான சரியான அமைப்பை தேடினால் மலைப்பாங்கான அதே சமயம் எழில் கொஞ்சும் சிக்கிமின் பெல்லிங் உங்களுக்கு சரியாக இருக்கும். 2150 மீ உயரத்தில் அமர்ந்திருக்கும் பெல்லிங், காங்டாக்கின் மறைக்கப்பட்ட ரத்தினங்களில் ஒன்றாகும். அதே போல இங்கே இருக்கும் கண்ணாடி பாலத்தில் நின்று மலையை ரசிப்பது ரொமான்டிக் உணர்வை தரும்

நீர்நிலைக்கு அருகில் அமைதி நிரம்பிய ஒரு பகுதியில் தனது அன்பிற்கு உரியவரோடு இருக்க விரும்பினால் கேரளாவின் பூவார் அதற்கு ஏற்றது.இந்த சிறிய கடற்கரை நகரம் ஒருபுறம் உப்பங்கழியும், மறுபுறம் அழகான கடற்கரையும் கொண்டுள்ளது. இந்த இயற்கை அதிசயத்தைப் பார்வையிட்டு உங்கள் காதலர் தினத்தை இந்த நேரத்தில் மறக்கமுடியாததாக ஆக்குங்கள்.

மக்கள் கூட்டத்திலிருந்து வெகு தொலைவில், அமைதியான மற்றும் அழகான மலைவாசஸ்தலத்தில் இருக்க விரும்பினால் இப்போதே சிம்லாவில் உள்ள தியோக்கிற்கு டிக்கெட் போட்டு விடுங்கள். சிம்லாவின் மிதமான வானிலை உங்களுக்காக காத்திருக்கும்.

உத்தரகண்டில் அமைந்துள்ள கௌசனி நிச்சயம் உங்களுக்கு ஒரு மறக்கமுடியாத அனுபவத்தை ஏற்படுத்தும். நந்தா தேவி, பஞ்சசூலி மற்றும் திரிசூலத்தின்பிரமிக்க வைக்கும் காட்சிகளை நீங்கள் இங்கு காண்பீர்கள்.

இந்தியாவின் சுவிட்சர்லாந்து என்று அழைக்கப்படும் இமாச்சலப் பிரதேசம் தர்மசாலாவிற்கு அருகில் அமைந்திருக்கும் கஜ்ஜியார்,அழகான சிறிய மலைப்பகுதி உங்களை கூட்டத்திலிருந்து விலக்கி வைக்கும். இந்த வசீகரமான இடம் இன்னும் வணிகமயமாக்கப்படவில்லை, எனவே கூட்டம் குறைவாக உள்ளது என்பது பலருக்குத் தெரியாது

நீங்கள் இவ்வுலகில் இருந்து மாற்றுப்பாதையில் செல்ல விரும்பினால், கலப்படமற்ற அழகைக் கொண்ட அருணாச்சல பிரதேசத்தில் உள்ள ஜிரோ எனும் இடத்திற்கு செல்லுங்கள். உங்களது காதலர் தினத்தை நிச்சயம் இது ஸ்பெஷல் ஆக்கும்.

ராணி கி வாவ் போன்ற அழகான கட்டிட கலைகள் நிரம்பிய குஜராத்தின் பதான் சுற்றுலா ரேடாரில் குறிப்பிடத்தக்க வகையில் பிரபலமாக இருந்தாலும், காதல் பயணத்திற்கு சிறந்தவை. காதலர்கள் போட்டோஷூட் எடுப்பதற்கும் ஏற்ற இடமாக இது விளங்குகிறது.