3 ஆண்டுகளுக்கு பின் கொச்சி கோட்டையில் நடக்க இருக்கும் சர்வதேச கலை கண்காட்சி

2012 ஆம் ஆண்டு முதல் இரண்டு ஆண்டுகளுக்கு ஒருமுறை நடைபெறும் கொச்சி-முசிரிஸ் பைனாலே கலைக் கண்காட்சி 2020-21ல் நடைபெறுவதாக இருந்தது, ஆனால் கோவிட்-19 தொற்றுநோய் காரணமாக ரத்து செய்யப்பட்டது

கேரளாவின் எர்ணாகுளம் மாவட்டத்தில் உள்ள கொச்சி கோட்டையில் இந்த ஆண்டு டிசம்பர் 12 ஆம் தேதி முதல் கொச்சி-முசிரிஸ் பைனாலே எனப்படும் சர்வதேச கலைக் கண்காட்சி நடைபெற உள்ளது.

அதனால் கலை ஆர்வலர்களின் இதயங்களை வென்று வரும் இந்த சர்வதேச கலைக் கண்காட்சி பல்வேறு எதிர்பார்ப்புகளுக்கு மத்தியில் இந்த ஆண்டு இன்னும் 10 நாட்களில் தொடங்க உள்ளது. கொச்சி-முசிரிஸ் பைனாலேவின் 5வது பதிப்பு ஏப்ரல் 10, 2023 வரை நடைபெறும்.

கொச்சி-முசிரிஸ் பைனாலே என்பது இந்தியா மட்டுமின்றி உலகம் முழுவதிலும் உள்ள சமகால கலைகளை கொண்டாடும் நிகழ்வாகும். திரைப்படங்கள், கலை ஓவியங்கள், சிற்பங்கள், செயல்திறன் கலை வடிவங்கள் மற்றும் டிஜிட்டல் தொழில்நுட்பம் கலை படைப்புகள் போன்ற பல்வேறு படைப்புகளை கண்காட்சி படுத்தும் இடமாக உள்ளது.

கொச்சி, முசிரிஸ் மற்றும் அதைச் சுற்றியுள்ள பிற பகுதிகளில் பல்வேறு இடங்களில் கண்காட்சிகள் நடைபெறும் என்று நிகழ்ச்சி குழு தெரிவித்துள்ளது. இந்த நிகழ்வு, பொதுவாக  நடக்கும் மற்ற கண்காட்சிகளை போல் அழகான விரிந்த அரங்கத்தில் நடைபெறுவதில்லை. பாழடைந்த மண்டபம், பழைய கிடங்குகள் போன்ற இடங்களில் நடத்தப்படுகிறது.

இந்த சுவாரஸ்யமான கலைக் கண்காட்சிகளுடன், கலைஞர்கள், அறிஞர்களின் மேடை பேச்சுக்கள், கருத்தரங்குகள், சிறப்புத் திரையிடல்கள், இசை நிகழ்ச்சிகள், குழந்தைகளுக்கான கல்வி நடவடிக்கைகள் மற்றும் நிபுணர்களுடன் பட்டறை அமர்வுகள் போன்ற பல அமர்வுகளும் இருக்கும்.

கொச்சி-முசிரிஸ் பைனாலேவுக்கு எப்படி செல்வது?
ரயில் மூலம்: இந்த இடத்தில இருந்து தோராயமாக 13 கி.மீ. தொலையில் எர்ணாகுளம் சந்திப்பு உள்ளது. அங்கிருந்து பேருந்தும் செல்லலாம்.

விமானம் மூலம்: அருகிலுள்ள விமான நிலையம் கொச்சி சர்வதேச விமான நிலையம் ஆகும், இது தோராயமாக 45 கி.மீ.