நவம்பரில் கேரளா செல்ல திட்டமா ? இந்த இடங்களையும் பார்த்துட்டு வந்துடுங்க..!

கடந்த ஆண்டு மட்டும் கேரளாவிற்கு 16.7 மில்லியன் சுற்றுலாவாசிகள் விசிட் அடித்துள்ளனர். இப்படி மில்லியன் கணக்கில் மக்கள் கேரளாவிற்கு இளைப்பாற செல்வதற்கு அது இயற்கையின் சொர்கமாக இருப்பதே காரணம். அப்படி மலைக்க வைக்கும் இடங்களை சுற்றிப்பார்க்க நவம்பர் சரியான மாதம் எனலாம். நீங்களும் நவம்பரில் செல்ல டிக்கெட் புக் செய்திருக்கிறீர்கள் எனில் இந்த இடங்களையும் காண மறவாதீர்கள்.

மூணார் : கேரளாவின் பனி சூழ் சொர்க்கம் என்றால் அது மூணார் தான் இங்கு நவம்பரில் செல்லும்போது அருவிகளில் நீர் நீரைந்து வழியும். சூரிய மறைவு, மலைகள். தென்னை மரங்களின் செழிப்பு, தேயிலைத் தோட்டங்கள் என காண்பதற்கே கண்கொள்ளா காட்சியாக இருக்கும்.

ஆலப்புழா : கேரளாவின் கலாச்சாரமும், தனித்துவமும் துள்ளி விளையாடும் இடம். வெளிநாட்டு சுற்றுலாவாசிகளின் விருப்பமான இடம் இதுதான். படகு சவாரி, , சிறப்பான கேரள உணவு, ஓய்வுக்கு மசாஜ் சென்டர்கள் என ஆலப்புழா ஓய்வுக்கு சிறப்பான இடம்.

கொச்சி : பாரம்பரிய நகரமான கொச்சிதான் இந்தியா மற்றும் வெளிநாடு வர்த்தகத்திற்கு முக்கிய இடம். இதனால் இங்கு ஃபிரெஞ்சு, ஆங்கிலம், சைனீஸ், போர்ச்சுக்கீஸ், டச்சு என அனைத்து தரப்ப்பு கலாச்சாரங்களும் ஒருங்கிணைத்து கொண்டாட்டப்படும். அந்த மொழிகளிலும் வல்லமை பெற்றிருப்பார்கள்.

வர்களா : வர்களா பீச்சிற்கு பெயர்போன இடம். குறிப்பாக பீச், தண்ணீர் விளையாட்டுகளை விரும்பக் கூடியவர்களுக்கு வர்களா சிறந்த இடம்.

வாகமண் : மலை மலை சார்ந்த விஷயங்களை விரும்புவோர் இந்த இடத்தை கட்டாயம் தவறாதீர்கள். இயற்கை விரிந்த இந்த நிலப்பரப்பு காண்போர் யாரையும் மயக்க வைக்கும். டிரெக்கிங் செல்ல நினைப்போரும் இங்கு செல்லலாம்.

வயநாடு : மேற்குத்தொடர்ச்சி மலைகளை உள்ளடக்கிய வயநாடும் மலைகளும் அருவிகளும் நிறைந்த அழகு சூழ் காட்சி. இங்கு சென்று இளைப்பாறுவது நிச்சயம் நீங்காத நினைவுகளை பதிய வைக்கும்.

நெல்லியம்பதி : இந்த இடம் அதிகம் பிரபலம் இல்லை என்பதால் சுற்றுலாவாசிகள் குறைவாகவே இருப்பார்கள். ஆனால் நீங்கள் எதிர்பார்க்கும் இயற்கை, மலை, அருவிகள் நிறைவாக இருக்கும். கும்பல்களை விரும்பாதவர்கள். ரிலாக்ஸாக இங்கு சென்று வரலாம்.

குமரகம் : கோட்டையத்திலிருந்து 14 கி,மீ தொலைவில் உள்ள இந்த இடம் ஏரிக்கு பெயர் போனது. குமரகம் ஏரி கடல் போன்று காட்சியளிக்கும். அதன் பரப்பளவு நம்மை வியக்க வைக்கும். ஏரிக்கு அருகில் நிறைய தங்கும் விடுதிகள் உள்ளன. ரூம் புக் செய்து கொள்ளுங்கள். கூடவே மசாஜ் செண்டர்களும் இருக்கும். ஓய்வாக மசாஜ் எடுத்துக்கொள்வது சொர்கம் செல்வதற்கு சமம்.

பூவார் : பூவார் செல்வதும் மலை அருவிகள், ஓய்வளிக்கும் ரெசார்டுகள், கேரளாவின் லோக்கல் உணவுகள் என எல்லாம் நிறைவாகக் கிடைக்கும்.

தேக்கடி : கேரளாவிற்கு பெருமை சேர்க்கும் விஷயங்களில் தேக்கடிக்கும் முக்கிய இடம் உண்டு. பெரியார் நேஷ்னல் பார்க் இங்கு நிச்சயம் காண வேண்டிய இடம். வன விலங்குப் பிரியர்கள் நிச்சயம் செல்ல வேண்டிய இடம்.