மஞ்சள் மணற்கற்களால்... வெந்நீர் ஊற்றுகள்.. ரம்மியமான பள்ளத்தாக்கு - அமெரிக்காவின் யெல்லோஸ்டோன் பூங்காவின் சுவாரஸ்யங்கள்..!

மஞ்சள் மணற்கற்களால் நிறைந்த அமெரிக்காவில் உள்ள யெல்லோஸ்டோன் தேசிய பூங்கா (yellowstone national park) மார்ச் 1, 1872 இல் தேசியப் பூங்காவாக அன்றைய ஜனாதிபதி யுலிசஸ் எஸ். கிராண்ட்டால்(Ulysses S. Grant) அறிவிக்கப்பட்டது. 2 மில்லியன் ஏக்கருக்கும் அதிகமான மலை வனப்பகுதிகள், அற்புதமான வெந்நீர் ஊற்றுகள் மற்றும் துடிப்பான நிலப்பரப்புகளை தன்னகத்தே கொண்ட இடம் தான் இது.

உலகின் பாதி நீர் வெப்ப அம்சங்கள் (hydrothermal features) யெல்லோஸ்டோன் தேசிய பூங்காவில் இருப்பதாக தரவுகள் கூறுகின்றன. இங்கு அதிகப்படியாக வெந்நீர் ஊற்றுகள் (hot springs) காணப்படுகின்றன. அவற்றில் இருந்து வெளிப்படும் நீர் தான் இங்குள்ள குளம் மற்றும் ஏரி அமைப்புகளில் தேங்கியுள்ளன.

இந்த வெந்நீர் ஊற்றுகளில் தெர்மோபில்ஸ் (thermophiles) எனப்படும் நுண்ணுயிரிகள் அதிகப்படியாக வாழ்கின்றன. அதாவது இந்த உயிரினங்கள் அதிகப்படியான "வெப்பத்தை விரும்புபவை". அதனால் யெல்லோஸ்டோன் தேசிய பூங்காவில் உள்ள வெந்நீர் ஊற்றுகளில் வாழ்ந்து அதன் அற்புதமான வண்ணங்களை பூங்காவின் அழகாக மாற்றுகிறது.

பூமியில் வேறு எங்கும் இல்லாத அளவுக்கு அதிகமாக வெந்நீர் ஊற்றுகளை கொண்ட இந்த தேசிய பூங்காவில் மிகவும் பிரபலமானது: ஓல்ட் ஃபெய்த்ஃபுல், (Old Faithful) என்ற ஊற்று தான். இது ஒரு நாளைக்கு சுமார் 17 முறை வரை நீரை உமிழ்கிறதாம். ஆனால், கடந்த சில தசாப்தங்களில், நீர் உமிழ்வுக்கு இடையிலான சராசரி இடைவெளி நீண்டுள்ளது.

"சாலையைப் பகிர்" என்பது யெல்லோஸ்டோனில் ஒரு புதிய அர்த்தத்தைப் பெறுகிறது. அதன் நீரூற்றுகளுக்கு அப்பால், யெல்லோஸ்டோன் அதன் காட்டெருமை மந்தைகளுக்காக உலகப் புகழ்பெற்றது. வரலாற்றுக்கு முற்பட்ட காலத்திலிருந்து காட்டெருமைகள் தொடர்ந்து வாழ்ந்த ஒரே இடம் இதுவே. இங்கு கார், பைக்குகளுடன் காட்டெருமையும் சாலையில் பயணிப்பதால் ‘பைசன் ட்ராபிக் ஜாம்கள் ‘ அடிக்கடி ஏற்படும்.

இப்பகுதியில் வாழ்ந்த மனித வரலாறு 11,000 ஆண்டுகளுக்கும் மேலாக குறிப்பிடப்படுகிறது. யெல்லோஸ்டோன் ஏரியின் கரையில் உள்ள ஒரு தளத்தில் பூங்காவில் உள்ள பழமையான தொல்பொருள் படிவுகளை இப்பகுதியை ஆராய்ந்த முதல் அமெரிக்கர் ஜான் கோல்டர், லூயிஸ் & கிளார்க் கண்டுபிடிக்கப்பட்டனர்.

இந்த வெந்நீர் ஊற்றுகளுக்கு மூலமாக இருப்பது யெல்லோஸ்டோனுக்கு அடியில் உள்ள உலகின் மிகப்பெரிய செயலில் உள்ள எரிமலைகளால் தான் என்று ஆய்வாளர்கள் கூறுகின்றனர்.யெல்லோஸ்டோன் எரிமலையின் முதல் பெரிய வெடிப்பு 2.1 மில்லியன் ஆண்டுகளுக்கு முன்பு நிகழ்ந்தது மற்றும் 5,790 சதுர மைல்களுக்கு மேல் சாம்பலால் மூடப்பட்டிருந்தது என்று குறிப்பிடுகின்றனர்.இதற்காக அமெரிக்க புவியியல் ஆய்வு மற்றும் உட்டா(Utah) பல்கலைக்கழகத்துடன், இணைந்து 2001 ஆம் ஆண்டில் யெல்லோஸ்டோன் எரிமலை ஆய்வகத்தை நிறுவியது

இந்த தேசிய பூங்காவில் வனவிலங்குகள் 300 வகையான பறவைகள், 16 வகையான மீன்கள் மற்றும் 67 வகையான பாலூட்டிகளுடன் ஏராளமாகவும் வேறுபட்டதாகவும் உள்ளன. இதில் கிரிஸ்லி கரடிகள், ஓநாய்கள், லின்க்ஸ், நரி, மூஸ் மற்றும் எல்க் ஆகியவை அடங்கும்

உலகின் மிகப்பெரிய பள்ளத்தாக்கு அரிசோனாவில் உள்ள கிராண்ட் கேன்யன் மட்டும் இல்லை. எல்லோஸ்டோன் தேசிய பூங்காவிலும் ரம்மியமான பள்ளத்தாக்கு உள்ளது `. யெல்லோஸ்டோன் ஆற்றின் அரிப்பினால் உருவாக்கப்பட்டது, பள்ளத்தாக்கு 1,000 அடி ஆழம், 1,500-4,000 அடி அகலம் மற்றும் தோராயமாக 20 மைல் நீளம் கொண்டது