அழகான நகரங்கள்.. ஆனால் இவ்ளோ டிராபிக் இருக்க கூடாதுங்க.. உலகின் நெரிசலான நகரங்களின் பட்டியல்..!

சாதாரண நகரமாக இருக்கும் வரை அதன் சாலைகளில் ஈ ஆடும். அதுவே தொழில் நகரமாகவோ சுற்றுலாத்தலமாகவோ மாறிவிட்டால் அந்த சாலைகள் எல்லாம் எறும்பு மொய்ப்பது போல் வண்டிகளால் அடைக்கப்பட்டுவிடும். ஒரு கிலோ மீட்டர் சாலையை கடப்பதற்கே நத்தை போல் ஊர்ந்து செல்ல மணிகணக்கில் செலவிட வேண்டும். உலகளாவிய முக்கிய நகரங்களின் நிலை இப்படித்தான் இருக்கிறது. அப்படியான ட்ராபிக் நிறைந்த சில நகரங்களின் பட்டியல் இதோ…

பட்டியலில் முதலில் இருப்பது லண்டன் மாநகரம் தான். சமீபத்திய பதிவுகளின்படி, லண்டன் சாலைகள் தான் தற்போது உலகின் மிகவும் நெரிசலான நகர சாலைகளாக உள்ளது. மேலும் ஒரு பயணி 10 கிமீ பயணம் செய்ய சராசரியாக 36 நிமிடங்கள் மற்றும் 20 வினாடிகள் செலவிடவேண்டிய நிலை உள்ளது.

நெரிசலான சாலைகள் சொந்த நகர பட்டியலில் இரண்டாவது இடத்தில் இருப்பது நம் பெங்களூரு நகரம் தான். 10 மணி அலுவலகத்திற்கு 8 மணிக்கே சாலையில் குதித்தால் கூட பத்தாது . 1 கிலோமீட்டரை கடக்கவே 10 நிமிடங்கள் கிட்ட ஆகிவிவும். நடந்து போனால் கூட சீக்கிரம் அலுவலகம் சென்று விடலாம் என்று கூட யோசிக்கத் தோன்றும்.

அடுத்த இடத்தில் அயர்லாந்தைச் சேர்ந்த தூப்ளின் நகரம் உள்ளது. கடுமையான போக்குவரத்து நெரிசல்கள் காரணமாக தூப்ளின் பட்டியலில் இடம்பிடித்துள்ளது. பதிவுகளின்படி, பயணிகள் சராசரியாக 28 நிமிடங்கள் மற்றும் 30 வினாடிகள் நகரத்தில் 10 கிமீ பயணம் செய்ய செலவிடுகிறார்கள்.

ஜப்பானின் சப்போரோ நீண்ட காலமாக மெதுவான போக்குவரத்தை கையாண்டு வருகிறது. நகரத்தில் 10 கி.மீ தூரம் பயணிக்க பயணிகளுக்கு சராசரியாக 27 நிமிடங்கள் 40 வினாடிகள் தேவைப்படும். என்னதான் ஜப்பானின் தொழில்நுட்பங்கள் வளர்ந்தாலும் புளொட் ரயில்களை விட்டாலும், சாலை போக்குவரத்தை வேகப்படுத்த முடியவில்லை.

எதிர்காலத்தில் மிலனுக்குச் செல்ல நீங்கள் திட்டமிட்டால், போக்குவரத்து நெரிசலில் கணிசமான நேரத்தை செலவிட தயாராக இருங்கள். அதற்கு ஏற்ப உங்கள் திட்டப்பயண நேரத்தை அதிகமாக வரும்படி திட்டமிடுவது நல்லது ஏனெனில் இங்கு, பயணிகள் சராசரியாக 27 நிமிடம் 30 வினாடிகளில் நகரத்தில் 10 கி.மீ கடக்க ஆகுமாம்.

இந்தப் பட்டியலில் இடம்பிடித்த மற்றொரு இந்திய நகரம் புனே. இங்கே, பயணிகள் தங்கள் பொதுவான போக்குவரத்துநேரத்தில் கிட்டத்தட்ட இருமடங்கு நேரத்தை செலவழிக்கிறார்கள்.

போக்குவரத்து நெரிசல் காரணமாக ருமேனியாவின் தலைநகரான புக்கரெஸ்டும் இந்தப் பட்டியலில் இடம் பிடித்துள்ளது.இங்கு, பயணிகள் 10 கிமீ தூரம் பயணிக்க சராசரியாக 27 நிமிடங்கள் மற்றும் 20 வினாடிகள் செலவிடுகின்றனர்

உலகின் மிகவும் நெரிசலான நகரங்களில் தென் அமெரிக்காவின் பெரு நாட்டை சேர்ந்த லிமாவும் ஒன்று. பயணிகள் சராசரியாக 27 நிமிடங்கள் மற்றும் 10 வினாடிகள் நகரத்தில் 10 கி.மீ. பொது போக்குவரத்து கூட இங்கே பயங்கர கூட்டமாகத் தான் இருக்குமாம் கிட்டத்தட்ட ஒரு நாளுக்கு 2.4 மணிநேரம் ட்ராபிக்கிலேயே போய்விடுகிறதாம்.

Waze நடத்திய 2015 உலகளாவிய ஆய்வின்படி, மணிலா நகரம் "தென்கிழக்கு ஆசியாவில் மிக மோசமான போக்குவரத்தை" கொண்டுள்ளது. பிலிப்பைன்ஸ் புள்ளியியல் ஆணையத்தின் 2015 மக்கள்தொகை கணக்கெடுப்பின் அடிப்படையில், மெட்ரோ மணிலாவின் மிகவும் நகரமயமாக்கப்பட்ட நகரங்கள் உலகின் அடர்த்தியான நகரங்களில் சிலவாக பட்டியலிடப்பட்டுள்ளன.

போக்குவரத்து நெரிசல்களும் நியூயார்க் நகரமும் கைகோர்த்துச் செல்கின்றன. சராசரி பயண நேரம் ஒரு நாளைக்கு 5 நிமிடம் அதிகரிக்கிறது என்று தோன்றலாம். வெள்ளிக்கிழமைகளில் மாலை 4 மணி முதல் மாலை 5 மணி வரை போக்குவரத்துக்கு மிக மோசமான நேரம் என்று கூறப்படுகிறது.

2019 ஆம் ஆண்டில், கொலம்பியாவின் பொகோடா மற்றும் பிரேசிலின் ரியோ டி ஜெனிரோ ஆகிய இரண்டு நகரங்கள் பட்டியலில் முதலிடத்தைப் பிடித்தன, சராசரி நபர் ஒவ்வொரு ஆண்டும் முறையே 191 மணிநேரம் மற்றும் 190 மணிநேரம் போக்குவரத்தில் இழக்கிறார்.

காதலர்களின் நகரம் என்று சொல்லப்படும் பாரிஸ் சுற்றுலாப்பயணிகளால் ஆண்டு முழுவதும் நிரம்பி வலிக்கிறது. இங்கு பயணிப்பவர்களும் பல மணிநேரம் போக்குவரத்தில் செலவிடுகின்றனர். ஒரு வருடத்தில் 82 மணிநேரம் போக்குவரத்தில் இழக்கப்படுகிறது.

சிலி நாட்டில் தலைநகரம் மற்றும் மிகப்பெரிய நகரமான சாண்டியாகோ, இயற்கை எழில் கொஞ்சும் இங்கு போக்குவரத்தும் மக்களை கொஞ்சி அப்படியே உக்காரவைத்துவிடுகிறது. இங்கு பயணிகள் ஒரு வருடத்தில் சராசரியாக 89 மணிநேரத்தை போக்குவரத்தில் செலவிடுகிடுகிறார்கள்