நிஜமா சொன்னா நம்ப மாட்டீங்க… இந்தியாவில் இருக்கும் இந்த இடங்களுக்கு இந்தியர்களே அனுமதி இல்லையாம்!

இந்தியா ஒரு பரந்து விரிந்த பன்முகத்தன்மை கொண்ட நாடு. அதனால் தான் ஒவ்வொரு ஆண்டும் மில்லியன் கணக்கான வெளிநாட்டினர் இந்தியாவை சுற்றிப்பார்க்க வருகின்றனர். இந்தியாவில் மொத்தம் 28 மாநிலங்கள் மற்றும் 8 யூனியன் பிரதேசங்கள் உள்ளன. ஒவ்வொன்றும் சில தனித்துவமான பண்புகள் மற்றும் இயற்கை அழகைக் கொண்டுள்ளன.

என்னதான் இந்தியாவில் நினைத்த இடங்களுக்கு அனைவரும் தடையில்லாமல் செல்லாம் என்றாலும், சில இடங்களை காண இந்தியர்களுக்கே அனுமதி வழங்கப்படாது என்பது உங்களுக்கு தெரியுமா?. ஆம், உண்மைதான்.. இந்தியாவின் முக்கியமான எல்லை பகுதிக்கு அருகில் அமைந்துள்ள இடங்களுக்கு செல்ல ILP எனப்படும் ‘உள்நாட்டு நுழைவு அனுமதி’ சீட்டு அவசியம் ஆகிறது. அந்த வகையில் இந்தியாவிற்குள் இந்தியர்களிடம் இந்த ILP அனுமதி சீட்டு கேட்கும் இடங்கள் சிலவற்றை பற்றி இங்கு நாம் காணலாம்.

நாகாலாந்து : மியான்மர் நாட்டின் எல்லைப் பகுதிக்கு மிக அருகில் இருக்கும் நாகாலாந்து நாட்டிற்கு செல்ல விரும்பும் மக்கள், ILP அனுமதி பெற வேண்டியது அவசியம். மக்கள் நடமாட்டத்தை கட்டுபடுத்தும் வகையிலும், இங்கு வாழும் பழங்குடி சமூக மக்களின் பாதுகாப்பை கருத்தில் கொண்டும் இந்த நடைமுறை வழக்கத்தில் உள்ளது.

அருணாச்சல பிரதேசம் : மியானமர், பூட்டான மற்றும் சீனாவுடன் எல்லைகோட்டை பகிர்ந்துக்கொள்ளும் அருணாச்சல பிரதேசத்திற்கு செல்ல விரும்புவோர், அருணாச்சலப் பிரதேச அரசின் குடியுரிமை ஆணையரிடம் அந்த ILP அனுமதி பெறுவது அவசியமாகும்.

சிக்கிம் : பதற்றம் நிறைந்த சிக்கிம் பகுதியில் அமைதியை காக்கும் நோக்கில் ILP அனுமதி சீட்டு கட்டாயமாக்கப்பட்டுள்ளது. அதாவது, இம்மாநிலத்தில் அமைந்துள்ள சோம்கோ ஏரி, லாச்சுங், கோசாலா ட்ரெக், நாதுலா உள்ளிட்ட இடங்களுக்கு செல்ல உள்ளூர் வரி அலுவலரிடம் அனுமதியை பெறுவது அவசியம்.

மிசோரம் : பங்களாதேஷ் நாட்டின் எல்லைக்கோட்டை பகிர்ந்துக்கொள்ளும் மிசோரம் பகுதிக்கு பயணம் செய்ய விரும்பும் மக்கள், அம்மாநில அரசின் குடியுரிமை ஆணையரிடம் உள்நாட்டு நுழைவு அனுமதி சீட்டை பெறவேண்டியது அவசியம் .

லட்சத் தீவுகள் : லட்சத் தீவு செல்ல விரும்பு மக்கள் அனைவரும் ILP அனுமதி சீட்டு பெறவேண்டியது அவசியம். மக்கள் நடமாட்டத்தை கண்கானிக்கும் நோக்கில் இந்த சீட்டு இங்கு அளிக்கப்படுகிறது. அதேநேரம், இந்த அனுமதி சீட்டு 5 மாதத்திற்கு செல்லுபடியாகும். இது இலசமாகவும் பயணிகளுக்கு வழங்கப்படுகிறது.

மணிப்பூர் : பழங்குடி மக்கள் அதிகம் வசிக்கும் மாநிலங்களில் ஒன்றான மணிப்பூருக்கு பயணம் செய்ய விரும்புவோர், பாஸ்போர்ட் சைஸ் அளவு புகைப்படம் மற்றும் முறையான அடையாளச் சான்றை சமர்பித்து ‘நுழைவு’ சீட்டினை பெறலாம்.

மேகாலயா : மேகாலயாவிற்கு செல்ல விரும்பும் அனைவரும் அனுமதி சீட்டை வாங்க வேண்டிய அவசியம் இல்லை. இருப்பினும், இந்த மாநிலத்தில் 24 மணி நேரத்திற்கு மேல் தங்க விரும்பும் பயணிகள் கட்டாயம் நுழைவு சீட்டை வாங்க வேண்டியது அவசியம்.

லடாக் : காஷ்மீரில் உள்ள லடாக் , எல்லைக்கோட்டை பாக்கிஸ்தான் மற்றும் சீனாவுடன் பகிர்ந்துக்கொள்கிறது. இங்கு செல்ல விரும்பும் பயணிகளின் பாதுகாப்பு காரணம் கருதி ‘உள்நாட்டு நுழைவு அனுமதி’ வாங்குவது கட்டாயம்.