இந்தியாவின் இந்த 19 நினைவுச் சின்னங்களை பாத்துட்டீங்களா..? இந்த பட்டியலை மிஸ் பண்ணிடாதீங்க..!

கலாச்சாரம் மற்றும் பன்முகத்தன்மை கொண்ட நாடாக திகழும் இந்தியா உலகின் மிகச்சிறந்த பல வரலாற்று நினைவு சின்னங்களை கொண்டுள்ளது. செழுமையான பாரம்பரியம் மற்றும் பண்டைய கட்டிடக்கலை உள்ளிட்டவை ஒருசேர அடங்கிய அற்புதமான கண்கவர் நினைவு சின்னங்கள் ஏராளமானவை இந்தியாவில் உள்ளன.

யுனெஸ்கோவின் World Heritage Site-ஆல் மிகவும் அங்கீகரிக்கப்பட்ட, புகழ்பெற்ற இந்திய நினைவு சின்னங்களில் அழகான தாஜ்மஹால், புனித பொற்கோயில் மற்றும் கலாச்சார தளமான ஹவா மஹால் உள்ளிட்ட பல நினைவு சின்னங்கள் அடங்கும். இந்தியாவில் உள்ள கட்டாயம் பார்க்க வேண்டிய வரலாற்று நினைவு சின்னங்களின் டாப் பட்டியலை இங்கே தெரிந்து கொள்ளுங்கள்.நம்மை பெருமைப்படுத்தும் இந்தியாவின் கண்கவர் நினைவு சின்னங்கள் கீழே..

தாஜ்மஹால் (ஆக்ரா) : உலகின் ஏழு அதிசியங்களில் ஒன்றாக இடம்பெற்றுள்ளது இந்தியாவின் ஆக்ராவில் இருக்கும் தாஜ்மஹால். உலகின் மிக அழகான நினைவு சின்னங்களில் ஒன்றாக இருக்கிறது. அழகான மற்றும் பிரபலமான கட்டிடங்களில் ஒன்றாக இருக்கும் இந்த வெள்ளை பளிங்கு நினைவுச்சின்னம் முகலாய பேரரசர் ஷாஜஹானால் தனது அன்பு மனைவியின் நினைவாக கட்டப்பட்டது.

குதுப்மினார் (டெல்லி) : இது கிபி 1199-ஆம் ஆண்டை சேர்ந்த உலகின் மிக உயரமான செங்கல் மினாரெட் குதுப்மினார் ஆகும். 72.5 மீட்டர் உயரத்தில் சுமார் 379 படிக்கட்டுகள் கொண்ட இந்த புகழ்பெற்ற நினைவுச்சின்னம் இந்தியாவின் வளமான கட்டிடக்கலையை பிரதிபலிக்கிறது. இந்த கோபுரம் இந்தியாவின் மிக உயரமான கோபுரமாகும். 5 மாடிகள் கொண்ட குதுப்மினாரின் முதல் மூன்று மாடிகள் சிவப்பு மணற்கற்களாலும், கடைசி இரண்டு பளிங்கு மற்றும் மணற்கற்களாலும் கட்டப்பட்டுள்ளன.

சாஞ்சி ஸ்தூபி (மத்திய பிரதேசம்): மத்தியப் பிரதேசம் மாநிலத்தில் ராய்சென் மாவட்டத்தில் உள்ள ஒரு சிறிய ஊர் சாஞ்சி. சாஞ்சியில் உள்ள பெரிய ஸ்தூபி பேரரசர் அசோகரால் கட்டப்பட்டது. புத்த மதத்தை தழுவிய அசோகர் புத்தரின் தத்துவங்களை பாதுகாக்க மற்றும் பரப்ப பல முயற்சிகளை மேற்கொண்டார். இதன் ஒருபகுதியாக சாஞ்சி ஸ்தூபியை நிறுவினார். பின்னாளில் வந்த அரசர்களால் சாஞ்சியில் நிறைய ஸ்தூபிகள் கட்டமைக்கப்பட்டாலும், பேரரசர் அசோகரால் கட்டப்பட்ட முதல் ஸ்தூபி பிரம்மாண்டமானது. 215 அடி உயரமுள்ள குன்றின மேல் அரைக்கோள வடிவில் அமைக்கப்பட்டுள்ளது.

சார்மினார் (ஹைதராபாத்) : பிரபலமான மற்றும் கம்பீரமான நினைவு சின்னமாக இருக்கிறது சார்மினார். 1591-ஆம் ஆண்டு கட்டப்பட்ட இந்த அற்புதமான மசூதி நான்கு மினாரட்டுகளைக் கொண்டுள்ளது. பிளேக் நோய் முற்றிலுமாக அழிக்கப்பட்டு விட்டதற்கான அடையாளமாக, அதனை கொண்டாடும் பொருட்டு முகமது குலி குப் ஷா என்பவரால் இது கட்டப்பட்டது.

விக்டோரியா மெமோரியல் (கொல்கத்தா) : மத்திய கொல்கத்தாவில் உள்ள மைதானத்தில் உள்ள ஒரு பெரிய பளிங்கு கட்டிடம் விக்டோரியா மெமோரியல். விக்டோரியா மகாராணியின் நினைவாக உருவாக்கப்பட்ட விக்டோரியா மெமோரியலான இந்த கட்டிடம் 1906 - 1921-க்கு இடையில் கட்டப்பட்டது. விக்டோரியா மெமோரியல் ஹாலின் உயரம் 184 அடி ஆகும்.

ஹவா மஹால் (ஜெய்ப்பூர்) : ராஜஸ்தானின் தலைநகரான ஜெய்ப்பூரில் உள்ள ஹவா மஹால், 1799-ஆம் ஆண்டில் மகாராஜா சாவி பிரதாப் சிங்கால் சிவப்பு மற்றும் இளஞ்சிவப்பு மணற்கற்களால் கட்டப்பட்டது. இந்த தனித்துவ 5 மாடி அமைப்பு மிக முக்கியமான சுற்றுலாத்தலங்களில் ஒன்றாகும்.

மைசூர் அரண்மனை (மைசூர்) : கர்நாடக மாநிலம் மைசூரில் அமைந்துள்ள அம்பாவிலாஸ் எனப்படும் மைசூர் அரண்மனை 1897-ம் ஆண்டு அக்டோபர் மாதம் கட்ட துவங்கப்பட்டது. 1912-ம் ஆம் ஆண்டில் கட்டி முடிக்கப்பட்டது. அரண்மனையின் குவிமாடங்களின், கட்டடக்கலை பாணி பொதுவாக இந்தோ சரசனிக் பாணி என குறிப்பிடப்படுகிறது.

நாளந்தா (பீகார்) : இது ஐந்தாம் நூற்றாண்டிலிருந்து இருக்கும் ஒரு பிரபலமான வரலாற்று கற்றல் மையமாகும். மேலும் இது உலகின் பழமையான ரெசிடென்ஷியல் யூனிவர்சிட்டி ஆகும்.

கஜுராஹோ கோவில்கள் (மத்திய பிரதேசம்) : இவை பெரும்பாலும் சிற்றின்ப சுவர் சிற்பங்களுக்கு பெயர் பெற்றிருந்தாலும், பண்டைய காலத்தில் தாராளமய கலாச்சாரம் எவ்வளவு திறந்த மனதுடன் இருந்தது என்பதை வெளிப்படுத்தும் வகையில் இவை உள்ளன.

மெஹ்ரன்கர் கோட்டை (ஜோத்பூர்) : நாட்டின் மிகப்பெரிய கோட்டைகளில் மெஹ்ரன்கர் கோட்டை 410 ஆதி உயரமுள்ள மலை உச்சியில் அழகாக அமைந்துள்ளது.ராஜஸ்தானில் உள்ள ஜோத்பூரில் 1,200 ஏக்கர் (486 ஹெக்டேர்) பரப்பளவில் மெஹ்ரன்கர் கோட்டை அமைந்துள்ளது.

ஆக்ரா கோட்டை (ஆக்ரா) : தாஜ்மஹாலுக்கு அருகில் அமைந்துள்ள ஆக்ரா கோட்டை ஒரு பெரிய சிவப்பு கல் கோட்டை ஆகும். ஆக்ரா கோட்டை இருந்தது முகலாய பேரரசர் அக்பரால் கட்டப்பட்டது. முகலாய வம்சத்தின் கட்டிடக்கலை மகத்துவத்தை இது காட்டுகிறது.

கேட்வே ஆஃப் இந்தியா (மும்பை) : கேட்வே ஆஃப் இந்தியா என்பது இந்தியாவின் மும்பை நகரத்தில் 20 ஆம் நூற்றாண்டின் முற்பகுதியில் கட்டப்பட்ட ஒரு வளைவு நினைவுச்சின்னமாகும். 1924-ல் கட்டப்பட்ட இது மும்பையின் அடையாளமாக உள்ளது.

குவாலியர் கோட்டை (குவாலியர்) : நாட்டின் மிகவும் வலுவான கோட்டைகளில் ஒன்றாக கருதப்படும் குவாலியர் கோட்டை, வாழ்நாளில் ஒருமுறையாவது பார்க்க வேண்டிய இடமாகும்.

அஜந்தா & எல்லோரா குகைகள் (மகாராஷ்டிரா) : இந்த பழங்கால பாறை குகைகள் குடைவரைக் கட்டிடக்கலையின் முன்னோடியாக இருக்கின்றன. இந்திய ஓவியங்கள் மற்றும் சிற்பக்கலைக்கு சிறந்த எடுத்துக்காட்டாகும்.

கொனார்க் சூரியன் கோயில் (ஒடிசா): சூரிய பகவானுக்கு அர்ப்பணிக்கப்பட்ட இந்த கட்டடக்கலை அதிசயம் தனித்துவ கட்டிடக்கலைக்கு பிரபலமானது, கட்டாயம் பார்க்க வேண்டிய ஒன்று.

ராணி கி வாவ் (பதான்) : ராணி கி வாவ் என்பது இந்தியாவின் குஜராத்தில் உள்ள பதான் நகரில் அமைந்துள்ள ஒரு படிக்கட்டுக் கிணறு ஆகும். இது சரஸ்வதி நதிக்கரையில் அமைந்துள்ளது.

கோல்கொண்டா கோட்டை (ஹைதராபாத்) : ஹைதராபாத் நகரின் மேற்கு பகுதியில் அமைந்துள்ள இது ஹுசைன் சாகர் ஏரியில் இருந்து சுமார் 9 கிமீ தொலைவில் உள்ளது. வெளிப்புறக் கோட்டை மூன்று சதுர கிலோமீட்டர் பரப்பளவைக் கொண்டுள்ளது.

பாரா இமாம்பரா (லக்னோ) : இது 1784-ஆம் ஆண்டு ஆவாத்தின் நவாப் ஆசஃப்-உத்-தௌலாவால் கட்டப்பட்டது. பாரா என்றால் பெரியது. இந்த இமாம்பாரா நிஜாமத் இமாம்பாராவுக்குப் பிறகு இரண்டாவது பெரியது.

விவேகானந்தர் பாறை (கன்னியாகுமரி) : கன்னியாகுமரிக் கடலில் அமைந்துள்ள இந்த பாறையில் அமர்ந்து தான் சுவாமி விவேகானந்தர் தியானம் செய்து ஞானம் பெற்றதாக கூறப்படுகிறது. எனவே அவரது நினைவாக இந்த பாறையில் விவேகானந்தர் நினைவு மண்டபம் ஒன்று கட்டப்பட்டு 1972-ஆம் ஆண்டு திறக்கப்பட்டது.