கோடை காலத்திற்கு ஏற்ற இந்தியாவில் உள்ள 10 ஸ்பாட்களை தெரிந்துகொள்ளுங்கள்..!

கோடைகாலத்தில் கொளுத்தும் வெயிலில் இருந்து தப்பிக்க தான் பயணங்களை செய்கிறோம். அப்படி கோடைகாலத்திற்கு ஏற்ற ஸ்பாட்கள் இந்தியாவில் எங்கெல்லாம் உள்ளது என்று உங்களுக்கு அடையாளம் காட்ட போகிறோம்.

வடக்கே இருந்து வந்தால், முதலில் லடாக். இமயமலை சூழந்த பகுதியான இது குளிர்காலத்தில் பனிப்பொழிவுகளை சந்திக்கிறது. ஆனால் வெயில் காலத்தில் பனிப்பொழிவு இல்லாவிடினும், குளிர் நிறைந்த இடமாக காணப்படுகிறது. அங்கு  ஜான்ஸ்கர் பள்ளத்தாக்கு அருகே ரிவர் ராஃப்டிங், ட்ரெக்கிங் மற்றும் கேம்பிங் போன்றவற்றிற்கான வாய்ப்புகள் உள்ளன.

அடுத்து ஹிமாச்சல பிரதேசத்தில் உள்ள மணாலி. குல்லு - மணாலி என்பது ஹனிமூன் இடமாக தான் நினைத்திருப்போம். ஆனால் மணாலி என்பது நண்பர்கள் மற்றும் குழந்தைகளோடு  குதூகலமாக விளையாடி மகிழக்கூடிய இடம் தான். மணாலியில், பாராக்ளிகிங், பனிச்சறுக்கு விளையாட்டுகள் பல உள்ளன.

ஹிமாச்சல பிரதேசத்தின் மற்றொரு முக்கிய கோடை சுற்றுலாத்தலம் சிம்லா, ஆங்கிலேயர்கள் காலத்தில் கோடைகால தலைநகராக இருந்த இதுவும் பணிசிலையாட்டுகள் நிறைந்த பகுதியாகும். கோடை காலத்திலும் பனி முகடுகளோடு குளிர்ச்சியாக இருக்கும் பகுதி.

அதற்கு அடுத்து பார்த்தால் இமயமலைக்கு நடுவில் அமைந்துள்ள ஒரு மலைப்பிரதேச நகரம் என்று தான் சொல்ல வேண்டும். டெஹ்ராடூன் மாவட்டத்திற்கு அருகே உள்ள முசோரியில் பகுதி பனி பிரதேசம் இல்லாவிடினும் எப்போதும் ஒரு குளிர்ந்த சூலோல் தான் நிலவும். அந்த சூழலில் முசோரி ஊரை சுற்றிப் பார்ப்பது அலாதியானது.

வடகிழக்கு மாநிலங்கள் எல்லாமே கோடை சுற்றுலபுக்கு ஏற்றது தான். அதிலும் குறிப்பாக சொல்ல வேண்டும் என்றால் சிக்கிம் மாநிலம் கோடை சுற்றுலாவிற்கு பல வசதிகளை ஏற்படுத்தித்தரும். மலை ஏற்றம், புத்த மடாலயங்கள், திபெத்திய உணவு என்று எல்லாம் கலந்த விருந்து தான்

மேற்கு வங்காளத்தின் டார்ஜிலிங் ஒரு சிறந்த ஹனிமூன் ஸ்பாட் தன ஆனால் அதை தாண்டி கோடை காலத்திற்கு ஏற்ற பிக்னிக் ஸ்பாட்டும் தான். மாநிலத்தின் மிக உயரமான சிகரம் மற்றும் கிழக்கு இமயமலையின் காட்சிகளை பார்க்க சண்டக்பு மலை பக்கம் போகலாம். இந்த இடம் மலையேற்ற ஆர்வலர்களுக்கு ஏற்றது, பசுமையான காடுகள் மற்றும் ரோடோடென்ட்ரான் வயல்களின் வழியாக பல மலையேற்ற பாதை இருக்கும்

இந்தியாவில் ரிவர் ராஃப்டிங்கிற்கு பிரபலமான இடம் என்று தேடும் போது அதில் முதலில் இருப்பது ரிஷிகேஷ் தான். ஆண்டு முழுவதும் வற்றாத நதியாக இருக்கும் கங்கை நதியில் பெருக்கெடுத்தோடும் நீருக்கு மத்தியில், இமாலய காட்டிற்குள் போகும் பயணம் சிறப்பான அனுபவத்தை தரும். ரிஷிகேஷில் இந்த கோடை காலத்தில் நீர்  விளையாட்டுகள் போவதே தனி சுகம்.

கோவா இந்தியாவிற்குள் இருந்தாலும் அது ஐரோப்பிய சாயலோடு இருக்கும். அங்குள்ள கலாச்சாரமும் வாழும் வெளிநாட்டினர் எண்ணிக்கையும் அதை அப்படி மாற்றி இருக்கும். கோவாவில் கலங்குட் பீச், வாகேட்டர், பாம் ஜீசஸ் பசிலிக்கா, சே கதீட்ரல் போன்றவற்றை பார்க்கலாம்.

உள்ளூர் கோடை சுற்றுலா என்றால் ஊட்டி தான்.மலைகளின் அரசி என்ற பெருமையை சுமந்து நிற்கும் நீலகிரி , மேற்கு தொடர்ச்சி மலைகளின் அமைந்துள்ள முக்கியமான சிகரமான தொட்டபெட்டா. அவலாஞ்சி ஏரி, தொட்டபெட்டா சிகரம், மான் பூங்கா, எமரால்டு ஏரி, ஊட்டி தாவரவியல் பூங்கா, ஊட்டி ஏரி, கலஹட்டி நீர்வீழ்ச்சி, முதுமலை தேசிய பூங்கா, ஊட்டி மலை ரயில், ரோஸ் கார்டன் என்று பல சுற்றுலா தங்களை தன்னுள் ஒளித்துவைத்துள்ளது.

இறுதியாக அந்தமான் தீவுகள். தீவுகள் என்றாலே சுற்றி சுற்றி தண்ணீர் தான். கோடை காலத்தில் தண்ணீர் சூழ்ந்த இடம் என்றால் அது சுவர்க்கம் தானே. அது மட்டும் இல்லாமல் கோடையில் குளுமையான கடற்கரைகள், தீவுகளுக்கு இடையான படகு பயணம் என்று சுவாரசிய விஷயங்கள் பல உள்ளன.