வினோதமான சட்டங்கள் கொண்ட 6 விசித்திரமான நாடுகளை தெரியுமா..?

பொதுவாக எல்லா நாடுகளிலும் சட்டம்  போடப்படும். நாட்டில் ஒற்றுமையையும் அமைதியையும் ஒழுங்கையும் நிலையாக வைத்துக்கொள்ள தான் இந்த சட்டங்கள் போடப்படுகின்றன. ஆனால் ஒரு சில இடங்களில் கொஞ்சம் வித்தியாசமான, இன்னும் சொல்ல போனால் விசித்திரமான சட்டங்களை வைத்துள்ளனர். அவற்றைத் தெரிந்துகொள்ளலாமா?

ஸ்பெயினில் உள்ள மலாகாவின் ரிசார்ட், இந்த விசித்திரமான சட்டங்களின் பட்டியலில் முதலிடத்தில் உள்ளது. இங்கு இரவு வாழ்க்கை மிகவும் பிரபலமானது. ஆனால், பல நேரங்களில் உள்ளூர் மக்களுக்கு தொந்தரவாகிறது. இதை தடுக்க உள்ளூர் நிர்வாகம்,  ஆட்சேபனைக்குரிய செயல்களை செய்பவர்களுக்கு 663 பவுண்டுகள் அதாவது 68 ஆயிரம் அபராதம் விதிக்கிறது . இதுமட்டுமின்றி, ஸ்பெயினின் டெனெரிஃப் நகரில்,சாலைகளில் சுற்றித்திரியும் விலங்குகளுக்கு உணவு கொடுத்தால் 66 ஆயிரம் வரை அபராதம் விதிக்கப்படும்.

கிரீஸ் நாட்டின் தலைநகர் ஏதென்ஸில் அக்ரோபோலிஸ், எபிடாரஸ் தியேட்டர் மற்றும் பெலோபொனீஸ் போன்ற சில இடங்களில் சுற்றுலாப் பயணிகள் ஹை ஹீல்ஸ் அணிய தடை விதிக்கப்பட்டுள்ளது.  இந்த பாதணிகள் பழங்கால பாரம்பரியத்திற்கு கேடு விளைவிப்பதால் கடந்த 2009-ம் ஆண்டு தடை விதிக்கப்பட்டது. பார்வையாளர்கள் மென்மையான காலணிகளை மட்டுமே அணிய அனுமதிக்கப்படுவர்.

நீங்கள் தாய்லாந்தில் பயணம் செய்கிறீர்கள் என்றால்.. இந்த சிறப்பு விதியை நினைவில் கொள்ளுங்கள். ஏனென்றால் அது உங்களை 15 வருடங்கள் சிறையில் தள்ளும். தாய்லாந்தில் தவறுதலாக அந்நாட்டு  கரன்சியை மிதித்து விட்டால் கூட நேராக சிறைக்கு தான் செல்ல வேண்டும். கவனமாக பார்த்து நடங்க..

செல்ஃபி கலாச்சாரம் என்பது இப்பொது மிகவும் அதிகரித்து விட்டது, ஒரு இடத்தில் ஒரு போட்டோ என்பதைத் தாண்டி, வகை வகையாக ஒரே இடத்தில் இருந்து எடுத்துக்கொண்டு இருப்பார். இதனாலேயே பல விபத்துகளும் அசம்பாவிதங்களும் நடக்கின்றன. அதனால் தான் இத்தாலிக்கு வருபவர்களுக்கு மணிக்கணக்கில் நின்று செல்ஃபி எடுக்க அனுமதி இல்லை.மீறினால்  £243 அதாவது ரூ. 25,000 அபராதம். இந்த விதி காலை 10.30 மணி முதல் மாலை 6 மணி வரை மட்டுமே பொருந்தும்.

ஆஸ்திரேலியாவில்  பொது இடத்தில் தகராறில் ஈடுபடுபவர்களுக்கு  பெரும் அபராதம் செலுத்த வேண்டும். அநாகரீகமான வார்த்தைகளை பயன்படுத்தினால் ரூ.35 ஆயிரம் வரை அபராதம் விதிக்கப்படும். தெற்கு ஆஸ்திரேலியாவில், அபராதம் 68 ஆயிரம் வரை செல்கிறது. அதோடு 3 மாத சிறை தண்டனையும் விதிக்கப்படும்.

துபாய்க்கு வரும் சுற்றுலாப் பயணிகள் பொது இடங்களில் கட்டிப்பிடிக்கவோ, முத்தமிடவோ, பாசம் காட்டவோ கூடாது. குறிப்பாக இங்கு வரும் தம்பதிகள் இந்த விஷயத்தில் கவனமாக இருக்க வேண்டும். மீறினால் சிறை தான்.