மத நல்லிணக்கத்தை காட்டும் இந்த மேற்கு வங்காள மடத்தைப் பற்றி தெரிந்துகொள்ளுங்கள்!

மேற்கு வங்கத்திலுள்ள பேலூர் மடம் மத நல்லிணக்கத்திற்கு சான்றாக திகழ்கிறது.

உலகெங்கிலும் உள்ள கோடிக்கணக்கான மக்களால் போற்றப்படும் 19 ஆம் நூற்றாண்டின் இந்திய துறவியான ஸ்ரீ ராமகிருஷ்ணரை கௌரவிப்பதற்காக இன்று நாம் காணும் பேலூர் மடம் 1938 இல் கட்டப்பட்டது.

பேலூர் மடம் இந்தியாவின் வளமான ஆன்மீக மற்றும் கலாச்சார பாரம்பரியத்தின் சின்னமாக விளங்குகிறது. மேலும் இந்த மடம் சேவை, இரக்கம் மற்றும் ஒற்றுமை பற்றிய போதனைகளை உலகெங்கிலும் உள்ள மக்களுக்கு தொடர்ந்து போதித்து வருகிறது.

பேலூர் மடம் அதன் அழகிய கட்டிடக்கலைக்கு என்று தனி ஒரு புகழ் உள்ளது. இது இந்து, இஸ்லாமிய மற்றும் கிறிஸ்தவ கட்டிடக்கலைகளின் கூறுகளை இணைக்கிறது. கோவிலின் வடிவமைப்பு பாரம்பரிய மற்றும் நவீனத்தின் கலவையாகும், சிக்கலான வேலைப்பாடுகளுடன் உள்ளது.

பேலூர் மடம் மதங்களின் ஒற்றுமையைக் குறிக்கிறது, அந்த கோயிலில் இயேசு கிறிஸ்து, புத்தர் மற்றும் முகமது நபி உட்பட உலகம் முழுவதிலுமுள்ள பல்வேறு மதத் தலைவர்களின் உருவங்கள் உள்ளன. இது பல்வேறு மதத்தினரிடையே சமய நல்லிணக்கத்தையும் புரிந்துணர்வையும் மேம்படுத்துவதை நோக்கமாகக் கொண்டுள்ளது

கங்கையில் உள்ள பேலூர் மடத்தின் அமைதியான வளாகத்தில் ஸ்ரீ ராமகிருஷ்ணர், ஸ்ரீ சாரதா தேவி மற்றும் சுவாமி விவேகானந்தர் ஆகியோருக்கு அர்ப்பணிக்கப்பட்ட கோயில்கள் உள்ளன. அதில் அவர்களின் நினைவுச்சின்னங்கள் பொறிக்கப்பட்டுள்ளன. ஸ்ரீ ராமகிருஷ்ணரின் பதினாறு நேரடி துறவு சீடர்களில் ஏழு பேர் இங்கு தகனம் செய்யப்பட்டனர்.

பயணத்திட்டம் என்று எடுத்துக்கொண்டால், பேலூர் மடத்திலிருந்து சுமார் 16 கிமீ தொலைவில் கொல்கத்தா நேதாஜி சுபாஷ் சந்திர போஸ் சர்வதேச விமான நிலையம் அமைந்துள்ளது. ரயில் மோளம் வந்தால், பேலூர் மடத்திலிருந்து 6 கி.மீ தொலைவில் அமைந்துள்ள ஹவுரா சந்திப்பு அடைந்து பேருந்து மூலம் மடத்திற்கு வரலாம்.

இங்கு தங்கி ராமகிருஷ்ணா மடத்தை பற்றி தெரிந்துகொள்ள விரும்பினால், சுமார் இருபது அறைகள் கொண்ட வசதியான கெஸ்ட் ஹவுஸ் உள்ளது. விருந்தினர் மாளிகை பல்வேறு வேதாந்த சங்கங்களின் உறுப்பினர்களுக்கும் ஸ்ரீராமகிருஷ்ணரின் பக்தர்களுக்கும் பிரதானமாக செயல்பட்டு வருகிறது. ஆனால் மற்றவர்கள் இரண்டு நாட்கள் வரை தங்கலாம்.

அக்டோபர் மற்றும் பிப்ரவரி வரையான மாதங்கள் பேலூர் மடத்திற்குச் செல்ல சிறந்த நேரம், வானிலை இனிமையாகவும் தன்மையாகவும் இருக்கும். கோடை காலத்தில் கொஞ்சம் வெயில் கொளுத்தும். அதிக வெயில் காலத்தில் இங்கு செல்வதை தவிர்க்கலாம்