புத்தாண்டிற்கு எங்கே போகலாம் என்ற யோசனையா... குறைந்த விலையில் உங்களுக்கான அருமையான இடம் இதோ

மணாலி என்றாலே தனி ஒரு குதூகலம் வந்து விடும் அதுவும் சாகச பயணிகளுக்கும், பனிப்பிரதேச விரும்பிகளுக்கும் அது ஒரு சொப்பன தேசம். அங்கே பார்க்கவேண்டிய முக்கிய இடங்களையும் செயல்களையும் சொல்கிறோம். புத்தாண்டை அங்கே கொண்டாடலாம்.

சென்னையில் இருந்து டெல்லி வரை தினமும் கிராண்ட் ட்ரங்க் எக்ஸ்பிரஸ், தமிழ்நாடு எக்ஸ்பிரஸ் மணாலிக்கு செல்கிறது . திங்கள் மற்றும் வெள்ளியில் டொரண்ட்டோ எக்ஸ்பிரஸ் செல்கிறது. 28 மணி நேரம் முதல் 33 மணி நேரத்தில் டெல்லியை அடைந்து விடலாம் அங்கிருந்தது சண்டிகர் வழியாகவோ அல்லது நேரே மணாலிக்கு  பேருந்துகள் உள்ளது.

ஒவ்வொரு ஆண்டும், உலகம் முழுவதிலுமிருந்து பனிச்சறுக்கு ஆர்வலர்கள் மணாலிக்கு வருகை தந்து ரோஹ்தாங் பாஸ் மற்றும் சோலாங் பள்ளத்தாக்குகளின் சரிவுகளில் ஆல்பைன் பனிச்சறுக்கு விளையாட்டை அனுபவிக்கின்றனர்.அதை நீங்களும் மிஸ் பண்ணிடாதீங்க.

சிடார் காடுகளுக்கு மத்தியில் அமைந்துள்ள ஹிடிம்பா தேவி கோயில்  இந்தியாவில் உள்ள மற்ற கோவில்களைப் போலல்லாமல்,  பீமனின் மனைவியும் கடோத்கச்சின் தாயுமான ஹிடிம்பாவிற்கு (ஹிடிம்பிக்கும்) அர்ப்பணிக்கப்பட்டுள்ளது. மஹாபாரதத்தில்  அரக்க அரசன் ஹிடிம்பின் சகோதரியான இவரது  நற்செயல்களின் காரணமாக, அவள் ஒரு தெய்வமாக, துர்கா தேவியின் அவதாரமாக கருதப்படுகிறாள்.

பழைய மணாலி  பரபரப்பான பிரதான நகரத்திற்கு வெளியே சில நிமிடதொலைவில் அமைதியான சூழலில் அமைந்துள்ளது.  ஆற்றங்கரை பகுதியில்  சில சிறந்த கஃபேக்கள் உள்ளன. குளிர்ந்த குளிர்கால நாளில், உணவகங்களில் ஒன்றில் அமர்ந்து பனிப்பொழிவை அனுபவித்துக் கொண்டே சாப்பிடலாம். தனித்துவமான அனுபவமாக இருக்கும்.

மணாலி மால் சாலை இந்தியாவின் மிகவும் பிரபலமான மால் சாலைகளில் ஒன்றாகும். இங்கு, அழகான சிறிய கஃபேக்கள் , பாரம்பரிய ஹிமாச்சலி சால்வைகள் மற்றும் ஜாக்கெட்டுகளை இங்கே வாங்கலாம். திபெத்திய கைவினைப் பொருட்களும் சுற்றுலாப் பயணிகளிடையே பெரும் வரவேற்பைப் பெற்றுள்ளன.

மணாலி நகரத்திலிருந்து வெறும் மூன்று கிலோமீட்டர் தொலைவில் உள்ள வசிஷ்டர் கிராமங்களுக்குச் செல்லுங்கள். நீங்கள்  சாகச விரும்பியாக இருந்தால் , இந்த கிராமத்திற்கு  நடந்தே செல்லலாம். அவ்வளவு ரம்மியமான பயணமாக இருக்கும். வசிஷ்டர் கோயிலும் அதன் வெப்ப நீரூற்றுகளும் இங்குள்ள முக்கிய ஈர்ப்புகளாகும். இங்குள்ள தண்ணீருக்கு சிகிச்சை குணங்கள் இருப்பதாக நம்பப்படுகிறது.

சோலாங் பள்ளத்தாக்கு மணாலி நகரத்திலிருந்து 13 கிமீ தொலைவில் அமைந்துள்ளது. தெளிவான வெயில் நாள் காணப்பட்டால், பாராகிளைடிங்கிற்காக சோலாங் பள்ளத்தாக்குக்குச் செல்லுங்கள். பனி மூடிய மலைகளின் வியத்தகு காட்சி மறக்க முடியாத அனுபவத்தை கொடுக்கும் . அருகே கேபிள் கார் சவாரியம் செய்யலாம்.

மணாலியிலிருந்து 5 கிலோமீட்டர் தொலைவில்,
பஹாங் பங்கீ ஜம்பிங் சாகச விளையாட்டை நீங்கள் முயற்சி செய்யலாம்

அது மட்டும் இன்றி இங்கே கூடாரங்கள் அமைத்து இரவில் பனிப்பொழிவுகளை ரசிக்கலாம். பனிமலையில் ட்ரெக்கிங் ஏறும் அனுபவமும் தனி.