ரிஷிகேஷ் முதல் கூர்க் வரை.. இந்தியாவில் ரிவர் ராஃப்டிங் செய்ய சிறந்த ஸ்பாட்கள் இதோ!

சாகச விரும்பிகள் தேடும் விஷயங்களில் முக்கியமானது இந்த ரிவர் ராஃப்டிங். பெய்து நதிகள் எல்லாம் பெருக்கெடுத்து ஓடும் போது அதில் காற்று நிரப்பிய படகில் சவாரி செய்வது தனி சுவாரசியம், அப்படி இந்தியாவில் உள்ள சிறந்த ரிவர் ராஃப்டிங் ஸ்பாட்களை உங்களுக்கு அடையாளம் காட்டுகிறோம்.

ரிஷிகேஷ்
இந்தியாவில் ரிவர் ராஃப்டிங்கிற்கு பிரபலமான இடம் என்று தேடும்போது அதில் முதலில் இருப்பது ரிஷிகேஷ் தான். ஆண்டு முழுவதும் வற்றாத நதியாக இருக்கும் கங்கை நதியில் பெருக்கெடுத்தோடும் நீருக்கு மத்தியில், இமாலய காட்டிற்குள் போகும் பயணம் சிறப்பான அனுபவத்தை தரும். ரிஷிகேஷில் நீங்கள் அனுபவிக்கும் பிரபலமான விளையாட்டுகளில் ஒன்றாக இது இருக்கும். இது போக மலையேற்றத்தையும் செய்யலாம்.

லடாக்
லடாக்கில் இருக்கும்போது சிந்து நதியில் ரிவர் ராஃப்டிங் செய்ய முயற்சி செய்து பாருங்கள். நதி பொதுவாக குளிர்காலத்தில் உறைந்திருக்கும். அதனால் தண்ணீர் கொஞ்சம் உருகி ஓடும் மாதம் பார்த்துவிட்டு செல்லுங்கள். பொதுவாக வெயில் சுட்டெரிக்கும் மாதங்களில் செல்வது நன்று. ஜன்ஸ்கர் ஆற்றின் குளிர்ந்த நீரில் கூட ராஃப்டிங் செய்யலாம்

ஸ்பிடி, ஹிமாச்சல் பிரதேசம்
இந்தியாவில் நுரைத்து வரும் ஒயிட் வாட்டர் ராஃப்டிங் விளையாட்டை ரசிக்க ஸ்பிட்டி மற்றொரு பிரபலமான இடமாகும். பாய்ந்து செல்லும் ஸ்பிதி ஆற்றின் வழியாக ராஃப்டிங் செய்வது நீங்கள் மறக்க முடியாத அனுபவத்தை உங்களுக்கு வழங்கும்

மகாராஷ்டிரா
மகாராஷ்டிராவில் இருக்கும் போது, குண்டலிகா நதியில் ரிவர் ராஃப்டிங்கை முயற்சி செய்யுங்கள். குண்டலிகா நதி வெயில் காலத்தில் கொஞ்சம் வறண்டு காணப்படும் அதனால் மழை பொழிந்து முடிந்த சமயத்தில் செல்வது நல்லது. பருவமழை பொழியும் ஜூலை - செப்டம்பர் இடைப்பட்ட காலத்தில் செல்லுங்கள்.

குலு மணலி
ஹனி மூன் ஸ்பாட்டாக அறியப்படும் குலு மணாலியில் ரிவர் ராஃப்டிங் விளையாட்டுகளும் சிறப்பான அனுபவத்தை தர காத்து கொண்டு இருக்கிறது. ராஃப்டிங் செய்யத்தெரியாது இப்போது தான் முதல் முறை என்றால் உங்களுக்கு ஏற்ற இடம் இது தான். பியாஸ் நதியில் பாய்ந்து செல்லும் நீர் ராஃப்டிங்கின் சிறந்த அனுபவத்தை தரும்.

உத்தரகாண்ட்
உத்தரகாண்டின் அலக்நந்தா நதி, கங்கையின் இரண்டாவது பெரிய துணை நதியான மிகவும் கடினமான ரிவர் ராஃப்டிங் தளங்களில் ஒன்றாக மதிப்பிடப்பட்டுள்ளது. ராஃப்டிங் நீளம் சுமார் 25 கிமீ ஆம் ! நல்ல த்ரில்லிங் அனுபவத்தை விரும்புபவர்கள் இதை முயற்சி செய்யலாம்.

சிக்கிம்
நேபாளத்தில் தோன்றி இந்தியாவில் கிழக்கு பகுதி வழியாக வங்க கடலில் கலக்கும் டீஸ்டா நதி சிக்கிம் வழியாக பாய்கிறது.தரம் 1 முதல் 4 வரை மதிப்பிடப்பட்ட ரேபிட் ரிவர் ராஃப்டிங் அனுபவத்தை இங்கு காணலாம். உத்தரகண்ட் போலவே த்ரில்லிங் அனுபவத்தை தரவல்லது.

கூர்க்
கூர்கில் உள்ள பாராபோல் நதி சிறந்த ராஃப்டிங் வாய்ப்புகளை வழங்குகிறது. மேற்குத் தொடர்ச்சி மலையில் பாயும் இந்த நதியில், கீழ் பகுதியில் 6 முதல் 7 வரையிலான தரத்தில் ரிவர் ராஃப்டிங்களையும் , நதியின் மேல் பகுதியில் 4 முதல் 5 தர ரேபிட் ரிவர் ராஃப்டிங்களையும் பெறலாம்.