சென்னை டூ கன்னியாகுமரி பைக்ல போறீங்களா?.. அப்போ இந்த இடங்களை மிஸ் பண்ணாம பாருங்க...!

கோடை விடுமுறை வந்துவிட்டது. குழந்தைகளை பாட்டி வீடு, தாத்தா வீடு என அழைத்து செல்ல பெற்றோர்கள் தயாராகி வருகிறார்கள். ஒரு வேளை நீங்கள், யில் இருந்து க்கு சாலை வழியே பயணிக்கும் திட்டத்தில் இருந்தால் இந்த கட்டுரை உங்களுக்கானது. ஏனென்றால், சென்னை டூ கன்னியாகுமரி போகும் வழியில் உள்ள சுற்றுலா தளங்களை பற்றி கூறுகிறோம். இந்த இடங்களை எல்லாம் மிஸ் பண்ணாம பாருங்க.

ஆரோவில் : புதுவை - விழுப்புரம் வழியில் அமைந்துள்ள ஒரு ஆராய்ச்சி நகரம் ஆகும். புதுச்சேரிக்கு மிக அருகில் அமைந்துள்ள இந்த நகரம் உங்கள் வீட்டு குழந்தைகளுடன் சென்று பார்க்க வேண்டிய இடம் ஆகும்.

வேடந்தாங்கல் பறவைகள் சரணாலயம் : சென்னைக்கு மிக அருகில் செங்கல்பட்டு மாவட்டத்தில் அமைந்திருக்கும் இந்த சரணாலயம், உலக புகழ் பெற்ற பறவைகள் சரணாலயமாகும். அரிய வகை பறவை இனங்கள் பலவற்றை இங்கு ஒரே இடத்தில் காணலாம்.

பிச்சாவரம் : கடலூர் மாவட்டம் சிதம்பரத்துக்கு மிக அருகில் அமைந்திருக்கும் இந்த பிச்சாவரத்தில் மாங்குரேவ் காடுகள் உள்ளன.  உண்மையில் இது ஒரு கடல் சார் காட்டுப்பகுதி ஆகும்.  படகு சவாரியும் உள்ளது. அதேநேரம் 177-க்கும் மேற்பட்ட பறவை இனங்களை கொண்டிருக்கும் ஒரு அற்புதமான இடமாகவும் இது உள்ளது.

திருச்சி : தென் தமிழகத்தின் மிக முக்கிய நகரமாக கருதப்படும் திருச்சி உண்மையில் ‘கோயில்கள் நிறைந்த ஒரு ஆன்மீக நகரம் ஆகும். பழமை மாறா கட்டடங்கள், கோவில்கள், மலைக்கோட்டை என பலவற்றை இங்கு கண்டு ரசிக்கலாம்.

கொடைக்கானல் : திருச்சிக்கு அடுத்து திண்டுக்கல் மாவட்டத்தில் அமைந்திருக்கும் இந்த கொடைக்கானல், இந்தியர்களின் பிரபலமான தேன்நிலவு தலம் ஆகும். கடல் மட்டத்தில் இருந்து சுமார் 7200 அடி உயரத்தில் இருக்கும் இந்த இடம் சாகச விரும்பிகளுக்கு ஏற்ற இடம் ஆகும்.

மதுரை : தென் தமிழகத்தின் பிரபலமான ஆன்மீக நகரமாக பார்க்கப்படும் மதுரையில் மீனாட்சி அம்மன் கோவில், ஆயிரம் கால் மண்டபம், திருமலை நாயக்கர் மகால் போன்ற பல விஷயங்களை நாம் காணலாம்.

அகஸ்தியர் அருவி : திருநெல்வேலியிலிருந்து சுமார் 42-கிமீ தொலைவில் அமைந்திருக்கும் இந்த அகஸ்தியர் அருவி - பாபநாசம் அருவி எனவும் அழைக்கப்படுகிறது. தமிழகத்தில் காணப்படும் மிக முக்கிய அருவிகளில் ஒன்றாக பார்க்கப்படுகிறது இந்த அருவி.

குற்றாலம் : திருநெல்வேலியிலிருந்து சுமார் 60 கிமீ தொலைவிலும், தென்காசியிலிருந்து 7 கிமீ தொலைவிலும் அமைந்திருக்கும் இந்த குற்றாலம் இந்தியர்கள் மத்தியில் மிகவும் பிரபலமாக இருக்கும் ஒரு சுற்றுலா தலம் ஆகும்.