ரூ50,000 இருந்தாலே போதும்.. இந்த நாடுகளுக்கு சம்மர் வெக்கேஷன் சென்று வரலாம்..!

இந்தியாவில் இருந்து செல்லவேண்டும் என்றால் லட்சக்கணக்கில் செலவாகும். அதற்கு எங்கே போவது என்று நினைத்துக்கொண்டு உள்ளூரிலேயே சுற்றுலா, ஹனிமூன் எல்லாம் போவோம். ஆனால் நீங்கள் நினைப்பது போல எல்லா நாடுகளுக்கும் லட்சக்கணக்கில் செலவு ஆகாது. ஒரு சில நாடுகளுக்கான பயணம் நம் பட்ஜெட்டுக்குளேயே அடங்கும்.

பட்ஜெட் என்றால் எவ்வளவு ஆகும் என்று தானே யோசிக்கிறீர்கள். அதிகபட்சம் ஐம்பதாயிரத்திற்குள் செல்லக்கூடிய நாடுகளே எக்கச்சக்கமாக உள்ளது. காசு குறைவு என்றால் அது சுமாரான இடமாக இருக்குமோ என்று நினைக்க வேண்டாம். எல்லாமே டாப் சுற்றுலா நாடுகள் தான். தங்கள் சுற்றுலா துறையை மேம்படுத்துவதற்காக தான் குறைந்த விலையில் மக்களை வர வைக்கிறார்கள். அப்படியான நாடுகளின் லிஸ்ட் இதோ…

இந்தியாவிற்கு மிக அருகே உள்ள நாடுகளில் இருந்து தொடங்கலாம். இமய மலையில் ஒரு பக்கத்தை நாம் வைத்திருக்கிறோம். மறுபக்கத்தில் சொந்தக்காரரான நேபாளம் செல்ல விசா கூட தேவை இல்லை. உங்கள் ஆதார் மற்றும் பாஸ்போர்ட் இருந்தால் போதும். பைக் செல்லப்பவர்களுக்கு அட்டகாசமான இடம். காத்மாண்டு பள்ளத்தாக்கு, பூதநாத கோயில், பசுபதிநாத் கோயில், தர்பார் சதுக்கம், ஃபெவா ஏரி ஆகியவற்றை பார்த்து ரசிக்கலாம். 38,500 க்கு IRCTC இல் 5 நாள் பேக்கேஜ் கூட உண்டு.

கடற்கரைகள், ஆறுகள், புத்த பகோடாக்கள் மற்றும் பரபரப்பான நகரங்கள் ஒருங்கே சேர்ந்த வியட்நாமில் இ-விசா மூலம்,90 நாட்கள் வரை பயணம் செய்யலாம். ஹா லாங் பே, கு சி சுரங்கங்கள், ஹான் கியாம் ஏரி, போர் எச்சங்கள் அருங்காட்சியகம், ஃபூ குவாக் கடற்கரைகள், போ நகர் ஆகியவை இங்குள்ள முக்கிய ஸ்பாட்கள். பயணம், தங்குமிடம் , உணவு எல்லாம் சேர்த்து 45 வரை தான் அதிகபட்சம் ஆகும்.

மரகத நெல் வயல்களின் நிலம்என்று அழைக்கப்படும் பிலிப்பைன்ஸ் சென்று வர 30,000 முதல் 40000 வரை தான் ஆகும். அங்கே ஜிப்சிகள், கிராஃபிட்டி சுவர்கள், எரிமலைகள், பெரிய கண்கள் கொண்ட டார்சியர்கள், ஃபிரிஸி நீர், என அற்புதமான காட்சிகளைக் காணலாம்.

உலகிலேயே மிகப்பெரிய கோவில் உள்ள கம்போடியா நகரம் புத்த விகாரங்களை பெயர் பெற்றது. ராஹாக்கள் கால படங்கள் பெரும்பாலும் இங்கு தான் எடுக்கப்படுகிறது. பொன்னியின் செல்வன் படத்தின் சில காட்சிகள் கூட இங்கு படமாக்கப்பட்டுள்ளது. புனோம் பென்னின் ஆற்றங்கரையோரங்கள், சிஹானூக்வில்லின் கடற்கரைகள், பட்டம்பாங்கின் காலனித்துவ நகரங்கள், மொண்டுல்கிரியின் நெற்களஞ்சியங்கள் உங்கள் கண்களை கொள்ளை கொள்ளும். அதிகபட்சம் 30000 வரை செலவாகும்.

துடிப்பான கலாச்சாரம், பரபரப்பான வீதிகள், வண்ணமயமான ஷாப்பிங், வானுயர கட்டிடங்கள், இரவு பாட்டிகள் என்று குதூகலமாக இருக்கும் என சிங்கப்பூர் செல்லவேண்டும் என்று  நினைத்தால் 50000 நிச்சயம் போதுமானது. சரியாக பிளான் பண்ணிக்கொண்டால் எல்லாவற்றையும் இதற்கும் முடித்துவிடலாம்.

கடல்வழி மற்றும் வான்வழியாக நாம் அடையக்கூடிய இலங்கை நகரமும் இந்த பட்ஜெட்டுக்குள் வருகிறது மக்களே. சிகிரியா, பல் கோயில், தம்புள்ளை குகைக் கோயில், பின்னவல யானைகள் அனாதை இல்லம் ஆகியவை இங்குள்ள முக்கிய இடங்கள். இலங்கை தமிழர்கள் வாழும் யாழ்ப்பாணம், திரிகோண மலை பகுதிகளுக்கும் சென்று வரலாம்.

இந்தியா-சீனா இடையே அமைந்துள்ள அழகிய நாடு பூட்டான். இமயமலை சாரல் நிறைந்த இந்த நாட்டில் பரோ தக்ட்சாங் மடாலயம், தாஷிச்சோ ட்சோங், புனாகா டிசோங், கிச்சு லகாங் கோயில் எல்லாவற்றையும் பார்க்க ஐம்பதாயிரமே அதிகம்.

தேனிலவு சுற்றுலா என்று சொல்லும்போது நினைவுக்கு வரும் மற்றொரு முக்கிய இடம் பாலி. பசிபிக் கரையோரம் இந்தோனேசிய எல்லைக்குல் இருக்கும் பாலிக்கு செல்லவும் 50,000 என்பது போதுமானதே. கடற்கரை, இந்தோனேசிய உணவுகள், நகர வாழ்க்கை, எல்லாம் ஒருங்கே கிடைக்கும்.

இந்திய நடிகர்கள் முதல் உலக பிரபலங்கள் வரை எல்லாருமே விடுமுறை என்றால் உடனே கிளம்பும் இடம் மாலத்தீவுகள் தான். இந்தியாவில் இருந்து விமானத்தில் 2 மணிநேரத்தில் செல்லக்கூடிய மாலத்தீவில் இந்தியர்களுக்கு விசா ஆன் அரைவல் வசதி உள்ளது. இங்குள்ள கடற்கரைகள் மற்றும் ரிசார்ட்டுகள் ஹனிமூன் தம்பதிகளுக்கு ஏற்றதாக இருக்கும். நாடிகள் செல்லும் இடம் என்பதால் அதிக செலவு என்று நினைக்க வேண்டாம். இதற்கும் 40000 தான் ஆகும்.