இந்தியாவில் உள்ள அதிசயிக்க வைக்கும் தேசிய பூங்காக்களை பற்றி தெரியுமா..?

பொதுவாகவே நம் கவனம் சாதாரணமான விஷயங்களை விட அசாதாரணமான விஷயங்களை நோக்கியே இருக்கும். எல்லா விஷயங்களிலும் ஏதாவது ஒன்று மற்ற எல்லாவற்றையும் விட வித்தியாசமாக தனித்து இருக்கும். அப்படி இந்தியாவில் உள்ள வித்யாசமான அதே சமயம் சுவாரசியமான தேசிய பூங்காக்களை பற்றி தான் பார்க்க போகிறோம்.

மணிப்பூர் பிஷ்னுபூர் மாவட்டத்தில் அமைந்துள்ள கெய்புல் லாம்ஜாவோ தேசிய பூங்கா, புகழ்பெற்ற லோக்டாக் ஏரியின் ஒரு பகுதியாகும். உலகத்தில் இருக்கும் ஒரே மிதக்கும் ஏரி இது தான்.லோக்டாக் ஏரியானது இங்கு மிதக்கும் உயிரிகளுக்கு மிகவும் பிரபலமானது, இது ஃபும்டிஸ் என்று அழைக்கப்படுகிறது

கேரளா இடுக்கி மாவட்டத்தில் அமைந்துள்ள மதிகெட்டான் சோலை தேசிய பூங்கா தென்னிந்தியாவில் மேற்குத் தொடர்ச்சி மலைகளில் அமைந்துள்ளது. பலதரப்பட்ட பசுமை மற்றும் இலையுதிர் காட்டு மரங்கள் கலந்து வளர்ந்ததால் சிவப்பு முதல் பசும் இலைகள் வரை கலந்து இந்த சோலை காணப்படும்.

மத்திய பிரதேசத்தில் உள்ள சத்புரா தேசிய பூங்காவில் மட்டும் தான் இந்தியாவில் நடந்து சவாரி செய்ய முடியும்.இங்கு புலிகள் அதிகம் காணப்படாததால் இந்த வசதி ஏற்படுத்தப்பட்டுள்ளது. இங்குள்ள காடுகளை சுற்றி பார்க்கவும் அங்குள்ள விலங்குகளையும் நடந்து சென்று ரசித்துப்பாருங்கள்.

ராஜஸ்தான் ஜெய்சால்மர் மற்றும் பார்மர் நகரங்களுக்கு அருகில் அமைந்துள்ள பாலைவன தேசிய பூங்காவில் புகழ்பெற்ற தார் பாலைவனத்தின் உண்மையான சுற்றுச்சூழல் அமைப்பை நீங்கள் அனுபவிக்க முடியும்.

இந்தியாவின் மிகப்பெரிய தேசிய பூங்காவான ஹெமிஸ் தேசிய பூங்கா லடாக்கில் அமைந்துள்ளது. இமாலய பகுதியில் உள்ள இந்த தேசிய பூங்கா பனிச்சிறுத்தைகளின் தாயகமாக மாறியுள்ளது. இங்கு நீங்கள் மலையேற்ற சாகசத்தையும் செய்யலாம்.

காங்சென்ட்சங்கா தேசிய பூங்கா இந்தியாவின் ஒரே யுனெஸ்கோ கலப்பு உலக பாரம்பரிய தளமாகும். தனித்துவமான புவியியல், தாவரங்கள் , காங்சென்ட்சங்கா மலை பகுதி மற்றும் சிறந்த பாரம்பரிய தலங்களால் சூழப்பட்டுள்ளது, இவை அனைத்தும் தேசிய பூங்காவை ஒரு தனித்துவமான இடமாக மாற்றுகிறது.

குஜராத் மாநிலம் கட்ச் வளைகுடாவில் அமைந்துள்ள அற்புதமான கடல் தேசிய பூங்கா இந்தியாவின் முதல் கடல் வனவிலங்கு சரணாலயம் ஆகும். 1982 இல் தேசிய பூங்காவாக அறிவிக்கப்பட்ட இது தான் முதல் கடல் தேசிய பூங்காவாகும்.