சென்னையில் இருந்து ஒரு பட்ஜெட் ட்ரிப்… அதுவும் வெறும் 3000 ரூபாயில்..!

கோடைக்காலம் ஆரமித்து விட்டது. வீட்டில் உள்ள குழந்தைகளுக்கு கோடை விடுமுறை விடப்போகிறார்கள். வீட்டிலேயே அடைந்து கிடைக்காமல் எங்கயாவது சுற்றுலா செல்லலாம் என நம்மில் பலருக்கு தோன்றும். ஆனால், நம்மிடம் இருக்கும் பணம் அந்த திட்டத்திற்கு ஒத்துழைப்பதில்லை. செலவுகள் அதிகம் இன்றி யில் இருந்து சுற்றுலா செல்ல விரும்புவோருக்கு உதவும் விதமாக, ரூ. 3000 செலவில் ஒரு நாள் சுற்றுலா சென்று வருவதற்கு ஏற்ற இடங்கள் சிலவற்றை பற்றி இங்கு நாம் காணலாம்.

புதுச்சேரி : பிரஞ்சு கலாச்சாரத்தின் அடையாளங்களை தாங்கி நிற்கும் புதுச்சேரி, குறைவான செலவில் சுற்றுலா செல்ல ஏற்ற இடம் ஆகும். சென்னைக்கு மிக அருகில் அமைந்துள்ள புதுச்சேரியின் ஆரோவில் கடற்கரை உங்கள் ஓய்வு நேரத்தை கழிக்க ஏற்ற இடம் ஆகும்.

ஏற்காடு : சேலத்திற்கு மிக அருகில் அமைந்துள்ள ஏற்காடு கிழக்கு தொடர்ச்சி மலையில் அமைந்துள்ள ஒரு பிரபலமான மலைவாசஸ்தலம் ஆகும். சென்னையில் இருந்து இங்கு சென்று வர ரூபாய் 2000-க்கும் குறைவாகவே செலவு ஆகும் என்பது குறிப்பிடத்தக்கது.

தேக்கடி : தமிழ்நாடு - கேரள எல்லையில் அமைந்துள்ள தேக்கடி, பெரியார் தேசிய பூங்கா-விற்கு அறியப்பட்ட ஒரு பகுதி ஆகும். இங்கு காணப்படும் யானைகள், புலிகள், மான்கள் மற்றும் காட்டெருமைகள் சுற்றுலா பயணிகளை ஈர்க்கும் அம்சங்கள் ஆகும்.

வர்க்கலா கடற்கரை : குட்டி கோவா என அழைப்பதும் வர்க்கலா கடற்கரை கேரள மாநிலத்தில் அமைந்துள்ளது. உங்களுக்கு கடற்கரை பிடிக்கும் என்றால், கண்டிப்பாக இந்த இடத்திற்கு செல்லலாம். சென்னையில் இருந்து வர்க்கலா செல்ல இரயிலில் 15 மணிநேர பணிக்க வேண்டும். டிக்கெட் விலையும் குறைவு. கடற்கரை அருகில் உள்ள தாங்கும் விடுதிகளில் தங்க ஒரு நாளைக்கு, 500 முதல் 800 செலவாகும். மூவாயிரம் ரூபாய்க்குள் உங்களின் வீக்கெண்டு ட்ரிப்பை முடித்துவிடலாம்.

ராமேஸ்வரம் : இந்தியாவின் புனித யாத்திரை தலங்களில் ஒன்றாக கருதப்படும் ராமேஸ்வரம், தென் தமிழகத்தின் எல்லையில் அமைந்துள்ள ஒரு பகுதி ஆகும். குறைந்த செலவில் ஆன்மீக பயணம் மேற்கொள்ள விரும்புவோர் இங்கு சென்று வரலாம்.

ஊட்டி : ஊட்டி என அறியப்படும் உதகமண்டலம் தமிழர்களின் விருப்பமான கோடை விடுமுறை ஸ்தலம் ஆகும். கண்களுக்கு எட்டிய தூரம் வரை கண்கவர் பசுமையான காட்சிகளுடன் பயணிகளை ஈர்க்கும் இந்த இடம் உங்கள் பட்ஜட் பயணத்திற்கு ஏற்ற இடம் ஆகும்.

சிதம்பரம் : சென்னையில் இருந்து 335 கிமீ தொலைவில் அமைந்துள்ள சிதம்பரம், பல்வேறு கலாச்சாரங்களின் ஒரு கலவையாக உள்ளது. சென்னையில் இருந்து சிம்பரம் வழி செல்லும் தினசரி ரயில்கள் உங்கள் பட்ஜெட் பயணத்திற்கு மிகவும் உதவியாக இருக்கும்.

கொல்லிமலை : சேலத்திற்கு மிக அருகில் இருக்கும் கொல்லிமலை, மூலிகைகள் நிறைந்த ஒரு மலையாக உள்ளது. மேலும் சென்னை - கொல்லிமலை பாதையில் உள்ள 70-க்கு மேற்பட்ட ஹேர்பின் வளைவுகள் உங்கள் பயணத்தை ஒரு சாகச பயணமாக மாற்றும் அம்சங்கள் ஆகும்.

மூணாறு : அண்டை மாநிலமான கேரளாவில் அமைந்துள்ள மூணாறு, பறவை ஆர்வளர்களுக்கு பிடித்த இடமாக உள்ளது. சென்னையில் இருந்து மூணாறுக்ககு நேரடி ரயில் இல்லை என்பதால், நீங்கள் மதுரை சென்று பின் அங்கு இருந்து மூணாறுக்கு பயணிக்கலாம்.