இந்த மாதிரி வித்தியாசமான இடங்களில் தங்கியிருக்கீங்களா ? செம்ம த்ரில்லிங்கா இருக்கும்..

பயணம் செய்வதை பற்றி, ரால்ப் வால்டோ எமர்சனின் ஒரு பிரபலமான கூற்று உள்ளது. அது - "பாதை செல்லும் இடத்தை பின்தொடராதீர்கள். அதற்கு பதிலாக பாதை இல்லாத இடத்திற்கு சென்று ஒரு தடத்தை விட்டு விடுங்கள்" - என்பதே ஆகும். கிட்டத்தட்ட எல்லோருமே செய்யும் ஒரு விடயத்தை நீங்களும் செய்யும் போது, அதில் என்ன சுவாரசியம் இருக்க போகிறது? அதில் என்ன வித்தியாசமான அனுபவம் கிடைக்க போகிறது? மாறாக சற்றே வித்தியாசமான முயற்சிகளை மேற்கொள்ளும் பட்சத்தில், அது சற்றே அசௌகரியமான அனுபவத்தை வழங்கினாலும் சரி அல்லது நீங்கள் நினைத்து கூட பார்த்திராத "வேற லெவல்" அனுபவத்தை வழங்கினாலும் சரி.. உங்களுக்கு முற்றிலும் புதுமையான ஒரு அனுபவம் கிடைப்பது மட்டும் உறுதி!

எனவே அடுத்த முறை உங்கள் எல்லைகளை விட்டு நீங்கள் வெளியே செல்லும் போது, டூரிஸ்ட் ஆக செல்லாதீர்கள், ஒரு டிராவலர் ஆக, ஒரு எக்ஸ்ப்ளோரர் ஆக செல்லுங்கள். ஏனெனில் ஒரு பயணத்தின் போது உங்களுக்கு கிடைக்கும் பெரும்பாலான மகிழ்ச்சிகள் நீங்கள் செய்யும் வித்தியாசமான முயற்சிகளிலேயே அடங்கி இருக்கிறது. அப்படி என்ன வித்தியாசமாக செய்வது? என்று நீங்கள் கேட்டால், அடுத்த முறை நீங்கள் டிராவல் செய்யும் போது வழக்கமான ஹோட்டல்களில் தங்குவதற்கு பதிலாக சற்றே வித்தியாசமான இடங்களில் 'ஸ்டே' செய்து பாருங்கள் என்பதே எங்களின் பதிலாக இருக்கும்!இதை நீங்கள் முயற்சி செய்து பார்க்க இந்தியாவில் உள்ள சில வித்தியாசமான மற்றும் வினோதமான தங்குமிடங்களை உங்களுக்காக இதோ..

1. கெட்டுவல்லம், கேரளா : கேரளாவின் இயற்கை எழில் கொஞ்சும் உப்பங்கழியில் (பேக் வாட்டரில்) மிகவும் பிரபலமான, அதே சமயம் மிகவும் பாரம்பரிய படகான கெட்டுவல்லத்தில் ஸ்டே செய்து கேரளாவின் உண்மையான அழகை அனுபவிக்கவும்.

2. நாகா மோருங், நாகலாந்து : மோருங் என்பது நாகர்களின் முக்கிய "நிறுவனமாகும்", மேலும் சமூகத்தின் திருமணமாகாத அனைத்து ஆண் உறுப்பினர்களின் சமூக வாழ்க்கைக்கான மையமாகவும் உள்ளது. சிறுவர்கள் தங்கள் பெரியவர்களிடமிருந்து சமூக நடைமுறைகள் மற்றும் நம்பிக்கைகளைப் பற்றி அறிந்து கொள்ளும் இடமாகும். இதுதொடர்பான மேலதிக அனுபவங்களை பெற நீங்கள் நாகாலாந்தில் உள்ள ஷாலோம் ரிசார்ட்டை முயற்சி செய்யலாம்.

3. இக்லூ ஸ்டே, மணாலி: இது இந்தியாவின் முதல் இக்லூ தங்கும் இடம் ஆகும். மணாலியின் இக்லூ தங்கும் இடங்கள் வியக்கத்தக்க வகையில் மிகவும் வசதியாக உள்ளன; கண்டிப்பாக இதை நீங்கள் முயற்சிக்க வேண்டும்.

4. டிப்லு ரிவர் லாட்ஜ், காசிரங்கா, அசாம் : மூங்கில், மரம் மற்றும் ஓலையால் செய்யப்பட்ட இந்த 'ஸ்டில்ட்' வீடுகளில் பாரம்பரிய அசாமிய சமூகங்கள் எப்படி வாழ்கின்றன என்பதை பற்றி நீங்கள் அறிந்து கொள்ளலாம்.

5. டோரியாவில் உள்ள சாராய், பன்னா, மத்திய பிரதேசம்: மண் மற்றும் மூங்கிலால் செய்யப்பட்ட பாரம்பரிய குடிசைகள் உங்களை மீண்டும் அடிப்படைகளுக்கு அழைத்துச் செல்லும்.

6. புங்காஸ், கட்ச், குஜராத் : கட்ச் செல்லும் போது, ​​இந்த பாரம்பரிய வட்ட வடிவ மண் வீடுகளில் ஓரிரு இரவுகள் தங்குவதை உறுதி செய்யவும். இவை கட்ச் பகுதிக்கே உரிய தனித்தன்மை வாய்ந்த ஸ்டே ஆகும்.