நீங்க சுனாமியிலேயே ஸ்விம்மிங் பண்றவங்களா..? அப்போ உங்களுக்கு ஏற்ற கடற்கரைகள் இவைதான்..!

கடற்கரை என்றாலே நம்மில் பலருக்கும் பிடிக்கும். சோகமோ சந்தோஷமோ எதுவாக இருந்தாலும் நமக்கு கடற்கரைக்கு சென்றால் மறந்து விடும். கடலை பார்த்ததும் நம்மில் பலருக்கு அப்படியே குதித்து நீந்த வேண்டும் என ஆசை வரும். இந்தியாவில் பல கடற்கரைகள் இருந்தாலும், அனைத்திலும் நம்மால் சுதந்திரமாக நீந்த முடியாது. இந்நிலையில், இந்தியாவில் நீச்சலடிக்க அனுமதிக்கும் கடற்கரைகள் சிலவற்றை பற்றி இந்த பதிவில் பார்க்கலாம்.

கேவலோசிம் கடற்கரை (Cavelossim Beach) : கோவாவின் தெற்கு பகுதியில் அமைந்துள்ள இந்த கடற்கரையானது தெளிவான நீர் கொண்ட ஒரு கடற்கரை ஆகும். அதேநேரம் இங்கு மக்கள் கூட்டம் குறைந்தளவே காணப்படுவதால் நீங்கள் மிகவும் சுதந்திரமாக நீந்தி மகிழ முடியும்.

பாலோலம் கடற்கரை : தெற்கு கோவாவின் கனகோனாவில் அமைந்துள்ள இந்த பாலோலம் கடற்கரை ஆனது உள்ளூர் மீனவர்கள் வசிக்கும் ஒரு இடம் ஆகும். மக்கள் பாதுகாப்பு நிறைந்த இந்த கடற்கரையில் நீங்கள் ஸ்கூபா டைவிங் செய்வதற்கான வாய்ப்பும் உள்ளது.

கொல்வா கடற்கரை : கோவாவின் மிக அழகிய கடற்கரைகளில் ஒன்றாக பார்க்கப்படும் இந்த கொல்வா கடற்கரை ஆனது குறைந்தளவு ஆழம் மற்றும் தெளிவான நீர் கொண்ட ஒரு கடற்கரையாக பார்க்கப்படுகிறது. அந்த வகையில் ஆபத்து குறைந்த ஒரு கடற்கரையாக இது பார்க்கப்படுகிறது.

முழப்பிலங்காடு கடற்கரை : கேரளாவின் கன்னூர் பகுதியில் அமைந்துள்ள இந்த முழப்பிலங்காடு கடற்கரை ஆனது, இந்தியாவின் நீளமான டிரைவ்-இன் கடற்கரையாக பார்க்கப்படுகிறது. அதேநேரம் குறைந்த ஆழம் கொண்ட இந்த கடற்கரை பாதுகாப்பான நீச்சலுக்கு ஏற்ற ஒரு கடற்கரையாகவும் பார்க்கப்படுகிறது.

குட்லே கடற்கரை : கோகர்ணா பிரதான கடற்கரைக்கு மிக அருகில் அமைந்துள்ள ஒரு கடற்கரையாக இந்த குட்லே கடற்கரை பார்க்கப்படுகிறது. தெளிவான மற்றும் தூய்மையான நீருக்கு பெயர் பெற்ற இந்த கடற்கரை, நீச்சல் அடிப்பதற்கு ஏற்ற ஒன்றாக பார்க்கப்படுகிறது.

ஸ்மால் ஹெல் கடற்கரை : கோகர்ணாவில் இருக்கும் மற்றும் ஒரு அழகிய கடற்கரை இந்த ஸ்மால் ஹெல் கடற்கரை ஆகும். மலையேற்றம், கேம்ப் அமைத்தல் என நீச்சலுடன் பல சாகச விஷயங்களை செய்வதற்கு ஏற்ற இடமாகவும் இது உள்ளது.

ராதாநகர் கடற்கரை : இது இந்தியாவின் மிகவும் பிரபலமான கடற்கரைகளில் ஒன்றாகும். ஹேவ்லாக் தீவில் அமைந்துள்ள ராதாநகர் கடற்கரை, அந்தமான் மற்றும் நிக்கோபார் தீவுகளுக்கு சுற்றுலா செல்ல திட்டமிடும் ஹனிமூன் ஜோடிகளின் கனவு தலங்களில் ஒன்றாகும். தேனிலவு செல்வோர் மத்தியில் பிரபலமாக இருக்கும் இந்த கடற்கரை, இங்கு காணப்படும் வெள்ளை மணலுக்கு பெயர் பெற்றது.

கார்வார் கடற்கரை : தமிழகத்தின் அண்டை மாநிலமான கர்நாடகாவில் அமைந்துள்ள இந்த கார்வார் கடற்கரை. குறைந்த அளவு ஆழம் கொண்ட ஒரு கடற்கரை ஆகும். அதேநேரம் தெளிவான நீர் கொண்டிருப்பதால் இது, நீச்சலுக்கு ஏற்ற இடமாகவும் பார்க்கப்படுகிறது.