கிலிஃப் ஜம்பிங் செய்ய இந்தியாவிலேயே இத்தனை இடங்கள் இருக்கா... இது தெரியாம போச்சே!

நீர்நிலைகளை பார்த்தால் அதில் குளிக்காமல் வருவது சிரமம். சாதாரணமாக நீரில் குளித்து விளையாடுவதை விட உயரமான இடத்தில் இருந்து நீருக்குள் குதிப்பதே ஒரு குதூகலம்தான். அதுவும் சிறு குன்றொ, பாறையோ இருந்து அதில் இருந்து குதித்தால் அதன் உத்வேகம் வேற லெவலில் இருக்கும். இந்தியாவில் இருக்கும் கிலிஃப் ஜம்பிங் ஸ்பாட்களை சொல்கிறோம்.

கர்நாடக மாநிலம் உடுப்பி கரையில் அமைந்துள்ள செயின்ட் மேரிஸ் தீவில் கிலிஃப் ஜம்பிங் செய்வது மிகுந்த பாதுகாப்பானது. ஏனெனில் இந்த இடத்தில் 15 அடி முதல் 35 அடி உயரத்தில் இருந்து குதிக்கலாம். மேலும் இங்கு நீர் அளவு என்பது கணிசமான அளவு இருப்பதால் பயப்பட தேவை இல்லை.

உத்திரகண்ட் மாநிலம் ரிஷிகேஷில் ரிவேர் ராஃபிட்டிங் எப்படி பிரபலமோ அதே அளவு கிலிஃப் ஜம்பிங்கும் பிரபலமானது. 20 மீட்டர் உயரத்தில் இருந்து குதிக்கும் வாய்ப்பு கிடைக்கும். பாதுகாப்பிற்கான அனைத்து ஏற்பாடுகளையும் செய்திருப்பார்கள். இமயமலை பகுதியில் மிஸ் பண்ணக்கூட விஷயங்களில் இதுவும் ஒன்று.

கோவாவின் உட்பகுதிகள் உள்ள மேற்கு தொடர்ச்சிமலை காடுகள் மழைக்காலத்தில் உயிர்ப்பிக்கப்படுகின்றன. அந்த நேரத்தில் உள்ளூர் வழிகாட்டியை கேட்டல் பல சுவாரசிய சிறிய ஆனால் சிறந்த நீர்நிலைகளைப் பற்றி அறியமுடியும். அதில் செய்யும் கிலிஃப் ஜம்பிங் நிச்சயம் சுவாரஸ்யமானதாக இருக்கும்.

மத்திய பிரதேசத்தில் உள்ள பேடாகாட் பகுதி மார்பில் பாறைகளுக்கு புகழ் பெற்றது. வெளிநாடுகளில் நாம் பார்ப்பது போன்று இரண்டு பெரிய பாறைகளுக்கு இடையே நதி போகும் காட்சியை காணலாம். இங்கு கிலிஃப் ஜம்பிங் செய்வது ஒரு வித்தியாசமான அனுபவத்தை அளிக்கும். இங்கு ரிவேர் ராஃபிட்டிங்கும் செய்யலாம்.

கர்நாடக மாநிலத்தில் உள்ள விஜயநகர பேரரசின் கைவண்ணத்திற்கு புகழ் பெற்ற ஹம்பியில் சனாபூர் ஏரி உள்ளது. இதன் அருகே உள்ள பாறைகள் அதிக உயரம் இல்லாததால் அனைத்து வயதினரும் கிலிஃப் ஜம்பிங் முயலும் இடமாக இது திகழ்கிறது,

மேகாலயா தலைநகர் ஷில்லாங்கில் இருந்து சுமார் 65 கிமீ தொலைவில் உள்ள ஜோவாயில் உள்ள க்ராங் சூரி நீர்வீழ்ச்சி கிலிஃப் ஜம்பிங்கிற்கான சிறந்த தளமாகும். ஏனெனில் இங்கு நீர்வீழ்ச்சிகள் மிக உயரமாக இல்லை. தாவல்கள் மிகவும் பாதுகாப்பானவை மற்றும் வேடிக்கையானவை!

தெலுங்கானா மகபூப்நகரில் அமைந்துள்ள பங்கள் கோட்டை வளாகத்தின் ஒரு பகுதி நீர்நிலைகளைக் கொண்டுள்ளது. இங்கு உள்ளூர் சுற்றுலாப் பயணிகள் கிலிஃப் ஜம்பிங் செய்வதை விரும்புகின்றனர். இங்கு உயரம் அதிகம் இல்லை என்றாலும் பாதுகாப்பிற்காக உயிர்கவசங்கள் வழங்கப்படுகிறது.