வேலண்டைன் மாதம் வந்துவிட்டது... காதல் ஜோடிகளுக்களுக்கு ஏற்ற சாகச டிராவல் ஸ்பாட்ஸ் பட்டியல்..!

இந்த பிப்ரவரி மாதம் வந்துவிட்டாலே காதலர்களுக்கு குதூகலம் தான். காதலை வெளிப்படுத்துவது வெளியில் சேர்ந்து செல்வதும் இயல்பு. அப்படி சேர்ந்து வெளியே போகும் போது அந்த பயணத்தை மேலும் சுவாரஸ்யமாக மாற்ற அதில் கொஞ்சம் சாகசத்தை சேர்க்க வேண்டும்.

சாகச பயணங்கள் மேற்கொள்ளும் போது காதலர்கள் எதிர்கொள்ளும் பிரச்சனைகள் அவர்களது காதலின் ஆழத்தை அதிகரிக்கும் என்று நம்பப்படுகிறது. அதனால் இந்த ஆண்டு உங்கள் காதலரோடு சாகச பயணம் மேற்கொள்ள எண்ணினால் அதற்கான இந்திய ஸ்பாட்கள் லிஸ்ட் இதோ!

இயற்கையை ரசித்துக்கொண்டே ஒரு சாகசம் செய்ய எண்ணினால் கோவாவில் உள்ள கோன் சதுப்பு நில காடுகளில் கயாக்கிங் அல்லது கேனோயிங் எனப்படும் படகு சவாரி செய்யலாம். ஒரு நபருக்கு 500 முதல் 800 வரை கட்டணம் வசூலிக்கப்படும். ஆனால் காசுக்கு வொர்த் மக்களே! அதுவும் இருவரும் இணைத்து துடுப்பு போடும் படகை எடுத்துக் கொண்டால் நிச்சயம் அது ரொமான்டிக் ட்ரிப்பாக அமையும்

எங்கள் விருப்பம் அதுவும் இமயமலை சாரல்களை பார்க்கவேண்டும் என்று எண்ணினால் மேற்கு வங்காளத்தின் சண்டக்புவில் மலையேற்றத்தை தேர்ந்தெடுங்கள். இங்கிருந்து காஞ்சன்ஜங்கா மலை, எவரெஸ்ட், லோட்சே, மகலு மற்றும் அன்னபூர்ணா போன்ற மலைகளின் அற்புதமான காட்சிகளை நீங்கள் காணலாம். அது மாட்டுக் இல்லாமல் இந்த மலை ஏற்றம் உங்களை ரோடோடென்ட்ரான்கள் மற்றும் பைன் தோப்புகள் வழியாக அழைத்துச் செல்லும்.

கொஞ்சம் எங்களுக்கு பக்தியும் அதிகம் என்றால் உங்களுக்கு ஏற்ற பக்தி+சாகச பயண காம்போவாக உத்தரகாண்டில் உள்ள கேதார்நாத் மலையேற்றம் இருக்கும். காடுகள் , பனிமலைகள் வழியாக மலை ஏறினால் கேதார்நாத் சிவனை இருவரும் சேர்ந்து வழிபட்டு வரலாம்.

எங்களுக்கு மலைப்பகுதி வேண்டாம் கடற்கரைகள் தான் வசதி என்றால் அதற்காகவே நமது கோவா கடற்கரைகள் காத்துகொண்டு இருக்கிறது. கோவாவின் அஷ்வெம் அல்லது அரம்போல் இரண்டுமே சர்ஃபிங் செய்ய நல்ல இடங்கள். தொடக்கநிலையாளர்களுக்கும் சரியான தேர்வாக இது இருக்கும்.

வாழ்நாளில் நீங்கள் இன்னும் சர்ஃபிங் செய்ய முயற்சித்ததில்லையா? பின்னணியில் சின்னச் சின்ன பாறையுடன் கூடிய கேரளாவின் வர்கலாவில் சர்ஃபிங் உங்கள் இருவருக்கும் மறக்க முடியாத அனுபவமாக இருக்கும். மெலிய வெயில், இயற்கை சூழலுக்கு இடையே கடல் அலைகளோடு உறவாடலாம்.

கடலும் வேண்டாம் மழையும் வேண்டாம் ஆகாசத்தில் பார்க்கத்தான் ஆசையா?இமாச்சலப் பிரதேசத்தின் சோலாங் பள்ளத்தாக்கில் பாராகிளைடிங் இந்தியாவின் சிறந்த பாராகிளைடிங் ஸ்பாட்களில் ஒன்று. அதுவும் இந்த மாதம் பனிப்பொலிவோடு இமாலய படுத்தியே பார்க்க ஏற்றது. ஆனால் நீங்கள் பாராகிளைடிங் செல்வதற்கு முன் வானிலை நிலையை சரிபார்க்கவும். ஏனெனில் இப்பகுதியில் பனிப்பொழிவு ஏற்படலாம்.

பனிப்பகுதி இல்லாமல் பீடபூமியில் இருந்து பாராகிளைடிங் செய்ய விரும்பினால் மகாராஷ்டிராவின் கம்ஷேட்டில் பாராகிளைடிங் உங்களுக்கு பொருந்தும். நீங்கள் காற்றில் உயரும் போது சஹ்யாத்ரி மலைத்தொடரின் பிரமிக்க வைக்கும் காட்சிகளைப் பார்க்கலாம்.

அதே போன்ற மற்றொரு அழகிய பாராகிளைடிங் அனுபவத்தை ராஜஸ்தானின் உதய்பூரில் அனுபவிக்கலாம்.மேலே இருந்து பார்க்கும் போது அரச கோட்டைகளின் நகரமான உதய்பூரின் அநேக கோட்டைகளை கழுகு பார்வையில் பார்க்கலாம். தெரிகிறது.