கோடை வெயிலிலிருந்து தப்பிக்க வேண்டுமா? குடும்பத்துடன் இந்தியாவின் 9 ஹில் ஸ்டேஷன்ஸ் சென்று வாருங்கள்..!

சித்திரை மாதம் ஸ்டார்ட் ஆகி விட்டது. "டூடே வெதர்" என்று கூகுள் செய்து பார்த்தால் 40 டிகிரிக்கு குறையாமல் காட்டுகிறது. "அடிக்கிற வெயிலுக்கு வாட்டர் டேங்க்குள்ள இறங்கி... ஒரு அரை மணிநேரம் உட்காந்துட்டு வரலாம் போல இருக்கு!" என்கிற மைண்ட் செட்ல இருக்குற எல்லோருடைய மனதிலும் ஒரே ஒரு எண்ணம் தான் ஓடிக்கொண்டு இருக்கும், அது - ஏதாச்சும் ஓரு ஹில் ஸ்டேஷனுக்கு போயி.. ஒரு ரெண்டு மூணு நாள் ஜாலியா இருந்துட்டு வரணும்!

அதே எண்ணத்தோடு நீங்களும் இருப்பின், கவலையை விடுங்க, நீங்கள் சரியான இடத்திற்கு தான் வந்து உள்ளீர்கள். கோடை வெயிலில் இருந்து தப்பிக்க உதவும் இந்தியாவின் மிகவும் அழகிய 9 ஹில் ஸ்டேஷன்களின் பட்டியல் இதோ!

ஷில்லாங்:இது உண்மையிலேயே ஒரு சொர்க்கமாகும், குறிப்பாக கோடைக்காலத்தில் பார்வையிட மிகவும் சிறந்த மலைவாசஸ்தலங்களில் ஒன்றாகும். 'கிழக்கின் ஸ்காட்லாந்து' என்று அழைக்கப்படும் ஷில்லாங், ஆரோக்கியமான சூழல், மலைகள், இயற்கை எழில் கொஞ்சும் அழகிற்கு பெயர் போனது. முக்கியமாக, ஷில்லாங்கில் வாழும் துடிப்பான மக்களுடன் கலந்துரையாட மறக்க வேண்டாம்.

குர்சியோங்: டார்ஜிலிங்கை இந்தியாவின் மற்ற பகுதிகளுடன் இணைக்கும் அழகிய குக்கிராமம் - குர்சியோங். இங்கே, உங்கள் வாழ்க்கையின் மிகவும் நம்பமுடியாத ரயில் பயணங்களில் ஒன்றை நீங்கள் அனுபவிக்க முடியும், மேலும் குர்சியோங்கின் இனிமையான வானிலை அதன் அருகிலுள்ள மற்ற இடங்களை ஆராயவும் ஒத்துழைக்கும்.

பஹல்கம்: நீங்கள் இயற்கையின் அழகை அதன் தூய்மையான வடிவத்தில் அனுபவிக்க விரும்பினால், பஹல்கமிற்கு செல்லுங்கள். பஹல்கமின் வினோதமான மற்றும் வசீகரமான ஆற்றங்கரை அமைப்புகளால் நீங்கள் நிச்சயம் ஈர்க்கப்படுவீர்கள். இங்கே நீங்கள் செய்ய வேண்டியது எல்லாம் நிதானமாக உங்கள் வழியில் வருவதை அனுபவிப்பது மட்டுமே.

நைனிடால்: உங்களின் அடுத்த கோடை விடுமுறையில் ஒரு அமைதியான மலைவாசஸ்தலத்தைப் பார்க்க விரும்பினால், நைனிடால் உங்களுக்கான முதன்மை தேர்வாக இருக்க வேண்டும். பசுமையான மற்றும் மலைகளுக்கு மத்தியில் அமைந்துள்ள நைனிடால், தன் அழகு மற்றும் வசீகரத்தால் உங்களை மயக்கும்.

மூணார்: மூணார் - தென்னிந்தியாவின் ரத்தினம்; கோடை வெப்பத்திலிருந்து தப்பிக்க பெரும்பாலான மக்கள் செல்லும் ஒரு இடம். உங்களால் கற்பனை கூட செய்ய முடியாத அழகுடன் சூழப்பட்ட இயற்கை, காபி தோட்டங்கள் மற்றும் பிரம்மாண்டமான பள்ளத்தாக்குகள் உங்களை நிச்சயம் கவர்ந்திழுக்கும்.

அவ்லி: உத்தரகாண்ட் மாநிலத்தில் அமைந்துள்ள அவ்லி ஆண்டு முழுவதும் பயணிகளை ஈர்க்கும் இந்தியாவின் பிரபலமான ஹில் ஸ்டேஷன்களில் ஒன்றாகும், கோடைக்காலத்தில் இங்கு இதமான வானிலை நிலவும்.

லடாக்: இமயமலைகளுக்கு மத்தியில் அமைந்திருக்கும் லடாக், அனைத்து வகையான பயணிகளுக்கும் ஒரு பிரபலமான பயணத் தலமாகும். பல உயரமான மலைப்பாதைகள், திபெத்திய புத்த மடாலயங்கள் மற்றும் பிரமிக்க வைக்கும் காட்சிகள் என நீங்கள் இங்கே காணும் எதையுமே மறக்க மாட்டீர்கள்.

காங்டாக்: காங்டாக் என்றாலே அழகான மலை உச்சியில் உள்ள ஹோட்டல்கள், கொட்டும் நீர்வீழ்ச்சிகள் மற்றும் ஏராளமான அழகிய ஏரிகள் தான். காங்டாக் - உங்களை இயற்கைக்கு மிகவும் நெருக்கமாக அழைத்து செல்லும் ஓரு இடம்.

கசௌலி: வட இந்தியாவில் மிகவும் விரும்பப்படும் மலைவாசஸ்தலங்களில் இதுவும் ஒன்றாகும், வெப்பமான கோடை மாதங்களில் இருந்து தப்பிக்க நீங்கள் ஆர்வமாக இருந்தால், கசௌலி - ஒரு குறுகிய கால விடுமுறைக்கு ஏற்றது!