கூகுள் மேப்பில் இடம்பெறாத 8 ரகசிய இடங்கள் பற்றி தெரியுமா ?

உலகில் எந்த மூலைக்கு செல்ல திட்டமிட்டாலும், யார் துணையும் தேவையின்றி கூகுள் மேப்பை பார்த்து அந்த இடங்களுக்கு துல்லியமாக இப்போது நம்மால் செல்ல முடியும். கண்ணுக்கு எட்டாத ஊருக்கு எப்படி செல்வது? விழித்துக்கொண்டிருந்த காலம் கடந்து கையடக்க செல்போனில் வைத்திருந்தீர்கள் என்றால், இங்கிருந்து கொண்டே ஐரோப்பாவில் இருக்கும் பார்க்குக்கும், ஆஸ்திரேலியாவில் இருக்கும் பீச்சுக்கும் வழி சொல்ல முடியும். ஆனால், அந்த கூகுள் மேப்பில் 8 ரகசிய இடங்கள் இருக்காது என்று சொன்னால் நம்புவீர்களா?. ஆம் உண்மை தான். பாதுகாப்பு மற்றும் பல்வேறு காரணங்களுக்காக பல்வேறு நாட்டில் இருக்கும் அணு உலைகள் உள்ளிட்டவைகளை கூகுள் மேப்பில் பார்க்க முடியாது. அந்த ரகசிய இடங்கள் எவை என்பதை இங்கே பார்க்கலாம்.

1. கட்டெனோம் அணு மின் நிலையம் - பிரான்ஸ் : உலகில் இருக்கும் மிகப்பெரிய அணு உலைகளுள் 9வது அணு உலையாக கட்டெனோம் அணுமின் நிலையம் உள்ளது. பிரான்ஸ் நாட்டில் லக்சம்பர் நகருக்கு அருகில் கிராண்ட் எஸ்டில் பகுதியில் இந்த அணு உலை அமைந்துள்ளது. இந்த அணு உலையை கூகுள் மேப்பில் பார்க்க முடியாதவாறு முழுப் பகுதியும் பிக்சலேட் செய்யப்பட்டுள்ளது. பாதுகாப்பு காரணங்களுக்காக கூகுள் மேப்பில் இந்ந அணுஉலை பகுதி இவ்வாறு செய்யப்பட்டுள்ளது.

2. கோஸ் சர்வதேச விமான நிலையம் - கிரீஸ் : கிரீஸ் நாட்டின் கோஸ் தீவில் அமைந்துள்ளது கோஸ் சர்வதேச விமான நிலையம். சுற்றுலாப் பயணிகளின் புகழிடமாக விளங்கும் இந்த விமான நிலையம் கூகுள் மேப்பில் மிகவும் மங்கலாக தெரியும். கோடைகாலங்களில் சுற்றுலாப் பயணிகளின் வருகையால் இந்த தீவு திருவிழாக்கோலம் பூண்டிருக்கும். பல்வேறு நாடுகளைச் சேர்ந்த சுற்றுலாப் பயணிகளும் மகிழ்ச்சியாக இங்கு பொழுதை கழிப்பார்கள்.

3. அம்சித்கா தீவு - அலாஸ்கா: அலாஸ்காவில் இருக்கும் அம்சித்கா தீவை பாதிக்குமேல் தெளிவாக கூகுள் மேப்பில் பார்க்க முடியாது. 1950 -களின் பிற்பகுதியில் நிலத்தடி அணு சோதனைக்காக அமெரிக்க அணுச்சக்தி ஆணையத்தால் அம்சித்கா தீவு தேர்ந்தெடுக்கப்பட்டது. அங்கு மூன்று முறை நிலத்தடி அணு சோதனைகள் நடத்தப்பட்டதாக கூறப்படுகிறது. தற்போதும் பாதுகாக்கப்பட்ட பகுதியாக இருக்கும் அந்த தீவு, கதிரியக்க பொருட்களின் கசிவுக்காக தொடர்ந்து கண்காணிப்பு வளையத்தில் உள்ளது.

4. ஜீனெட் தீவு - ரஷ்யா : கிழக்கு சைபீரியக் கடலில் ஜீனெட் தீவு அமைந்துள்ளது. இந்தப் பகுதியை பார்க்க கூகுள் மேப்பில் நீங்கள் டைப் செய்தால், அப்படியான ஒரு இடமே உங்களுக்கு காண்பிக்கப்படாது. ரஷ்யாவின் ராணுவத் தளமாக கருத்தப்படுவதால், இப்பகுதி கூகுள் மேப்பில் இருந்து முற்றிலும் மறைத்து வைக்கப்பட்டுள்ளது. யார் ஒருவரும் இந்த இடத்தை பார்க்க இயலாது. அந்தளவுக்கு ரஷ்யாவின் அதிமுக்கியத்துவம் வாய்ந்த இடமாக ஜீனெட் தீவு உள்ளது.

5. மார்கூல் அணு தளம் - பிரான்ஸ் : பிரான்ஸ் நாட்டின் மார்க்கூல் அணு தளத்தை, கூகுள் மேப்பில் தேடினால், அப்பகுதி முழுவதும் பிக்சலேட்டாக தெரியும். பிரான்ஸின் உயர்மட்ட அணு ஆராய்ச்சி மையங்களில் ஒன்றாக மார்க்கூல் அணு ஆராய்ச்சி மையம் உள்ளது. பாதுகாப்பு காரணங்களுக்காக பிரான்ஸ் நாட்டின் வேண்டுகோளுக்கு இணங்க அந்த இடத்தை கூகுள் நிறுவனம் பிக்சலேட் செய்து வைத்துள்ளது.

6. மினாமி டோரிஷிமா விமான நிலையம் - ஜப்பான் : ஜப்பான் நாட்டின் மினாமி டோர்ஷிமா தீவில் அமைந்துள்ள மினாமி டோர்ஷிமா விமான நிலையத்தையும் தெளிவாக கூகுள் மேப்பில் பார்க்க முடியாது. அந்நாட்டின் கடற்படையினர் இந்த விமான நிலையத்தை பயன்படுத்தி வருவதால், அதி முக்கியத்துவம் வாய்ந்த பகுதியாக கருதப்படுகிறது. இதனையொட்டி, அந்த விமான நிலையம் முழுவதுமாக கூகுள் மேப்பில் பார்க்க முடியாது. கூகுள் மேப்பில் மேலோட்டமாக டைப் செய்து பார்த்தால், விமான நிலையம் காண்பிக்கப்படும் என்றாலும், அப்பகுதியின் முக்கிய தகவல்கள் இருக்காது.

7. மொரோவா தீவு - பிரெஞ்சு பாலினீசியா: மொரோவா தீவு, பிரான்ஸில் அமைந்துள்ளது. அப்பகுதியில் 1966 முதல் 1996 ஆம் ஆண்டு வரை அணுச்சக்தி சோதனைகள் நடைபெற்றதால், அப்பகுதி கூகுள் மேப்பில் மங்கலாக மட்டுமே தெரியும். தெளிவாக இருக்காது. அந்த தீவை சுற்றிப் பார்க்க பார்வையாளர்களுக்கு இன்றளவும் அனுமதி இல்லை.

8. ஆரோரல் ஆராய்ச்சி திட்டம் - ககோனா, அலாஸ்கா : அலாஸ்காவில் இருக்கும் ககோனா பகுதியில் உயர் அதிர்வெண் கொண்ட ஆரோரல் ஆராய்ச்சி மையம் உள்ளது. அமெரிக்காவின் விமானப்படை, கடற்படை உதவியுடன் ஆராய்ச்சிகள் மேற்கொள்ளப்பட்டு வரும் நிலையில், கூகுள் மேப்பில் ஆரோரல் ஆராய்ச்சி நடைபெறும் கட்டங்கள் தெளிவாக தெரியாது. வெள்ளை நிறத்தில் ஏதோ ஒன்று இருப்பதுபோல் கூகுள் மேப் காட்டும்.