சாகச விரும்பிகளுக்கு ஏற்ற உலகின் சிறந்த மிதக்கும் பாலங்கள் லிஸ்ட் இதோ!

நீர்நிலையின் நடுவில் மிதக்கும் சாலையில் நீங்கள் வாகனம் ஓட்டினால் எப்படி இருக்கும்? கொஞ்சம் பயமாக இருந்தாலும் உற்சாகமாக இருக்கிறது, இல்லையா? உலகில் உள்ள பல மனிதனால் உருவாக்கப்பட்ட கட்டமைப்புகளில், மிகவும் கவர்ச்சிகரமான சில மிதக்கும் பாலங்களை இதில் பார்ப்போம்.

ஒரு பெரிய நீர்நிலையால் பிரிக்கப்பட்ட நிலப்பரப்புகளுடன் இணைக்க பாலங்கள் கட்டப்பட்டாலும், மிதக்கும் பாலங்கள், போன்டூன்(pontoon) பாலங்கள் என்றும் அழைக்கப்படுகின்றன, அவை போர்க்காலம் மற்றும் அவசரகாலங்களில் தற்காலிக கட்டமைப்புகளாகப் பயன்படுத்தப்பட்டன. பின்னர் அது சாதாரண பயன்பாட்டுக்கு வந்துவிட்டது.

கனவுகளின் நீண்ட பாலம் என்று அழைக்கப்படும் ஷிஜிகுவான் மிதக்கும் பாலம்(shiziguan floating bridge), சீனாவின் தென்மேற்கு ஹூபே(Hubei ) மாகாணத்தில் உள்ள சுவான்(Xuan'en) பகுதியில் அமைந்துள்ளது. இது உலகின் மிகவும் பிரபலமான போண்டூன்(pontoon) பாலங்களில் ஒன்றாகும். பசுமையான மரங்கள் மற்றும் ஒரு நதியால் சூழப்பட்ட ஷிசிகுவானுக்குள் மரத்தாலான பலகை பாலம் மீது பயணிக்கும்போது, நீர் மேற்பரப்பில் நகர்வது போன்ற அற்புதமான அனுபவத்தை மக்களுக்கு வழங்குகிறது.

நார்வேயின் வெஸ்ட்லேண்ட் கவுண்டியில் உள்ள கிளாவனசெட் (Klauvaneset) மற்றும் பிளாட்டே தீவு (island of Flatøy) இடையே சல்ஹுஸ்ஃப்ஜோர்ட (Salhusfjorden) என்ற fjord வகை நீர்நிலை உள்ளது. அதை கடக்க நார்ட்ஹார்ட்லேண்ட்(Nordhordland ) பாலம் அமைக்கப்பட்டுள்ளது. சுமார் 5,295 அடி நீளம் கொண்ட, கேபிள்-இணைக்க பட்ட பாலம் மற்றும் பான்டூன் பாலங்களின் கலவையாகும். பாலத்தின் பாண்டூன் பகுதி நார்வே நாட்டு கடல்சார் தொழில்நுட்பத்தைப் பயன்படுத்தி உருவாக்கப்பட்டது.

மூன்றாவது ஏரி வாஷிங்டன் பாலம்(Third Lake Washington Bridge) என்றும் அழைக்கப்படும் ஹோமர் எம். ஹாட்லி மெமோரியல் பாலம், அமெரிக்காவின் வாஷிங்டனில் உள்ள சியாட்டில்(Seattle) பெருநகரப் பகுதியில் உள்ளது. இது உலகின் ஐந்தாவது நீளமான மிதக்கும் பாலமாகும் மற்றும் 5,811 அடி நீளம் கொண்டது. தற்போதைய பாலம் 1993 இல் கட்டப்பட்டது.

வில்லியம் ஆர். பென்னட் பாலம் பிரிட்டிஷ் கொலம்பியாவின் உட்புறத்தில் உள்ள கெலோனா மற்றும் வெஸ்ட்பேங்க் சமூகங்களை இணைக்கும் ஒகனகன் ஏரியின் குறுக்கே அமைந்துள்ளது. மொத்தம் 1,060 மீட்டர் நீளம் கொண்ட இந்த மிதக்கும் பாலம் காற்றின் வேகத்திற்கு ஏற்ப வளைந்துகொடுக்குமாம்.

கேரளாவில் கடந்த ஆண்டுதான் மாநிலத்தின் முதல் மிதக்கும் பாலம் கட்டப்பட்டது. 100 மீட்டர் நீளமும் 3 மீட்டர் அகலமும் கொண்ட மிதக்கும் பாலத்தில் அலைகளுக்கு மேல் மிதக்க விடப்பட்டுள்ளது. அலைகளுக்கு நடுவே நடக்க விரும்பும் சுற்றுலாப் பயணிகளுக்கு சிறந்த அனுபவமாக இது இருக்கும்.