வேலை.. குடும்பம்.. இரண்டையும் சமாளிக்க மிகவும் சிரமப்படுகிறீர்களா..? உங்களுக்கான டிப்ஸ்..!

இன்றைய நிலையில் வேலை பார்க்கும் அனைவருக்கும் உள்ள மிக முக்கிய பிரச்சனை இதுதான். தங்களுடைய தனிப்பட்ட வாழ்விற்கும் அலுவலகம் மற்றும் வேலை நேரத்திற்கும் இடைப்பட்ட நேரத்தை (work - life balance) சமநிலையில் பராமரிக்க முடியாமல் அதிக அளவு வேலை பளுவினால் கஷ்டப்பட்டு வருகின்றனர். இதனால் மன அழுத்தம் அதிகரிப்பதோடு உடல் ரீதியாகவும் மனரீதியாகவும் பாதிக்கப்படுவதோடு, சுற்றியுள்ளவர்களிடம் உள்ள உறவிலும் பல்வேறு விரிசல்கள் ஏற்படுகின்றன.

இந்த வேலை மற்றும் தனிப்பட்ட வாழ்க்கை சமநிலையை ஒருவர் சரியாக பராமரிக்கவில்லை எனில், இதனால் அவருக்கு பல விதத்திலும் பிரச்சினைகள் உண்டாகக்கூடும். கஷ்டப்பட்டு வேலை பார்ப்பதே சந்தோஷமாக இருப்பதற்கு தானே. கடினமாக வேலை பார்த்தும் தனிப்பட்ட வாழ்வில் சந்தோஷம் இல்லை எனில் எதற்காக வேலை பார்க்க வேண்டும் என்றும் பலர் தங்களது மனதிற்குள்ளேயே குமுறி கொண்டு இருக்கின்றனர். உங்களுக்கு வேலை பளு அதிகமாக இருந்தாலும் கிடைக்கும் சில இடைவேளைகளில் உங்களது மன அழுத்தத்தை குறைக்கும் வகையாக செயல்களை செய்ய வேண்டும்.

வேலை மற்றும் தனிப்பட்ட வாழ்க்கைக்கு இடைப்பட்ட சமநிலையை பராமரிப்பது கடினமான ஒன்றாக இருந்தாலும், அது கண்டிப்பாக செய்ய வேண்டிய ஒன்று. எவ்வாறு தனிப்பட்ட வாழ்வுக்கும், வேலைக்கும் இடைப்பட்ட சமநிலையை பராமரிப்பது என்பதை பற்றி போது பார்ப்போம்.

எல்லைகளை வகுத்துக் கொள்ளுங்கள்: தனிப்பட்ட வாழ்வோ அல்லது வேலையோ இரண்டிற்கும் ஒரு குறிப்பிட்ட எல்லைகளை வகுத்துக் கொள்ளுங்கள். இந்த நேரம் வரை வேலை செய்ய வேண்டும், இந்த நேரம் வரை தனிப்பட்ட வாழ்க்கையிலும் அல்லது குடும்பத்தாருடன் செலவிட வேண்டும் என்பது போன்று கட்டுப்பாடுகளை வகுத்துக் கொள்ள வேண்டும்.

முக்கியத்துவம்: எது முக்கியமானதோ அதற்கு முன்னிலை கொடுக்க வேண்டும். உதாரணத்திற்கு சில நேரங்களில் வேலையை விட குடும்பம் சம்பந்தப்பட்ட பிரச்சனைகள் முக்கியமாக இருக்கலாம். சில நேரங்களில் வேலையில் உடனடியாக தீர்க்க வேண்டிய பிரச்சனைகள் இருக்கலாம். எனவே சமயத்திற்கு ஏற்றது போல் செயல்படுவது நல்லது.

இடைவேளை எடுத்துக் கொள்ளுங்கள்: எப்போதுமே வேலை வேலை என்று இல்லாமல் கிடைக்கும் சில இடைவேளைகளில் மனதை ரிலாக்சாக வைத்துக் கொள்ள பழக்க வழக்கங்களை மேற்கொள்ள வேண்டும். வாக்கிங் செய்வதும், கணினியில் இருந்து விலகி சற்று இயற்கை சூழ்நிலையில் உட்காருவதும் மன அழுத்தத்தை குறைக்கும்.

விடுபடுவது: வேலை நேரங்களில் வேலை முடிந்தவுடன் அது சம்பந்தப்பட்ட அனைத்தையும் நிறுத்தி விட வேண்டாம். உங்கள் கணினியை அனைத்து வைப்பது, அலுவலக மொபைல் சுவிட்ச் ஆப் செய்து வைப்பது போன்றவை முக்கியமானது.

சமநிலை: வேலை நேரத்திற்கும் உங்களது தனிப்பட்ட வாழ்விற்கு முடிய சமநிலையை பராமரிக்க, அவ்வபோது சில மகிழ்ச்சி தரும் விஷயங்களுக்கு நேரம் ஒதுக்க வேண்டும். அது புத்தகம் படிப்பதாக இருக்கலாம், விளையாட்டாக இருக்கலாம், அல்லது குடும்பம் மற்றும் நண்பர்களோடு செலவழிப்பதாக இருக்கலாம்.

தொடர்புகள்: உங்களது முதலாளி மற்றும் உடன் வேலை பார்ப்பவர்களிடம் நல்ல ஒரு உறவு முறையில் இருப்பது அவசியமானது. இதன் காரணமாக உங்களுக்கு வேண்டும் வகையில் வசதியான வேலை பார்க்கும் முறையை தேர்ந்தெடுத்து தனிப்பட்ட வாழ்விற்கும் வேலைக்கும் இடைப்பட்ட சமநிலையை பராமரிக்க முடியும்.

மன அழுத்தத்தை குறைப்பது: வேலையில் அதிக அளவு மன அழுத்தம் ஏற்படும் சமயங்களில் தியானம் செய்வது, யோகாசனம் செய்வது, அல்லது உடற்பயிற்சி செய்வது போன்றவற்றை முயற்சி செய்யலாம்.

உதவியை நாடலாம்: தேவைப்படும் நேரங்களில் நண்பர்களுடனும் அல்லது குடும்பத்தாரிடமும் அல்லது மருத்துவர்களிடமும் கூட உதவி கேட்க கூச்சப்படக்கூடாது.

தனக்கென நேரம் ஒதுக்க வேண்டும்: என்னதான் வேலை வேலை என்று சுழன்றாலும் உங்களுக்கென குறிப்பிட்ட நேரத்தை ஒதுக்கி, உங்களை ரிலாக்ஸாக வைத்துக் கொள்ள வேண்டும். அது எந்தவிதமான ஒரு செயலாகவும் இருக்கலாம். ஆனால் உங்களுக்கென்று ஒரு குறிப்பிட்ட நேரம் ஒதுக்க வேண்டும்.

தனிப்பட்ட நேரத்தில் சரியாக செயல்படுவது: உங்களுக்கு என நேரம் ஒதுக்கிய பின், அதனை முழுவதுமாக உங்களுக்காக பயன்படுத்திக் கொள்ள வேண்டும். அந்த நேரத்தில் வேறு ஏதேனும் முக்கிய வேலைகள் வந்தாலும் அவற்றை முடிந்த அளவு தவிர்த்து உங்களது நலனில் அக்கறை காட்ட வேண்டும்.