2023 காற்று மாசு தரவரிசை பட்டியலில் இடம் பிடித்துள்ள டாப் 10 நகரங்கள் இதுதான்!

நகரமயமாதல், உலகமயமாதல் என்ற பெயரில் உலகம் அதிக அளவில் சுற்றுசூழலை மாசுபடுத்தி வருகிறது. அப்படி காற்றில் விடப்பட்ட மாசுக்கள் வளிமண்டலத்தில் கலந்து மீண்டும் நம் சுவாச உறுப்புகளைத் தான் பதம் பார்க்கும். அப்படி அதிக காற்று மாசுபாடு கொண்ட இடங்களின் பட்டியல் இதோ..

காற்றின் தரக் குறியீடு (AQI) பட்டியலில் பாகிஸ்தானில் உள்ள லாகூர், 180, என்ற தரத்தை பெற்று உலகின் மிக அதிக காற்று மாசு கொண்ட இடமாக மாறியுள்ளது மற்றும் இந்த நகரத்தில் இரண்டரை மைக்ரான் அல்லது அதற்கும் குறைவான அகலத்தைக் கொண்ட PM 2.5 துகள்கள் தான் காற்று மாசின் முக்கிய காரணிகளாக இருக்கின்றன.

நிகழ்நேர காற்றின் தர கண்காணிப்புபடி, இத்தனை வருடங்களாக இந்தியாவின் மாசடைந்த நகரமாக இருந்த டெல்லியை முந்திக்கொண்டு மும்பை இந்தியாவில் மிகவும் மாசுபட்ட நகரமாகவும், உலகளவில் இரண்டாவது மாசுபட்ட நகரமாகவும் உருவெடுத்துள்ளது. இந்த நகரத்தின் காற்று மாசின் தரம் 173 ஆக உள்ளது.

மூன்றாவது இடத்தை பிடித்திருப்பது ஆப்கானிஸ்தானில் உள்ள காபூல் நகரம். காபூலில் PM 2.5 அளவு WHO வருடாந்திர காற்றின் தர வழிகாட்டி மதிப்பை விட ஐந்து மடங்கு அதிகமாக உள்ளது.

நான்காவது இடத்தில இருப்பது தைவான் நாட்டில் உள்ள காவ்சியங் நகரம். காவ்சியங் நகரத்தில் உள்ள காற்றில் PM 2.5 பதிவு தற்போது WHO வருடாந்திர காற்றின் தர வழிகாட்டி மதிப்பை விட 5.4 மடங்கு அதிகமாக உள்ளது என்று பட்டியல் குறிப்பிட்டுள்ளது. இங்குள்ள தொழிற்சாலைகளில் இருந்து தான் அதிகப்படியான மாசு வெளியேறுகிறது.

ஐந்தாம் இடத்தில WHO காற்றின் தர வரம்பை விட 3.2 மடங்கு அதிகமான காற்று மாசை சுமந்துகொண்டு இருக்கும் கிர்கிஸ்தான் நாட்டின் பிஷ்கேக் நகரம் அமைந்துள்ளது. இந்த நகரத்தின் காற்று மாசில் பெரும் பங்கு வகிப்பது PM 2.5துகள்கள் தான்.

தென்னாப்பிரிக்கா நாடுகள் எல்லாம் மற்ற உலக நாடுகளுக்கு இடையாக தங்களை எப்படியாவது உயர்த்த வேண்டும் என்ற போராட்டத்தில் இயங்கி வருகிறது. அந்த வகையில் கானா நாட்டில் உள்ள அக்ரா அதிகப்படியான தொழிற்சாலைகளின் தயக்கமாக விளங்குகிறது. WHO காற்றின் தர வரம்பை விட 5.2 மடங்கு அதிக PM செறிவை பெற்று விளங்குகிறது.

போலந்து நாட்டில் அமைந்துள்ள க்ராகோவ் நகரம் நீண்ட காலமாக மோசமான காற்றின் தரத்துடன் போராடி வருகிறது. இம்முறை, உலகளாவிய காற்று மாசு தரவரிசையில் 7வது இடத்தைப் பிடித்துள்ளது.

கத்தாரின் தோஹா இல்லாமல் டாப் 10 வணிக நகரங்களின் பட்டியலே கிடையாது என்று அளவுக்கு புகழை தன்பால் வைத்திருக்கும் இதே நகரம் தான் அதிகப்படியான காற்று மாசுவையும் கொண்டுள்ளது.தோஹாவில் காற்று மாசுபடுவதற்கு வாகனங்கள் மற்றும் புழுதிப் புயல்களில் இருந்து வெளியேறும் மாசுகளே முக்கியக் காரணமாக உள்ளது.

WHO வருடாந்திர காற்றின் தர வழிகாட்டி மதிப்பை விட ஏழு மடங்கு அதிகமாக உள்ள கஜகஸ்தானின் அஸ்தானா, காற்று மாசுபாட்டின் முக்கிய ஆதாரங்கள் அனல் மின் நிலையங்கள், மோட்டார் வாகன உமிழ்வுகள், கொதிகலன்கள், கட்டுமான தளங்களாக உள்ளது.