சமூகத்தில் அனைவராலும் மதிக்கப்படும் ஆணுக்கு இந்த குணங்கள் எல்லாம் இருக்குமாம்..!

சமூகத்தின் பார்வையில் ஒரு சில குணங்கள் மற்றும் தன்மைகள் இருப்பது தான் மரியாதையை பெற்று தருகிறது. பல இடங்களில், சூழலில் பாலியல் பாகுபாடு பார்ப்பதில்லை. இருப்பினும், ஒரு சில தருணங்களில், சமூகத்தில் சில குறிப்பிட்ட அறிகுறிகளின் அடிப்படையில் தான் ஒரு ஆண் அனைவராலும் மதிக்கப்படுகிறார். ஒரு ஆணிடம் பின்வரும் குணங்கள், அறிகுறிகள் மற்றும் பண்புகள் இருந்தால், அவர் சமூகத்தில் அனைவராலும் மதிக்கப்படுவார்.

மற்றவர்களின் உணர்ச்சிகளை புரிந்து கொள்ளும் திறன் (எமோஷனல் இன்டலிஜன்ஸ்) : இமோஷனல் இண்டெலிஜன்ஸ் என்று கூறப்படும் இந்த தன்மைக்கு அடுத்தவரை காயப்படுத்தாத அளவுக்கு நடந்து கொள்ளும் புரிதல் தேவைப்படுகிறது. மற்றவர்களின் உணர்வுகளை மற்றும் உணர்ச்சிகளை புரிந்து கொண்டு அதற்கு ஏற்றார் போல சென்சிட்டிவாக நடந்து கொள்ளும் ஆணை, அனைவரும் விரும்புவார்கள் மற்றும் மதிப்பார்கள்.

வாழ்க்கையின் நோக்கம் மற்றும் குறிக்கோள் : வாழ்க்கையில் இலக்கு, நோக்கம், குறிக்கோள் என்று எதுவுமே இல்லாமல் சுற்றித்திரியும் ஆணை யாருமே மதிக்க மாட்டார்கள். எதையாவது ஒன்றை அடைய வேண்டும், ஏதாவது ஒன்றை செய்ய வேண்டும் என்று ஒரு நோக்கத்தோடு செயல்படும் ஆண்களை சமூகம் மதிக்கும்.

சுய மரியாதை அவசியம் : சமூகத்தில் அதிகமாக மதிக்கப்படும் ஆண்கள் அதிக அளவில் சுயமரியாதையை கொண்டிருக்கிறார்கள். யாரும், எதுவும் அவர்களை காயப்படுத்தவோ அவமானப்படுத்தவோ முடியாது.

சொல்வதும், செய்வதும் உறுதியாக இருக்கும் : நான் இதை செய்வேன், அதை செய்வேன் என்று பேச்சில் மட்டும் துணிச்சலாகக் காட்டிக் கொள்ளாமல், சொல்வதையும், செய்வதிலும் உறுதியாக இருப்பவர்கள் சமூகத்தில் அதிகம் மதிக்கப்படுகிறார்கள்.

ஆளுமை மற்றும் அதிகாரம் : ஒரு ஆணுக்கு தான் எந்த இடத்தில் தன்னுடைய ஆளுமையை மற்றும் அதிகாரத்தை செலுத்த வேண்டும் என்பது சரியாக தெரிந்திருக்க வேண்டும். அவ்வாறு இருப்பவர்கள் சக்திவாய்ந்த நபர்களாக கருதப்படுகிறார்கள். இத்தகைய ஆண்கள் சமூகத்தில் மிகப்பெரிய மதிப்பும் மரியாதையும் கொண்டிருக்கிறார்கள்.

நேர்மையான ஆண்கள் : மரியாதைக்குரிய நபராக இருக்க வேண்டும் என்றால் நிச்சயமாக நேர்மை அவசியம். மாறி மாறி பேசுவது, பொய் சொல்வது, நடந்ததை மறைப்பது, தவறுகளை ஏற்றுக்கொள்ளாமல் இருப்பது ஆகியவை மரியாதைக்குரிய செயல்கள் அல்ல.

வாழ்வில் வளர்ச்சி : வாழ்க்கை எல்லாருக்கும் சவாலாகத் தான் இருக்கும். ஆனால், அதை கடந்து, இயன்ற வரை முயற்சி செய்து, தவறுகளில் இருந்து பாடம் கற்றுக் கொள்பவர்கள் தான் வளர்ச்சி அடைவார்கள். ஒவ்வொரு காலகட்டத்திலும் வளர்ச்சி அடையும் ஆண்கள் சமூகத்தில் நல்ல மரியாதையை பெறுவார்கள்.

தன்னை கவனித்துக் கொள்ளும் ஆண்கள் : உடல் ஆரோக்கியம், உணவு, தோற்றம், மற்றும் மன நலம் என்று தன்னுடைய நலத்தை கவனித்துக் கொண்டு, உடல் ரீதியாக மற்றும் மன ரீதியாக ஆரோக்கியமாக இருக்கும் ஆண்கள் பெரிதும் விரும்பப்படுகிறார்கள்.