50 வயதிலும் சுறுசுறுப்பாக இருக்கும் கிரிக்கெட் நாயகன் சச்சின் டெண்டுல்கர் பின்பற்றும் லைஃப்ஸ்டைல் இதுதான்..!

கிரிக்கெட்டின் கடவுள் என்று போற்றி புகழப்படும் சச்சின் டெண்டுல்கர் சமீபத்தில் தனது 50-ஆவது பிறந்த நாளை கொண்டாடினார். பல முன்னாள் மற்றும் இந்நாள் கிரிக்கெட் ஜாம்பவான்கள், ரசிகர்கள், பிரபலங்கள் என பலரும் கிரிக்கெட் கடவுளான சச்சினுக்கு பிறந்த நாள் வாழ்த்துக்களை உற்சாகமாக தெரிவித்தனர்.

மாஸ்டர் பிளாஸ்ட்டரான சச்சின் டெண்டுல்கர் 50 வயதை எட்டி விட்டாலும் இளமையில் எப்படி இருந்தாரோ இன்னும் அதே போலவே தனது ஃபிட்னஸை மெயின்டெயின் செய்து வருவது அவரது ரசிகர்களை மட்டுமல்ல பல தரப்பினரையும் ஆச்சர்யத்தில் ஆழ்த்தி வருகிறது. கிரிக்கெட் மைதானத்தில் தனது அற்புதமான ஆட்டத்தை தவிர, சச்சின் 11 வயது சிறுவனாக இருந்த போதிலிருந்தே கிரிக்கெட் மீதான தனது அர்ப்பணிப்பபை அபாரமாக வெளிப்படுத்தினார். முழு அர்ப்பணிப்பு மற்றும் கடுமையான உழைப்பின் மூலம் கிரிக்கெட் விளையாட்டில் உச்சத்தை தொட்ட சச்சின், விளையாடி கொண்டிருக்கும் போதே பேட்டிங்கில் மட்டுமல்ல தனது ஃபிட்னஸையும் சிறப்பாக வைத்திருந்தார். கிரிக்கெட் ஜாம்பவானான சச்சின் கிரிக்கெட்டில் இருந்து ஓய்வு பெற்று சுமார் 10 ஆண்டுகள் ஆகிவிட்டன.

ஆனால் 50 வயதிலும் கூட தான் ஒரு சிறந்த ஸ்போட்ர்ஸ் மேன் என்பதை நிரூபிக்கும் வகையில் தனது உடற்தகுதியை தற்போதும் சிறப்பாக பராமரித்து இளைஞர்களுக்கு உத்வேகமாக தொடர்ந்து இருந்து வருகிறார். இங்கே நம்மை உத்வேகப்படுத்தும் சச்சினின் முக்கிய ஃபிட்னஸ் ரகசியங்கள் பற்றி பார்க்கலாம்...

ரெகுலர் ஒர்கவுட்ஸ் : தினசரி ஒர்கவுட்ஸ் செய்வது என்பது 50 வயதானாலும் கூட சச்சின் இன்னும் கடைபிடித்து வரும் ஒரு முக்கிய பழக்கம் ஆகும். சச்சின் தொடர்ந்து ஸ்ட்ரெச்சிங், வெயிட் ட்ரெயினிங், ஏதேனும் ஒரு ஸ்போர்ட்ஸ் மற்றும் / அல்லது யோகா செய்வதை வழக்கமான அடைப்படையில் பின்பற்றுகிறார்.

சச்சினின் ஜிம் ரொட்டீன் : சச்சினின் ஜிம் எக்ஸர்சைஸ் ரொட்டீனில் டம்ப்பெல் ஸ்குவாட்ஸ், கேபிள் ரோப் புல்ஓவர், லெக் பிரஸ், சைட் லெக் ரெய்ஸ் மற்றும் கோப்ரா போஸ் உள்ளிட்ட ஒர்கவுட்ஸ்கள் அடங்கும்.

ஆரோக்கியமான மற்றும் எளிமையான டயட் : சச்சின் தனது டயட்டில் வழக்கமாக பாயில்ட் மற்றும் ஸ்டீம்ட் உணவுகளை அதிகம் சேர்த்து கொள்வார். முடிந்தவரை எண்ணெய் உணவுகளை தவிர்க்க முயற்சிப்பார். இது இவரது ஃபிட்னஸிற்கு உறுதுணையாக இருக்கிறது.

ஃபிட்னஸ் மந்திரங்கள் : தொடர்ந்து ஒர்கவுட்களில் ஈடுபடுவதை தவிர, சச்சினிடம் சில ஃபிட்னஸ் மந்திரங்களும் உள்ளன, இவை மற்றவர்களிடமிருந்து சச்சினை வேறுபடுத்துகின்றன. இவரது முக்கிய ஃபிட்னஸ் மந்திரங்களில் ஒன்று "டைனிங் டேபிளில் குறைவான நேரம் செலவிடுங்கள், ஜிம்மில் அதிக நேரம் செலவிடுங்கள்".

ஒழுக்கம் : சச்சின் இப்போதும் கூட தனது ஆற்றலை சரியான திசையில் செலுத்துவதை உறுதி செய்து கொள்கிறார்.

சிறந்து விளங்க... வயதாகி விட்டது என்பதற்காக சச்சின் தன்னுடைய இளவயது ஃபிட்னஸ் ரொட்டீன்கள் எதையுமே நிறுத்தவில்லை மற்றும் முற்றிலும் தவிர்க்கவில்லை. மாறாக தொடர்ந்து சிறந்து விளங்க தனக்கு தானே தொடர்ந்து உத்வேகம் கொடுத்து கொள்கிறார்.

தேவைப்படும் போது பிரேக்ஸ் : சச்சின் தனது எனர்ஜி லெவலை மீட்டெடுக்கவும், மேலும் புத்துணர்ச்சியுடன் தனது வழக்கமான ஒர்கவுட்ஸ்களுக்கு திரும்பவும் தேவைப்படும் போது ஓய்வு எடுத்து கொள்வதை உறுதி செய்கிறார். இதன் மூலம் உடலையும், மனதையும் ரிலாக்ஸ் செய்து கொள்கிறார்.