உங்களை உறவு என்ற பெயரில் abuse செய்கிறார்களா..? இந்த அறிகுறிகளை கவனியுங்கள்...

உறவுகளில் பிரச்சனை வருவது சகஜம் தான். ஆனால், சின்ன சின்ன விஷயங்களுகுக் கூட, உங்கள் கணவன் அல்லது மனைவியுடன் அடிக்கடி சண்டைகளும், முரண்பாடுகளும் ஏற்பட்டால், நீங்கள் மனவருத்தம் படும்படி பல்வேறு நிகழ்வுகள் காணப்பட்டால், உங்கள் உறவு ஆரோக்கியமானதல்ல என்பதை புரிந்து கொள்ள வேண்டும். பின்வரும் நிகழ்வுகள், உறவில் நீங்கள் எவ்வாறெல்லாம் abuse செய்யப்படுகிறீர்கள் என்பதைக் காட்டுகிறது.

தகாத வார்த்தைகளில் திட்டுவது : சண்டைகள், வாக்குவாதங்கள் என்று வரும் பொழுது கணவனோ அல்லது மனைவியோ ஒருவருக்கொருவர் திட்டிக்கொள்வது சாதாரணமானதுதான். ஆனால் பெரிதாக காரணம் இல்லாமல், மோசமான, தகாத வார்த்தைகளை சொல்லி சொல்லி உங்களை திட்டுவது, எப்போதுமே முறைகேடான வார்த்தைகளை பயன்படுத்தி உங்களை திட்டுவது என்றால், நீங்கள் மோசமான உறவில் இருக்கிறீர்கள் என்று அர்த்தம்!

மனக் கட்டுப்பாடு இல்லை : ஒவ்வொருவருக்கும் ஒவ்வொரு விஷயத்திற்கு கோபமும் ஆத்திரமும் வரும். ஆனால் கோபத்தை கட்டுப்படுத்திக் கொள்ள வேண்டும் சரியான நேரத்தில் மட்டுமே வெளிப்படுத்த வேண்டும். அவ்வாறு இல்லாமல் எல்லாவற்றுக்குமே தீவிரமான எரிச்சலான மனநிலையில் உங்கள் கணவரோ மனைவியோ இருந்து அதை உங்கள் மீது வெளிப்படுத்துவது உறவை துஷ்பிரயோகம் செய்வதாகும்.

எப்படி நடந்து கொள்வார் என்று கணிக்க முடியாது : எப்போது எப்படி நடந்து கொள்வார் என்று கணிக்க முடியாத அளவுக்கு உங்கள் பாட்னாரின் மனநிலை இருக்கும் கோபப்படுவார் என்ற விஷயத்திற்கு சாதாரணமாகவும் சின்ன விஷயத்திற்கெல்லாம் பயங்கரமாக கோபப்பட்டு கத்துவதும் அடிக்கடி நடக்கும்.

கொடூரமாக நடந்து கொள்வது : மனதில் இருக்கும் வக்கிரத்தை அல்லது எதிர்மறையான மனநிலையை பூச்சிகள், விலங்குகள் பறவைகள் ஆகியவற்றை துன்புறுத்துவதன் மூலம் வெளிக்காட்டுவார். இவ்வாறு கொடூரமாக நடந்து கொள்வது என்பது நிதியை கையாள முடியாத இயலாமையை வெளிப்படுத்துவதாகும்.

உங்களை அச்சுறுத்துவது  : பிரிந்து சென்று விடுவேன், சாப்பிட மாட்டேன், என்று சொல்வது, பேசாமலே இருப்பது, தனிமை படுத்திக் கொள்வது, என்று ஏதேனும் ஒரு விஷயம் மூலம் உங்களை எப்பொழுதுமே ஒரு பயத்தோடு தான் வைத்திருப்பார்.

உங்களை தன்னுடைய கட்டுப்பாட்டில் வைத்திருப்பது : கணவன் மனைவி உறவில் பரஸ்பர நம்பிக்கை, புரிந்து கொள்ளுதல், விட்டுக் கொடுத்தல் ஆகியவை அவசியம். கணவர் சொல்வதை மனைவி கேட்பதும், மனைவி சொல்லும் சில விஷயங்களை கணவர் கேட்பதும் இயல்புதான். ஆனால் தான் சொல்லும் எல்லா விஷயங்களையுமே கேட்க வேண்டும், தான் சொல்வதை மட்டும் தான் நீங்கள் செய்ய வேண்டும் என்று முழுக்க முழுக்க உங்கள் தன்னுடைய கட்டுப்பாட்டில் வைத்திருப்பது தவறானது.

பணம் விஷயத்தில் சுதந்திரம் இல்லை : அடிப்படை தேவைகள் மற்றும் செலவுகளுக்குக் கூட, அனுமதி கேட்காமல் செலவு செய்ய முடியாது அல்லது ஒவ்வொன்றுக்கும் பணம் கேட்டு வாங்கி செலவு செய்யும் நிலை.

நான் பாதிக்கப்பட்டிருக்கிறேன் என்று தன்னை அப்பாவியாக முன்னிலைப்படுத்துவது : உங்கள் இருவருக்குள் வாக்குவாதங்கள் அல்லது முரண்பாடுகள் ஏற்படும் பொழுது, நீங்கள் மற்றவர் மீது தவறு இருப்பதை சுட்டிக் காட்ட முயற்சிக்கும் போது, தன்னை அப்பாவியாக காட்டிக் கொள்ள முயற்சி செய்வார். நீங்கள் எது சொன்னாலும் அது உங்கள் கணவரை அல்லது மனைவியை பாதிக்கிறது. அதுதான் அவருக்கு தான் பிரச்சனையாக முடிகிறது என்று உங்களை குழப்புவார்.

பொது இடத்தில் அசிங்கப்படுத்துவது : பொது இடத்தில் மற்றவர் முன்னிலையில் உங்களை மட்டம் தட்டுவதற்கு அசிங்க படுத்துவதற்கு காத்திருப்பார், எப்பொழுதெல்லாம் அந்த வாய்ப்பு கிடைக்கிறதோ அதையெல்லாம் தவறாமல் பயன்படுத்திக் கொள்வார்.