Valentine Week List 2023 - Rose Day | நீங்கள் இந்த நிறத்தில் ரோஸ் கொடுத்தாலே மனதில் இருப்பதை சொல்லிடலாம்..!

ரோஸ் தினத்தன்று காதலிக்காக ஒற்றை சிவப்பு ரோஜா மட்டும் தந்தால் போதுமா? உங்கள் வாழ்கையை அர்த்தமுள்ளதாக்கிய காதலிக்கு இந்த நிறங்களில் ரோஜாக்களை தந்து காதலை சொல்லிப்பாருங்கள். காதலி உங்கள் வசம்.

ரெட் ரோஸ் : உலகம் முழுவதும் காதலின் அடையாளம் என்றால் அது சிவப்பு ரோஜாதான்! இது நான் உன்னைக் காதலிக்கிறேன் என்பதை மட்டும் உணர்த்துவது அல்ல. காதலின் ஆழத்தை உணர்த்தக் கூடியது. எந்த அளவிற்கு அந்தக் காதலில் நீங்கள் உண்மையாக இருக்கிறீர்கள் என்பதை உணர்த்தும். அதிலும் இளஞ்சிவப்பு ரோஜா ரொமான்ஸை உணர்த்துவதாகவும் அடர் சிவப்பு இன்னும் என் காதலை முழுமையாக வெளிபடுத்தவில்லை என்றும் உணர்த்துகிறது.

பிங்க் ரோஸ் : மகிழ்ச்சி, நன்றி, மரியாதை போன்றவற்றை வெளிப்படுத்தும் ஓர் அடையாளம் தான் பிங்க் ரோஸ். உங்கள் காதலி உங்கள் மகிழ்ச்சிக்கும் காரணமானவராக இருக்கிறார், வாழ்வின் அர்த்தமான அன்பைக் கொடுக்கிறார் என்றால் கட்டாயம் பிங் ரோஜாவையும் இணைத்து வழங்குங்கள்.

ஒயிட் ரோஸ் : வெள்ளை எப்போதுமே தூய்மை, உண்மை நேர்மையை வெளிப்படுத்தக் கூடியது. உங்கள் காதல் உண்மையாது, நேர்மையாது, தூய்மையானது என்றால் கட்டாயம் வெள்ளை ரோஜாவை வாங்க மறந்துவிடாதீர்கள். வெள்ளை ரோஜாவால் உங்கள் தூய காதலை அர்த்தப்படுத்துங்கள்.

மஞ்சள் ரோஸ் : மஞ்சள் நேர்மையான நட்பை வெளிப்படுத்தக் கூடியது. ஆதலால் உங்கள் காதலி சிறந்த தோழியாகவும் தோல் கொடுக்கிறார் என்றால் மஞ்சள் ரோஜவை இணைத்துக் கொடுங்கள். அதேபோல் காதலர் தினத்தன்று அதிகமாக அன்பு வைத்திருக்கும் நண்பருக்கும், தோழிக்கும் கூட ரோஜா கொடுக்கலாம் எனவே அவர்களுக்கு இந்த அழகிய மஞ்சள் ரோஜா கொத்தை பரிசளியுங்கள்.

ஆரஞ்சு ரோஸ் : ஆரஞ்சு நிற ரோஜா உற்சாகம் மற்றும் அன்பை வெளிபடுத்தக் கூடியது. ஒருவேலை சிவப்பு ரோஜா இல்லை என்றால் ஆரஞ்சு நிற ரோஜாவை கொடுக்கலாம். இது ரொமான்ஸையும் வெளிபடுத்தும். நீங்கள் ரொமாண்டிக் ஜோடி என்றால் ஆரஞ்சு நிற ரோஜாவைக் கொடுக்கலாம்.

மேலே குறிப்பிட்ட மொத்த ரோஜாக்களின் கலவை கொண்ட ரோஜா பூங்கொத்தை வழங்குங்கள். பின் ஒவ்வொரு ரோஜாவாக எடுத்து ஒவ்வொரு அர்த்தத்தையும் சொல்லுங்கள். என் வாழ்கையில் நீ எந்த அளவு நிறைந்திருக்கிறாய் என்பதை வெளிபடுத்தி காதலைச் சொல்லுங்கள்.