டேட்டிங் ஆப்ஸில் உங்களுக்கான பார்ட்னரை தேர்வு செய்வதில் சிரமமா..? இதை தெரிஞ்சுக்கோங்க..!

தற்போது தனக்கான ஜோடிகளை தேட அதிகம் பயன்படுத்தப்படும் செயலிகளில் முக்கிய இடத்தில் உள்ளது டிண்டர் செயலியாகும். அதில் வழக்கமான நாட்களை விட ஞாயிற்றுக்கிழமைகளில் அதிகம் பேர் இந்த செயலியை பயன்படுத்துவதாக தெரிய வந்துள்ளது. அதாவது சாதாரணமான நாட்களை விட பத்து சதவீதம் அதிகமாக இதை பயன்படுத்துவதாக தெரியவந்துள்ளது. மேலும் 35 சதவீத அதிக ஸ்வைப் ஆக்டிவிட்டி இருப்பதும், 30 சதவீதத்திற்கும் மேற்பட்ட பொருத்தங்கள் நடைபெறுவதும் தெரிய வந்துள்ளது. கடந்த 2022 ஆம் ஆண்டு ஜனவரி மாதம் டேட்டிங் சண்டேவில் கிட்டத்தட்ட ஒரு நொடிக்கு 12 பேர் தங்களது பயோகிராபி அப்டேட் செய்துள்ளதாகவும் 25 போட்டோக்களை அப்லோட் செய்துள்ளதாகவும் கூறுகின்றனர்.

சமீபத்தில் இந்த செயலி புதிய வசதிகளை சேர்த்துள்ளது. அது தங்களுடைய ரிலேஷன்ஷிப் கோல்ஸ் பற்றிய விவரங்களையும் நம்மால் அப்டேட் செய்து கொள்ள முடியும். அவர்கள் வெறும் நட்புக்காக இந்த செயலியை பயன்படுத்துகிறார்கள் அல்லது வாழ்க்கைத் துணையை தேடி செயலியை பயன்படுத்துகிறார்களா என்பது போன்ற விவரங்களை நீங்கள் இதில் சேர்த்துக் கொள்ள முடியும். மேலும் டிண்டர் செயலியின் வழியாக தங்களுக்கான வாழ்க்கை துணையை தேடும் சிங்கிளாக இருப்பவர்களுக்கு சில முக்கிய குறிப்புகளையும் கொடுத்துள்ளனர்.

ரிலேஷன் கோலை செட் செய்ய வேண்டும் : நீங்கள் எந்த விதமான உறவுக்காக செயலியை பயன்படுத்தி வருகிறீர்கள் என்பதற்கான விவரத்தை செட் செய்வதன் மூலம் அதற்கேற்ற ஒத்த கருத்துடைய நபர்களை உங்களால் தேர்வு செய்ய முடியும்.

சரியான பயோகிராபி சேர்க்க வேண்டும் : உங்களது பயோகிராபி வைத்து தான் உங்களை பற்றிய விவரங்களை மற்றவர்கள் தெரிந்து கொள்வார்கள். மிகவும் பிற்போக்குத்தனமான அல்லது விளையாட்டு தனமான உங்களது பயோகிராபி அப்டேட் செய்யாமல் அனைவருக்கும் புரியும் வகையில் பொறுப்பாக அப்டேட் செய்வது அவசியம்.

என்ன விதமான தேடல் : நீங்கள் என்ன விதமான துணையைத் தேடுகிறீர்கள் என்பதற்கான விவரங்களை சரியாக அப்டேட் செய்வது அவசியம். இதன் மூலம் உங்களுக்கு பொருத்தம் இல்லாத தேவையற்ற நபர்களுடன் தொடர்பு கொண்டு நேரத்தை வீணடிப்பது தடுக்கப்படும்.

சரியாக தேர்வு செய்தல் : உங்களுக்கு ஏற்றபடி பொருத்தங்களை தேர்வு செய்ததற்கு முதலில் உங்களுடைய அடிப்படை விவரங்களையும் கல்வி, வேலை போன்ற விவரங்களையும் சரியாக அப்டேட் செய்வது அவசியம். இதன் மூலமே உங்களுக்கு பொருத்தமற்ற பல்வேறு ப்ரொபைல்கள் வடிகட்டப்பட்டு உங்களுக்கு ஏற்ற சில ப்ரொபைல்கள் மட்டும் உங்களுக்கு காண்பிக்கப்படும்.

இருப்பிடம் : உங்களுக்கான லொகேஷன் சரியாக தேர்வு செய்ய வேண்டியது அவசியம். இதன் மூலம் நீங்கள் விரும்பும் தொலைவில் உங்களுக்கு அருகே உள்ள பொருத்தங்களை உங்களால் தேர்வு செய்ய முடியும்.

நான்கு என்னும் மந்திர எண் : இவை அனைத்தையும் விட உங்களுடைய புகைப்படத்தை வைத்து தான் பலரும் உங்களது ப்ரொபைலை பார்வையிடுவார்கள். எனவே சரியான போட்டோக்களை சரியான லைனப்பில் அப்டேட் செய்ய வேண்டியது அவசியம். உங்களுடைய முதல் புகைப்படம் மிகத் தெளிவானதாக உங்கள் முகத்தை பிரகாசமாக காண்பிப்பதாக இருக்க வேண்டும். அதன் பிறகு அடுத்தடுத்த புகைப்படங்களை விதவிதமான கோணத்தில் சரியாக தெளிவாக அழகாக இருக்கும் படி அப்டேட் செய்ய வேண்டும்.

உங்களது ஆர்வங்கள்: உங்களுக்கு பிடித்த விஷயங்கள் ஆரமுடைய விஷயங்களை அப்டேட் செய்வதன் மூலம் ஒத்த கருத்துடைய பல்வேறு பொருத்தங்களை உங்களால் பார்க்க முடியும். அவர்களோடு மேட்ச் செய்வதும் எளிதாக இருக்கும்.

சரி பார்க்கப்படாத ப்ரொபைல்களை தவிர்க்கவும் : உங்களது ப்ரோபைலை ஏனோ தானோ என்று வைத்திருக்காமல் உங்களது அனைத்து விவரங்களையும் சரியாக கொடுத்து வெரிஃபைடு அக்கவுண்டாக மாற்றிக் கொள்வதன் மூலம் அதிக பொருத்தங்களை உங்களால் பார்க்க முடியும்.

இசை ஆர்வம் : இசை என்பது அனைவருக்கும் பொதுவான ஒன்று அதில் உங்களுக்கு ஏற்ற இசையை விரும்புபவரை தேர்வு செய்வது மிகவும் அற்புதமான விஷயமாக இருக்கும். எனவே உங்களுக்கு என்ன விதமான இசை பிடிக்கும் என்பதை பற்றி விவரங்களை அப்டேட் செய்து அதற்கேற்ற பொருத்தங்களை உங்களால் ஏற்க முடியும்.

தொடர்பு கொள்ளும் திறன் : இவை அனைத்தையும் தாண்டி பொருத்தம் உங்களுக்கு சரியாக இருந்ததெனில் அவர்களை தொடர்பு கொள்ளும் விதத்தில் நம் அடுத்த கட்ட நகர்வுகள் அமையும். எனவே முதலில் மெசேஜ் அனுப்புவதற்கும் அல்லது அவர்களுடன் நான் பேச்சுக்களை வளர்ப்பதற்கு பயப்படாமல் சரியான விதத்தில் தொடர்பு கொள்வதன் மூலம் உங்களுக்கான துணையை நீங்கள் தேர்ந்தெடுக்கலாம்.