உங்க காதலரை பார்க்க போறீங்களா..? இதை ஒரு முறை படிச்சிட்டு போங்க..

காதலர் தினம் கொண்டாடுவது என்பது ஒவ்வொரு ஆண்டும் கொண்டாடப்படும் பண்டிகைகளில் ஒன்று போல மாறிவிட்டது. கட்டாயமாக ஏதாவது புதிதாக செய்தே ஆக வேண்டும் என்ற சூழல் இருப்பது ஒரு சிலருக்கு படபடப்பை ஏற்படுத்தலாம். சிலருக்கு இதெல்லாம் கை வந்த கலை போல நாளை ஸ்பெஷலாக மாற்றிவிடுவார்கள். ஆனால், பலருக்கும் குறிப்பாக புதிதாக காதலிப்பவர்கள், திருமணமானவர்களுக்கு கொஞ்சம் பதற்றமாக இருக்கும். அதை போன்றவர்களுக்காக, காதலர் தினத்தை எவ்வளவு ஸ்பெஷலாக, நேர்த்தியாக கொண்டாடலாம் என்பதற்கான டிப்ஸ்.

உங்கள் பார்ட்னருடன் டிஸ்கஸ் செய்யுங்கள். உங்களுக்கு மட்டுமல்லாமல், உங்கள் பார்ட்னரின் விருப்பம் அறிந்து, அதை இருவரும் பின்பற்றலாம். சிலர் காதலர் தின கொண்டாட்டத்தை வணிகங்களில் வியூகம் என்று சொல்லி, மிகவும் பிரைவேட்டாக கொண்டாட விரும்புவார்கள். உங்கள் இருவரின் விருப்பமும் நிறைவேறும் வகையில் கொண்டாடலாம்.

பழைய டிரெண்டுகளை பின்பற்றலாம். உங்கள் பார்ட்னர் ரொமான்டிக்கான நபராக இல்லையென்றால், நீங்கள் பள்ளி காலத்தில் பின்பற்றிய பழைய முறைகளை பயன்படுத்தலாம். ஒரு ஃபேன்சி உணவகத்தில் டின்னர் புக் செய்யலாம், சாக்லேட் பாக்ஸ் அல்லது பூங்கொத்து வாங்கி பரிசளிக்கலாம்.

பெரிய எதிர்ப்புகளை வைத்துக்கொள்ள வேண்டாம். காதலர் தினம் பெரிய வணிகத்துக்கான கொண்டாட்டமாக மாறி பல ஆண்டுகள் ஆகிவிட்டன. அதே போல, காதலன் / காதலியை இம்ப்ரஸ் செய்ய பெரிய பெரிய, புதிதான, கிரியேட்டிவ்வான, ஆடம்பர பொருட்களை பரிசாகக் கொடுப்பது,அசத்துவது என்றெல்லாம் பழக்கத்தில் உள்ளன. எனவே, அந்த அடிப்படையில் பெரிய விஷயங்களை மனதில் எதிர்பார்ப்பாக வைத்துக் கொள்ளாதீர்கள். காதலர் தினத்தை எப்படி வேண்டுமானாலும் கொண்டாடலாம்.
காதலுக்காக நண்பர்களை ஒதுக்கி விடாதீர்கள். புதிதாக காதலிப்பவர்கள், காதலுக்கு நேரம் செலவழிக்க வேண்டும், அதே நேரத்தில் நண்பர்களை முழுவதுமாக ஒதுக்கி விடாதீர்கள்.

நீங்கள் காதலை ப்ரொபோஸ் செய்ய முழுக்க முழுக்கத் தயாராக இருந்தால் மட்டுமே, டிராமாட்டிக் ஆக, திரைப்படங்களில் வருவது போல செய்யலாம். இல்லை என்றால், தவிர்த்து விடுங்கள்.

காதலர் தினக் கொண்டாட்டம் என்பதும் பரிசுகளை வழங்குவது, காதலை வெளிப்படுத்துவது பெர்பெக்ட் ஆக இருப்பது என்ற நோக்கில் மட்டுமே இல்லை. இந்த நாளை உங்கள் பார்ட்னருடன் ஜாலியாக செலவிடலாம். மிகவும் மகிழ்ச்சியாக இருப்பதும் காதலை வலுப்படுத்தும்.

தொலை தூர உறவில் இருப்பவர்கள், காதலர் தினத்தன்று சந்திக்க முடியாதவர்கள், டெக்னாலஜி உதவியுடன் காதலைக் கொண்டாடுங்கள். ஆன்லைனில் பரிசு அனுப்பலாம், பிடித்த உணவு ஆர்டர் செய்யலாம்.
இருவரில் யார் முதலில் காதலர் தினத்துக்கான திட்டங்களை தொடங்குவது என்ற யோசனை இருந்தால், நீங்களே அதை திட்டமிடுங்கள்.

பெண்களுக்கு diy பரிசுகள் மிகவும் விருப்பமானதாகக் கருதுகிறார்கள் என்று சில ஆய்வுகள் தெரிவித்துள்ளன. அதாவது நீங்களாகவே ஒரு பரிசுப்பொருளை உருவாக்குவது. எனவே, ஆண்கள், பரிசுகளை வாங்கும் போது, அது diy பரிசாக வாங்கிக் கொடுக்கலாம்.