அன்பும்.. கனிவும்.. ஆண்களிடம் பெண்கள் கவனிக்கும் முக்கிய விஷயங்கள்...!

எவ்வளவு தான் நாகரிகமும் தொழில்நுட்பமும் முன்னேறினாலும் இன்றும் பெண்களைப் பற்றிய ரகசியங்கள் ஆண்களை குழப்பிக் கொண்டே இருக்கின்றன. குறிப்பாக ஒரு பெண்ணின் மனதை கவர்வது எப்படி என்பதை பற்றி ஒவ்வொருவரும் ஒவ்வொரு விதமான கற்பனைகளை கொண்டிருக்கிறார்கள். உண்மையில் பெண்களின் மனதை கவர்வதற்கு மிகப்பெரிய ராஜதந்திரங்கள் ஏதும் தேவையில்லை. இந்த பதிவில் குறிப்பிடப் போகும் சில எளிமையான விஷயங்களை பின்பற்றினாலே போதும்.

ஆர்வம் : நீங்கள் ஒரு பெண்ணிடம் பழகும் போது நீங்கள் உண்மையாகவே அவர் மீது ஆர்வம் கொண்டிருக்கிறீர்கள் என்பதை வெளிப்படுத்த வேண்டும். அவர்கள் பேசும் பேச்சை உன்னிப்பாக கவனிப்பதும், அவர்களைப் பற்றி கேள்விகள் எழுப்புவதும் உங்களுக்கு அவர்கள் மீது ஆர்வம் உள்ளது என்பதை அவர்களுக்கு தெளிவாக வெளிப்படுத்தும்.

தன்னம்பிக்கை : தன்னம்பிக்கையுடன் விளங்கும் ஆணை பெண்கள் எப்போதுமே விரும்புவார்கள். கூட்டத்தில் ஒருவராக இருக்காமல், தன்னுடைய திறமையின் மூலமும் வெற்றிகளின் மூலமும் தனித்து தெரியும் பட்சத்தில் கண்டிப்பாக உங்களால் அவர்களை எளிதாக கவர முடியும்.

விவரங்களை கவனித்தல் : அவர்களுக்கு என்ன பிடிக்கும் என்ன பிடிக்காது என்னென்ன விதமான சூழ்நிலைகளில் அவர்கள் எவ்வாறு ரியாக்ட் செய்வார்கள் என்பது போன்ற விஷயங்களை நீங்கள் தெரிந்து வைத்திருப்பது அவர்களுக்கு மிகவும் பிடிக்கும்.

மதிப்பு : எந்த ஒரு பெண்ணுமே தன்னை மதிப்போடும் மரியாதைடனும் நடத்தும் ஆண் மகனை தான் விரும்புவார்கள். உங்களுக்கு பிடித்த பெண்ணிடம் மரியாதையோடு நடந்து கொள்வது அவர்களுக்கு உங்கள் மீது உள்ள மதிப்பை அதிகரிக்கும்.

நகைச்சுவை திறன் : பெரும்பாலான பெண்கள் நகைச்சுவை உணர்வு அதிகம் உள்ள ஆண்களை அதிகம் விரும்புகிறார்கள். பெண்களிடம் பேசுவதற்கு பயம் கொள்ளாமல் நேரம் கிடைக்கும் போதெல்லாம் அவர்களே சிரிக்க வைக்க முயற்சி செய்ய வேண்டும்.

ரொமான்ஸ் : அனைத்து பெண்களுக்கும் ரொமான்டிக்காக இருப்பது மிகவும் பிடித்தமான ஒன்றுதான். நேரம் கிடைக்கும் போதெல்லாம் அவர்களுக்கு இன்ப அதிர்ச்சி கொடுப்பது, கேண்டில் லைட் டின்னருக்கு அழைத்துச் செல்வது ஆகியவற்றை செய்வதன் மூலம் பெண்களின் மனதை கொள்ளை அடிக்க முடியும். அந்தப் பெண்ணுக்காக நீங்கள் எதை வேண்டுமானாலும் செய்வீர்கள் எனும் நம்பிக்கையை அளிக்க வேண்டும்.

உறுதுணையாக நிற்பது : பெண்களை மதித்து அவர்களுக்கும் எதிர்பார்ப்புகள் மற்றும் குறிக்கோள்கள் இருக்கும் என்பதை உணர்ந்து அவர்கள் தங்கள் குறிக்கோளை அடைவதற்கு உறுதுணையாக இருக்க வேண்டும். இவ்வாறு இருக்கும் ஆண்களை பெண்களுக்கு மிகவும் பிடிக்கும்.

கனிவாக இருப்பது : எப்போதுமே ஆணாதிக்க மன நிலையில் இல்லாமல் மற்றவர்களிடம் இரக்கமாகவும் கனிவாகவும் நடந்து கொள்ளும் ஆண்மகனை பெண்கள் அதிகம் விரும்புவார்கள். உதாரணத்திற்கு அவர்களுக்காக கதவுகளை திறந்து விடுவது, அவர்களின் பைகளை சுமந்து வருவது போன்ற சிறு சிறு விஷயங்கள் உங்கள் மீது உள்ள காதலே அவர்களுக்கு அதிகரிக்கச் செய்யும்.

கனிவாக இருப்பது : எப்போதுமே ஆணாதிக்க மன நிலையில் இல்லாமல் மற்றவர்களிடம் இரக்கமாகவும் கனிவாகவும் நடந்து கொள்ளும் ஆண்மகனை பெண்கள் அதிகம் விரும்புவார்கள். உதாரணத்திற்கு அவர்களுக்காக கதவுகளை திறந்து விடுவது, அவர்களின் பைகளை சுமந்து வருவது போன்ற சிறு சிறு விஷயங்கள் உங்கள் மீது உள்ள காதலே அவர்களுக்கு அதிகரிக்கச் செய்யும்.