இன்ட்ரோவெர்ட் நபர்களுக்கு இந்த விஷயங்கள்தான் மகிழ்ச்சி தருமாம்..!

பொதுவாகவே இன்ட்ரோவெர்ட் (Introvert) என அழைக்கப்படும் உள்முக சிந்தனையாளர்களை பற்றி பலருக்கும் பல்வேறு வித எண்ணங்கள் உண்டு. அவர்கள் இயல்பாகவே அமைதியானவர்களாக, எதிலும் நாட்டம் இல்லாத ஒருவரை போல் இருந்தாலும், வாழ்வின் சிறு நிகழ்ச்சிகளையும், சந்தோஷங்களையும் அவர்கள் அனுபவிக்க தவறுவதில்லை. மேலும் வெளி உலகத்திற்கு தெரிவது போல் அவர்கள் அமைதியானவர்களாகவும் ஒன்றும் தெரியாதது போல் இருந்தாலும் உண்மையிலேயே அவர்கள் தன்னை சுற்றியுள்ள அனைத்தையும் நன்றாக புரிந்து கொண்டு அவற்றை அனுபவிக்கும் மனநிலையிலேயே இருக்கின்றனர்.

மேலும் மற்றவர்கள் அனுபவிக்க தவறிய, நினைத்த கூட பார்க்காத சிறு நிகழ்வுகள், வித்தியாசமான சூழ்நிலை ஆகியவை கூட உள் முக சிந்தனையாளர்களுக்கு மகிழ்ச்சியை கொடுக்கும். அப்படி உன்முக சிந்தனையாளர்களுக்கு மகிழ்ச்சி கொடுக்கும் சில விஷயங்களைப் பற்றி இப்போது பார்ப்போம்.

காலியான லிஃப்ட் : உள் முக சிந்தனையாளர்களுக்கு எப்போதுமே லிஃப்ட்டில் செல்லும்போது, கூட்ட நெரிசலை விட அவை காலியாக இருக்கும் போது மிகவும் திருப்தியாக உணர்வார்கள். முடிந்த அளவு ஆள் ஆரவமற்ற லிஃப்ட்டிலேயே பயணம் செய்ய விரும்புவார்கள்.

திட்டங்கள் கிடையாது : உள்முக சிந்தனையாளர்கள் பொதுவாகவே தனக்குத் துணையாக யாரும் இல்லாமல் தனியாக இருக்கும்போது மிகவும் மகிழ்வாக உணர்வார்கள். முக்கியமாக காலையில் எழுந்ததும், எங்கேனும் வெளியே செல்ல வேண்டிய திட்டமோ அல்லது மாலை வேலைகளில் எந்த ஒரு திட்டமும் இன்றி தனியாக இஷ்டம் போல் பொழுதை கழிப்பதே அவர்களுக்கு மிகவும் மகிழ்ச்சி தரும்.

ஆன்லைன் மீட்டிங் : அலுவலகம் சம்பந்தப்பட்ட சந்திப்புகளும் அல்லது தனிப்பட்ட சந்திப்புகளையும் நேரடியாக சென்று சந்திக்காமல், இருந்த இடத்திலேயே ஆன்லைன் வழியாக மீட்டிங்குகளை முடித்துக் கொள்வதில் மிக திருப்தியாக உணர்வார்கள்.

மழையை ரசிப்பார்கள் : கிட்டத்தட்ட அனைத்து உள்முக சிந்தனையாளர்களுமே மழையின் மீது தீராத காதல் கொண்டுள்ளனர். நன்றாக மழை பொழியும் நேரத்தில் மிக அமைதியாக தன்னுடைய வீட்டினுள் உட்கார்ந்து கொண்டு அதனை அனுபவிப்பதை மிகவும் விரும்புவார்கள்.

ஷாப்பிங் நேரத்தில் யாருக்கும் இடமில்லை : அவர்கள் ஷாப்பிங் சென்றால் எப்போதும் மற்றவர்களுடைய துணையே நாடுவதில்லை. முக்கியமாக அங்கிருக்கும் விற்பனையாளர் இவர்களை பின் தொடர்வதையும் அல்லது தேவையற்ற பேச்சுக்களை வளர்ப்பதையும் இவர்கள் விரும்புவதில்லை. ஷாப்பிங் செல்லும்போது தனியாக ஷாப்பிங் செய்தால் இவர்கள் மிகவும் ரிலாக்ஸாக உணர்வார்கள்.

குறுஞ்செய்தி : இவர்கள் குறுஞ்செய்தி வழியாக எண்ணங்களையும் தகவல்களையும் பரிமாறிக் கொள்வதையே மிகவும் அதிகம் விரும்புகிறார்கள். மற்றவர்களுக்கு கால் செய்து பேசுவது காட்டிலும் குறுஞ்செய்தி மிகவும் வசதியாக இருப்பதாக கூறுகிறார்கள்.

உணவகங்களில் உணவு உட்கொள்வது : இரவு உணவுக்கு மற்றவர்கள் வீடுகளுக்கு சென்று உணவருந்துவதை விட உணவகங்களில் இரவு உணவை உட்கொள்ள இவர்கள் மிகவும் விரும்புகிறார்கள். ஒருவேளை உணவு சரியாக இல்லை என்றால் உணவகங்களில் மிக எளிதாக அதனை மாற்றிக் கொள்ளலாம் இதுவே மற்றவர்கள் வீடு என்றால் அவ்வாறு செய்ய முடியாது அல்லவா!

தொடர்ச்சியாக படங்களை பார்ப்பது : பிஞ் வாட்ச் எனப்படும் நாள் முழுவதும் உட்கார்ந்து ஒரு திரைப்படம் அல்லது தொலைக்காட்சி தொடர்களை பார்ப்பதை மிகவும் விரும்புவார்கள்.

பிளான் கேன்சல் : பல்வேறு நபர்கள் ஒன்றாக எங்கேனும் வெளியே செல்ல திட்டம் தீட்டி பிறகு அந்த திட்டம் கைவிடப்படும் பட்சத்தில் முதலில் மகிழ்வடையும் நபராக இவர்கள் இருப்பார்கள். ஏனெனில் மற்றவர்களுடன் சேர்ந்து கூட்டமாக செல்வது என்பது அவர்களுக்கு பிடிக்கவே பிடிக்காது.