உண்மையிலேயே காதலிக்கு உங்கள் மேல் அன்பு இருக்கா..? இந்த அறிகுறிகளை கவனிங்க..!

காதலில் விழாத மனிதர்களை பார்ப்பது மிகவும் கடினம். ஏனென்றால், அனைவரின் வாழ்க்கையிலும் காதல் அனுபவம் ஒருமுறையாவது இருந்திருக்கும். முன்பெல்லாம், காதலில் விழுந்த இருவரும் ஒருவருக்கு உண்மையாகவும், அன்பாகவும், அரவணைப்புடனும் இருப்பார்கள். ஆனால், தற்போது டேட்டிங் என்ற பெயரில் உலகம் போலி உறவுகளால் நிரம்பியுள்ளது. உங்கள் காதலி உங்களை உண்மையாக காதலிக்கிறாரா? இல்லையா என்பதை எப்படி கண்டறிவது என உங்களுக்கு கூறுகிறோம்.

போலியாக காதல் செய்யும் பெண்கள், பெரும்பாலும் தங்கள் காதலை அவர்களின் நெருக்கமான நட்பு வட்டாரத்திற்கு கூட தெரிவிக்காமல் மறைக்க விரும்புகின்றனர். அதே நேரம் பேஸ்புக், இன்ஸ்டாகிராம் என சமூக ஊடகத்தில் மட்டும் மறைமுகமாக காதலை வெளிப்படுத்துகின்றனர். அதாவது, காதலிக்கும் பையனுக்கு மட்டும் இவர் இடும் காதல் பதிவுகள் தெரியும் வகையில் வைப்பார்கள்.

உங்களிடம் பேசுவதை ஒரு கடமையாக கருதும் காதலி, உங்களின் உண்மையான காதலை மதிக்கவில்லை என்று அர்த்தம். இதன் விளைவாக, இருவருக்கும் இடையேயான பேச்சுவார்த்தை குறைந்து விரிசல் ஏற்படும் வாய்ப்பு அதிகரிக்கிறது.

போலியாக காதல் செய்யும் பெண்கள், உங்களையும் உங்கள் பழக்க வழக்கங்களையும் மாற்ற முயற்சி செய்கிறார்கள். அதாவது, அவர்களுக்கு பிடித்த வகையில் நீங்கள் இருக்க வேண்டும் என கட்டாயப் படுத்துகின்றனர்.

இருவருக்கும் இடையே ஒரு சில சமயங்களில் ஏற்படும் மோதல், பிரச்சனைகளுக்கு தீர்வு காண மறுப்பு தெரிவித்து, பெரும்பாலும் விலகி இருக்கும் பெண்கள், உங்கள் காதல் உறவில் நாட்டம் காட்டவில்லை என்று அர்த்தம். எப்படியோ போ என்ற மனநிலையில் இருப்பார்கள்.

பொதுவான பிரச்சனைகளை தவிர்த்து, உங்களுக்கு ஏற்படும் தனிப்பட்ட பிரச்சனைகள் பற்றி எந்த கவலையும் இல்லாமல் விலகி இருக்கும் காதலி, உங்கள் காதல் உறவை விரும்பவில்லை என்று அர்த்தம்.

உங்களுக்கான முக்கியத்துவம் மற்றும் முன்னுரிமைகளை தர மறுக்கும் பெண்கள், உங்கள் காதல் உறவில் இருந்து விலகி இருக்க விரும்புகிறார். அதேநேரம் அவருக்கு முன்னுரிமை அளிக்க வேறு சில விஷயங்கள் உள்ளது என புரிந்துக்கொள்ளுங்கள்.

தன்னுடைய முன்னாள் காதலன் குறித்து அடிக்கடி பேசுவது அல்லது உங்களுடன் அவரை ஒப்பிட்டு பேசுவது, உங்கள் காதல் முறிவுக்கான அறிகுறியே. எனவே, புரிந்து சூதானமாக நடந்துக்கொள்ளுங்கள்.

எதிர்காலத்தில் உங்களுடன் இணைந்து வாழ விரும்பாத பெண்கள், நிச்சயம் உங்களின் எதிர்காலம் குறித்து சிந்திக்க மாட்டார்கள். அந்த வகையில் ‘எதிர்கால வாழ்க்கை’ குறித்து உங்களிடம் பேச விரும்பாத பெண்கள், உங்களை போலியாக விரும்புகின்றனர் என புரிந்துக்கொள்ளுங்கள்.