நட்ஸ் சாப்பிட்டு வந்தால் தாம்பத்திய வாழ்க்கை மேம்படும் : எப்படி , எப்போது சாப்பிட வேண்டும்..?

நியூட்ரியன்ஸ் ஜர்னல் நடத்திய ஆய்வில் நட்ஸ் வகைகளை தினமும் 60 கிராம் சாப்பிட்டு வர தாம்பியத்தில் ஈடுபடும் ஆற்றல் அதிகரிக்கும் என்று கண்டுபிடிக்கப்பட்டுள்ளது. இந்த ஆய்வில் ஆரோக்கியமற்ற வெஸ்டர்ன் டயட்டை பின்பற்றுவோர் 83 பேரை ஈடுபடுத்தியுள்ளது. வெஸ்டர்ன் டயட்டை பின்பற்றுவோர் பழங்கள் , காய்கறிகளை தவிர்த்து அதிகமாக ரொட்டி வகைகள், கொழுப்பு நிறைந்த இறைச்சி வகைகளைதான் உண்பார்கள்.

அவர்களுக்கு வால்நட், பாதாம், பிஸ்தா போன்ற நட்ஸ் வகைகளை 14 வாரங்கள் கொடுத்து கண்காணித்துள்ளது. அதில் அவர்களின் தாம்பத்தியத்தில் ஈடுபடும் ஆற்றல் அதிகரித்திருப்பதை உணர்ந்துள்ளனர்.

அப்படி பாதாம், பிஸ்தா, முந்திரி, வேர்க்கடலை, வால்நட்ஸ், வறுத்த கொண்டை கடலை என அனைத்து வகையான நட்ஸ் வகைகளையும் சாப்பிடலாம்.

இதே ஆய்வுக் குழு இதற்கு முன் நட்ஸ் வகைகளை உண்பதால் விந்தணுக்களின் அளவு அதிகரிக்குமா என்று ஆய்வு செய்தது. ஆனால் அவர்கள் எதிர்பார்த்தபடி இல்லாமல் தோல்வியையே தழுவினர்.

இந்த செக்ஸ் வாழ்க்கையில் ஈடுபாடின்மை பிரச்னை 40 வயதுக்கு மேல் உள்ள ஆண்களில் 52 சதவிகிதமும், 47 - 70 வயது கொண்டோர் 85 சதவிகிதமும் இருப்பதாகக் கண்டறிந்துள்ளது.

செக்ஸ் ஆற்றல் குறைதலுக்கு புகைப்பிடித்தல், அதிகமான மது அருந்துதல், உடற்பயிற்சியின்மை, மன அழுத்தம், தூக்கமின்மை, ஆரோக்கியமற்ற உணவுப் பழக்கம் போன்ற காரணங்களால் ஏற்படுகின்றன என்றுக் கூறியுள்ளது இந்த ஆய்வு குழு.