Mother's Day 2023: அன்னையர் தினத்தில் உங்க அம்மாவுக்கு என்ன கிஃப்ட் கொடுக்கலாம்..? அசத்தல் டிப்ஸ் உங்களுக்காக...

 குடும்பத்தில் மற்றும் சமுதாயத்தில் தாய்மார்களின் பங்களிப்பை போற்றும் விதமாக உலகம் முழுவதும் அன்னையர் தினம் கொண்டாடப்படுகிறது. இந்த அன்னையர் தினத்தில் நீங்கள் உங்களது தாய்க்கு சிறந்த கிஃப்ட் கொடுக்க விரும்புகிறீர்களா..?

உங்கள் தாய்க்கு சரியான கிஃப்ட்டை செலக்ட் செய்வது உங்களுக்கு ஒரு கடினமான பணியாக இருக்கலாம். வரும் அன்னையர் தினத்தில் உங்கள் தாய்க்கு நீங்கள் கிஃப்ட் வழங்குவதற்கான யோசனைகளை இங்கே பார்க்கலாம். இதன் மூலம் சரியான கிஃப்ட்டை கொடுத்து உங்கள் அம்மாவை நீங்கள் எவ்வளவு நேசிக்கிறீர்கள் என்பதை அவரிடம் வெளிப்படுத்துங்கள்.

பூக்கள்: உங்கள் தாய்க்கு பிடித்த பூக்களை வாங்கி கொடுப்பதன் மூலம் அவர்களை நீங்கள் மகிழ்ச்சியடைய செய்யலாம். பூக்களோடு சேர்த்து உங்கள் தாய்க்கு பிடித்த பூக்கள் அடங்கிய பூச்செண்டு ஒன்றையும் வாங்கி பரிசளிப்பது உங்கள் தாய்க்கு அன்னையர் தினத்தை ஸ்பெஷலாக்கும்.

சாக்லேட் : உங்கள் தாய்க்கு சாக்லேட் மிகவும் பிடித்தமானது என்றால் அவருக்கு பிடித்த சாக்லேட்ஸ் அடங்கிய கிஃப்ட் பாக்ஸ் ஒன்றை வாங்கி பரிசளிக்கலாம். குறிப்பாக நீங்கள் கிஃப்ட்டாக கொடுக்கும் சாக்லேட் பாக்ஸில் உங்கள் தாய்க்கு பிடித்த பல சாக்லேட்ஸ்கள் இருக்குமாறு பார்த்து கொள்ளுங்கள்.

ஸ்பா டே : ஆண்டின் அனைத்து நாட்களிலும் உழைத்து களைத்து போகும் உங்கள் தாய்க்கு இந்த அன்னையர் தினத்தில் ஓய்வு கொடுக்கலாமே. ஓய்வோடு சேர்த்து ஃபேஷியல் அல்லது பிற பாம்பரிங் ட்ரீட்மென்ட்ஸ் அளிக்க உங்கள் தாயை தரமான மற்றும் சிறப்பான சர்விஸை கொடுக்கும் ஸ்பா-விற்கு அழைத்து செல்லுங்கள்.

ஹேண்ட்மேட் கிரீட்டிங் கார்ட்ஸ் : உங்கள் தாய் மீதான பாசத்தை வெளிப்படுத்த அன்னையர் தினத்தன்று உங்கள் கைகளால் தயாரிக்கப்பட்ட வாழ்த்து அட்டையை அவருக்கு கிஃப்ட்டாக கொடுப்பது சிறந்த ஐடியாவாக இருக்கும். அந்த கார்டில் உங்கள் தாய்க்காக நீங்கள் உங்கள் சொந்த சிந்தனையில் உருவான கவிதைகளை எழுதி கொடுக்கலாம்.

வாசனை மெழுகுவர்த்திகள்: வீட்டில் இருக்கும் பெரும்பாலான நேரம் வேலைகளில் கவனம் செலுத்தும் உங்கள் தாயின் மனதிற்கு அமைதியான மற்றும் நிதானமான சூழலை உருவாக்க நீங்கள் அவருக்கு வாசனை மெழுகுவர்த்திகளை வாங்கி பரிசளிக்கலாம். உங்களால் தாய்க்கு பிடித்தமான வாசனையை தேர்வு செய்து அதற்கேற்ப Scented Candles பரிசளிக்கலாம்.

பர்ஸ்னலைஸ்ட் ஃபோட்டோ கிஃப்ட்ஸ் : ஃபோட்டோ மக்ஸ் முதல் ஃபோட்டோ கேன்வாஸ்கள் வரை, உங்கள் அம்மாவுக்குப் பிடித்த குடும்பப் புகைப்படங்களைக் காண்பிக்கக்கூடிய பல பர்ஸ்னலைஸ்ட் ஃபோட்டோ கிஃப்ட்ஸ்களை நீங்கள் உங்கள் தாய்க்கு பரிசளிக்கலாம்.

பர்ஸ்னலைஸ்ட் ஜுவல்லரி: நெக்லஸ், பிரேஸ்லெட் அல்லது மோதிரமாக எதுவாக வேண்டுமானாலும் இருக்கலாம். அதில் உங்கள் அம்மாவின் பெயர் அல்லது அவரது இனிஷியல் கொண்ட கஸ்ட்டமைஸ்டு நகையை வாங்கி பரிசளிக்கவும்.

கிச்சன் கேஜெட்ஸ் : உங்கள் தாய் சமையல் அல்லது பேக்கிங் செய்வதை அதிகம் விரும்புபவர் என்றால் ஸ்டாண்ட் மிக்சர், பிளெண்டர் அல்லது மெஷரிங் ஸ்பூன்ஸ் போன்ற சில பயனுள்ள கிச்சன் கேஜெட்ஸ்களை வாங்கி பரிசளிக்கவும்.

புத்தகங்கள்: உங்கள் தாய் புத்தகங்கள் வாசிப்பதை மிகவும் ஈடுபாடுடன் செய்பவர் என்றால் அவருக்கு பிடித்தமான எழுத்தாளர்கள் எழுதிய புதிய புத்தகங்கள் அல்லது பிடித்த தலைப்புகளில் கிடைக்கும் புத்தகங்களை வாங்கி பரிசளிக்கலாம்.

விரும்பும் இடங்களுக்கு... உங்களால் முடிந்தால் உங்கள் தாயை அவர் மிகவும் பார்க்க விரும்பும் இடத்திற்கு கூட்டி செல்லுங்கள். இது அவர்களுக்கு அற்புதமான நினைவுகளை உருவாக்க சிறந்த வழியாகும்.