அலியா பட் மற்றும் ரன்பீர் கபூர் ஜோடியிடம் நாம் கற்றுக் கொள்ள வேண்டிய காதல் பாடங்கள்...

தமிழகத்தில் கடந்த சில நாட்களாக பெரும் சுவாரஸ்யத்தோடு பேசப்பட்டு வந்த, இயக்குநர் விக்னேஷ் சிவன், நடிகை நயன்தாரா திருமணத்தைப் போலவே கடந்த ஏப்ரல் மாதத்தில் மணம் முடித்தவர்கள் தான் நடிகர் ரன்பீர் கபூர் மற்றும் நடிகை அலியா பட் ஜோடி ஆகும்.ஹிந்தி திரையுலக நட்சத்திரங்களான இவர்கள் சுமார் 5 ஆண்டு கால காதலுக்குப் பிறகு கடந்த ஏப்ரல் மாதத்தில் திருமணம் செய்து கொண்டனர். அவர்களது திருமணம் என்பது, மும்பையில் உள்ள வீட்டில் அவர்களுக்கு பிடித்தமான பால்கனி பகுதியிலேயே நடத்தி முடிக்கப்பட்டது. இந்த ஜோடியின் காதல் வாழ்க்கை மற்றும் திருமணத்தில் இருந்து நாம் சில முக்கியமான விஷயங்களை கற்றுக் கொள்ள முடியும்.

வயது என்பது வெறும் எண் : காதலைப் பொறுத்தவரையில் வயது என்பது வெறும் எண் தான் என்பதற்கு உதாரணமாக ரன்பீர் - அலியா பட் ஜோடி விளங்குகிறது. இருவருக்கும் சுமார் 10 ஆண்டுகள் வயது வித்தியாசம் உண்டு. நீங்கள் உண்மையான காதலில் இருந்தால் இந்த வயது வித்தியாசம் ஒரு பொருட்டல்ல என்பதை இது உணர்த்துகிறது.

ஸெல்ஃப் லவ் : உங்கள் வாழ்க்கைத் துணையை நீங்கள் நேசிப்பதைப் போலவே, நம் மீது நாம் நேசம் கொண்டவர்களாக இருக்க வேண்டும். அப்போது தான் மனநலன் நன்றாக இருக்கும். உங்களை நீங்களே விரும்பாவிட்டால் வேறு யார் விரும்புவார்கள்?

துறை சார்ந்த வளர்ச்சி : திரைத்துறையில் இருவருமே நல்ல வளர்ச்சி பெற்றவர்கள் தான். ஆனால், ஒருபோதும் ஒருவரது வளர்ச்சி குறித்து இன்னொருவர் பொறாமை கொண்டதில்லை.

இணைந்து பயணம் : ஒரு இணையராக, எங்கு பயணம் செய்வது என்றாலும் இருவருமே இணைந்து திட்டமிட்டு அதற்கேற்ப பயணம் செய்கின்றனர். இருவருக்கும் பிடித்தமான இடங்களை நீங்கள் தேர்வு செய்யும்போது அது இனிமையானதாக இருக்கும்.

மரியாதையுடன் நடத்துவது : ரன்பீர் - அலியா பட் ஜோடியினர் ஒருவருக்கு, ஒருவர் எப்போதும் மரியாதை கொண்டவர்களாக இருக்கின்றனர். அதைப்போலவே நீங்களும் கூட உங்கள் பார்ட்னரை எந்த சமயத்திலும் அவமதிக்காமல் மரியாதை செலுத்த வேண்டும்.

எப்போதும் துணை நிற்க வேண்டும் : காதலில் இருப்பவர்கள், மகிழ்ச்சியான தருணங்களில் மட்டும் துணை நிற்பது நல்ல கடமையாகாது. மாறாக, துன்பங்களிலும் துணை நிற்க வேண்டும். ரன்பீரின் தந்தை மறைந்த போது அவருக்கு ஆறுதலாக இருந்தவர் அலியா பட்.

பொது இடத்தில் அன்பு : நீங்கள் எந்த அளவுக்கு ஒருவர் மீது ஒருவர் அன்பு செலுத்துகிறீர்கள் என்பதை அவ்வபோது பொது இடத்திலும் வெளிப்படுத்துவது முக்கியமானது. காதல் தொடங்கிய நாளில் இருந்து தங்கள் அனுபவங்களை பகிர்ந்து கொள்ள ரன்பீர் அலியா பட் தவறியதில்லை.

அலியா பட் குறித்து ரன்பீர் : ”அலியா பட்டின் பணியை நான் பார்த்தபோது, அவரது நடிப்பை ரசித்தேன். எனது வாழ்க்கையிலும் கூட அலியா பட் ஏற்படுத்திய மாற்றம் என்பது என்னால் மறக்க முடியாதது’’ என்கிறார் ரன்பீர்.

ரன்பீர் குறித்து அலியா பட் : ”நான் மிகவும் துணிச்சலான பெண். ஆனால், எனக்குள் கொஞ்சம் காதல் உணர்வு ஏற்பட்டதற்கு ரன்பீர் தான் காரணம். நான் அவரை மிக ஆழமாக நேசிக்கிறேன். அவருடன் இருப்பது மகிழ்ச்சியளிக்கிறது’’ என்கிறார் அலியா பட்.