உங்கள் துணை உண்மையாக இருக்கிறார் என்பதை அறிந்து கொள்ளும் வழிகள்..

இன்றைய வாழ்க்கை சூழலில் ஒருவரை ஒருவர் புரிந்து கொள்வதற்கு சரியான நேரம் ஒதுக்குவதே கிடையாது. இதன் விளைவாக ஏராளமான பொய்களை தொடக்கம் முதலே கூற செய்கிறோம். குறிப்பாக காதல் உறவில் இது போன்ற சிக்கல்கள் அதிகம் உண்டு. சிறிய பொய்களோ, பெரிய பொய்களோ -இவை ஒருவரின் வாழ்க்கையையே புரட்டி போட கூடிய அளவிற்கு பலம் வாய்ந்தவை. இது போன்ற சில காரணிகளால் காதல் உறவில் நம்பிக்கை இல்லாமல் போய் விடுகிறது. எனவே ஒரு உண்மையான துணையாக இருப்பதற்கு சில வழிமுறைகள் உண்டு. அவற்றை விரிவாக இந்த பதிவில் தெரிந்து கொள்வோம்.

நடித்தல்: ஒருவரை உண்மையாக நேசிக்கிறோம் என்றால் அவரிடம் முதலில் ஒளிவு மறைவின்றி நடந்து கொள்ள வேண்டும். உண்மையான துணை என்பவர் தன்னை எக்காரணம் கொண்டும் மிக சரியானவராக காட்டி கொண்டு நடிக்க மாட்டார்கள். மேலும் அவர்களிடம் உள்ள குறைகளை அவர்களே சுட்டி காட்டி அதனை சரிசெய்து வருவதாக எடுத்து கூறுவார்கள்.

முக்கியத்துவம்: காதல் உறவில் உள்ளவர்களுக்கு தன் துணையுடன் அதிக நேரம் செலவிட வேண்டும் என்கிற எண்ணம் இருக்கும். ஆனால், வேலை பளு காரணமாகவோ அல்லது வேறு காரணங்களாலோ அதை செய்யாமல் இருப்பர். ஆனால், இது சரியானதல்ல. உங்கள் துணையுடன் மகிழ்ச்சியான வாழ்க்கையை கொண்டு செல்ல முதலில் அவருடன் நேரம் செலவிடுங்கள். அவருக்கு முக்கியத்துவம் கொடுங்கள்.

உழைப்பு: உண்மையான துணை என்பவர் பல வகைகளில் அந்த உறவை தக்க வைத்து கொள்ள வேண்டும் என்பதற்காக அதிகம் உழைப்பு செலுத்துவார்கள். அதாவது தனது துணையை பற்றி புரிந்து கொள்ளுதல், அவருடன் பேசுதல், வெளியில் அழைத்து செல்லுதல் ஆகியவற்றை செய்வார்கள். இது அவரை உண்மையனவராகவும், நம்பிக்கைக்குரிய ஒருவராகவும் மாற்றும்.

சுய அன்பு: தன்னை சிறப்பான முறையில் நேசிக்க கற்று கொள்ளும் ஒருவர் தான் உண்மையான துணையாக முடியும். ஏனெனில் இப்படிப்பட்டவர்கள் தன்னை மெருகேற்ற கற்று கொண்டதுடன், தனது துணையையும் சிறப்பாக பார்த்து கொள்வார்கள்.

அடுக்குமுறை: உண்மையான துணையாக உள்ளவர்கள் எந்த சூழலிலும் மற்றவரை அடக்குமுறைக்கு உள்ளாக்க மாட்டார்கள். அதே போன்று தனது உண்மையான அன்பை மற்றவரை காயப்படுத்தாமல் வெளிக்காட்ட வேண்டும் என்று எண்ணுவார்கள்.

உறுதுணை: வாழ்க்கையில் எத்தனை கடினமான சூழல் வந்தாலும் தான் காதலிப்பவரை கைவிடாமல் அவருடன் உறுதுணையாக இருப்பவர்கள் உண்மையான துணை ஆவார்கள். மேலும் அவருக்கு அவரின் வாழ்க்கை மீது நம்பிக்கையையும் இதன் மூலம் பெற செய்வார்கள்.

வளர்ச்சி: உண்மையான துணை என்பவர்கள் தான் மட்டும் வாழ்வில் வளராமல் தான் காதலிக்கும் நபரையும் வளர்ச்சி பெற உதவுவார். அதே போன்று எப்போதும் இவர் நன்றி உணர்வுடன் செயல்படுவார். இந்த பண்புகள் சிறந்த முறையில் உறவை வளர்த்தெடுக்க உதவும்.

சண்டைகள்: காதல் உறவு என்றாலே சண்டைகளும் வர கூடும். ஆனால், அந்த சண்டைகள் பெரிய அளவில் சென்று இருவருக்கும் மோசமான பாதிப்பை தர கூடியதாக இருக்க கூடாது. உண்மையான நேசம் கொண்டவர்கள் காதல் உறவில் சண்டைகள் வந்தாலும் அதை நல்ல முறையில் கையாண்டு, சரிசெய்ய பார்ப்பார்கள். அதே போன்று எக்காரணம் கொண்டும் தன துணையை காயப்படுத்த விரும்ப மாட்டார்கள்.