சட்டுனு எதுக்கெடுத்தாலும் கோபம் வருதா..? கட்டுப்படுத்த இதோ வழிகள்..!

சம்மந்தமே இல்லாமல் அனைவரின் மீதும் பலருக்கு கோபம் வரும். தேவையற்ற விஷயங்களுக்கெல்லாம் கோபப்பட்டு தன்னுடைய அமைதியையே இழப்பார்கள். இது தொடர் வாடிக்கையானால் நீங்கள் பலரின் உறவை இழக்க நேரிடும். உங்கள் மீது அனைவருக்கும் தவறான எண்ணங்கள் உருவாகும். எனவே கோபத்தைக் கட்டுப்படுத்த என்ன செய்யலாம்.

பிரச்னைகளைத் தவிறுங்கள் : நீங்கள் எந்த விஷயத்திற்கு கோபப்படுவீர்களோ அதைத் தவிறுங்கள். யார் உங்களைக் கோபமூட்டும் நபரோ அவரைவிட்டு சற்று விலகியிருங்கள். எதையும் கவனிக்காமல் மூச்சு விடுவதை கவனித்துக்கொண்டே இருங்கள். அடிக்கடி மூச்சை இழுத்து விடுங்கள். இந்த சிறிய டிப்ஸ் நிச்சயம் உங்களுக்கு உதவலாம்.

எந்த விஷயங்கள் உங்களை சாந்தப்படுத்துமோ அவற்றை தவறாமல் கடைபிடியுங்கள். உங்களை எப்போதும் ஓய்வாக வைத்துக்கொள்ளுங்கள். மென்மையான இசை , இயற்கை உங்களுக்கு சிறந்த அமைதிச் சூழலை உருவாக்கலாம்.

கோபத்தை கட்டுப்பாட்டில் வையுங்கள். எப்போதும் அமைதியை இழக்கக் கூடாது என்பதை எப்போதும் கவனத்தில் கொள்ளுங்கள். அப்படி கோபம் வந்தாலும் நாவடக்கம் காத்துக்கொள்ளுங்கள். கோபத்தில் முடிவெடுப்பதைத் தவிருங்கள்.

கோபம் உங்கள் வாழ்க்கையை ஆளுவதை கட்டுப்படுத்துங்கள். கோபம் அதிகமானால் உங்கள் வாழ்க்கையில் நன்மைகள் வராது. நண்பர்கள் உறவினர்கள் யாரும் உடன் இருக்க மாட்டார்கள். இதை எப்போதும் மறவாமல் நினைவில் கொள்வது உங்களுக்கு உதவலாம்.

கோபத்தைக் கட்டுப்படுத்த உதவிகள், நண்பர்களின் துணை வேண்டுமெனில் தயங்காமல் கேளுங்கள். நிலமை மிகவும் மோசமாக இருக்கும்பட்சத்தில் ரிலாக்ஸாக ஒரு ட்ரிப் சென்று வாருங்கள். மனநல ஆலோசகர்களையும் அனுகலாம்.